1. Haharitsy Zisiky Farany ty Fitiava-Ndranahary
1 TEA ANAO NDRANAHARY
“Mijanòna amy fitiava Ndranahary ao ... sady mijilo ty fiaina zisiky farany.”—Joda 21
Ino ty mahavy anao ho resy lahatsy hoe tea anao Ndranahary?
-
Jaona 3:16; 1 Jaona 4:8-10; Apokalypsy 4:11
Namoro ty raha iaby an-tany etoy Jehovah mba hahavy antsika ho falifaly amy fiaina. Tsy niova ty raha tea-Ndranahary hatao ndre nanota aza Adama noho Eva. Nameany ho vilim-panavota ty Anakilahiny, soa ho afaky ho velo zisiky farany ty olombelo.
-
Salamo 65:2; Asan’ny Apostoly 5:32
Ndre henanizao le manampy antsika Jehovah ka ameany antsika ty Baiboly, ty fanahiny masy noho ty fahafaha mivavaky. Mijanjy antsika ie lafa mivavaky aminy tsika.
2 MAHASOA AVAO TY MANORIKY TY SAFÀNI-JEHOVAH
“Zaho Jehovah ro Ndranaharinao, Azy mampianatsy anao hana fiaina soa iny.”—Isaia 48:17
Ino ty soa ho azonao lafa manoriky ty safàni-Jehovah?
-
Deoteronomia 5:28-33; 6:24
Hitani-Jehovah ty ezaky ataontsika mba hanoriha ty safàny. Lafa manoriky safà tsika, le mihasoa ty fiainantsika sady afaky mitamà fiaina farani-ze soa tsika amy hoavy.
3 AZONAO ATORO ANI-JEHOVAH HOE TEA AZY IHA
“Ho zao fitiava a Ndranahary zao, le ty hanorihantsika ty didiny.”—1 Jaona 5:3
Ho vitantsika va ty hanoriky ty safà-Ndranahary?
-
Deoteronomia 30:11; Salamo 103:14
Haini-Jehovah hoe tsy lavorary tsika. Tsy ampanaoviny antsika mihintsy ty raha tsy ho vitantsika.
-
Ohabolana 27:11; Romanina 7:21-25
Lafa tea ani-Jehovah tsika, le mahavita manoriky ty safàny ndre misy raha sarotsy aza.
-
Ohabolana 6:16-19; Efesianina 5:17
Haintsika baka amy torolala amy Baiboly ao ty hevitsi-Ndranahary. Afaky manova ty eritseritsintsika torolala rey sady afaky mampitombo ty fitiavantsika ani-Jehovah. Manampy antsika hahay ze tokony hataontsika raha rey ndre tsy mivola ani-zay mivanta aza ty Baiboly.
