Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

17. Mijanòna amy Fitiava-Ndranahary

17. Mijanòna amy Fitiava-Ndranahary

1 HATANJAHO AVAO TY FINOANAO

“Miorena soa amy finoanareo farani-ze masy.”—Joda 20

Ino ty hanampy antsika hanatanjaky ty finoantsika?

 

2 TA HANJARY KRISTIANA MATOTSY TSIKA

“Ndao tsika handroso malaky ho amy fahamatora.”—Hebreo 6:1

Manao akory Kristiana matotsy zao?

  • Romanina 8:5; Hebreo 5:14

    Mitaky fotoa noho ezaky ty fahamatora. Miezaky hitovy fomba fanentean-draha amy Jehovah ty Kristiana matotsy sady mahay manapa-kevitsy.

  • Ohabolana 27:11; Jakoba 1:2, 3

    Lafa misy raha sarotsy, le hararaoto mba hanatanjaha ty finoanao noho hampisehoa ty fitiavanao ani-Jehovah.

  • Ohabolana 3:5, 6; Jakoba 1:5

    Lafa handramby fanapahan-kevitsy, le eritsereto hoe ino ty teani-Jehovah hataonao, le angataho ie hanampy anao.

  • 2 Korintianina 13:5

    Ka mieny mianatsy mikasiky ani-Jehovah mihintsy sady hatanjaho avao ty fifandrambesanao aminy.

 

 3 MIFANTOHA AMY TY RAHA TAMANINAO AVAO

“Hisiky ... ty fitamàna fanavota ho fiarovan-doha.”—1 Tesalonianina 5:8

Manino ro miaro antsika ty raha tamanintsika?

  • Hebreo 12:2

    Tena misy heriny ty raha tamaninao amy hoavy. Eritsereto hoe nanino ro nanampy ani-Jesosy hiaritsy raha sarotsy ty raha nitamaniny.

  • Filipianina 4:6, 7

    Laha tsapanao hoe mihamanjavozavo ty fahitanao ty raha tamaninao, le mivavaha mikasiky ani-zay. Hihamalemy iha laha mieritseritsy raha mahakivy na misalasala. Fe hanome anao herim-po noho fiadanan-tsay Jehovah.

  • Malakia 3:10; Romanina 8:21

    Vetsevetseo avao ty raha tamaninao amy hoavy. Ho soa mandilatsy ty ieritseretanao azy ty tontolo vaovao.

  • Salamo 37:4; Joda 21

    Teani-Jehovah laha hainao sahala amy Namanao marìny io ie. Anovo ze azonao atao mba hanoriha ty safàny, le mamonjea azy avao sanandro.