Gafa 2 Bitima
Yihowa baote waa abbe uullate aana noore huninohu mayiraati? Hakkawaro mannu busha coye assa hanafino. Lawishshaho Addaami, Heewaninna beettinsa Qaaeeli busha coye assino. Wolu manni lawishshaho, Abeelinna Nohi kayinni dancha coye assino. Yihowa hakkawaro noo alame huninohu mannu lowo geeshsha busha ikkino daafiraati. Kuni gafi, Yihowa assineemmore laˈˈannotanna isi uullate aana bunshe woˈmite heedhara wore agurannokkita anfeemmo gede kaaˈlannonke.
KONNI GAFIRA
Addaaminna Heewani Maganoho Hajajama Giwi
Edenete kaashshu basera nooti mitte haqqicho baxxitinota ikkitinohu mayiraati? Heewani hatte haqqicho laalo ittinohu mayiraati?
Hanqa Bushate
Maganu Abeeli shiqishiˈrino kakkalo adhe, Qaaeelita kayinni adha giwino. Qaaeeli tenne afiti lowo geeshsha hanqe busha coye assino.
Nohi Markaawe
Iiminni daggino sokkaasine seenne adhite iltino ooso jigeeyyenna manna waajjishiishshannore ikkitino. Hatte yannara base baalate bunshe batidhino. Nohi kayinni Magano baxannohonna Isira hajajamannoho.
Settu Manni Gate Saino
Maganu Nohi yannara noo alame hunate 40 hashshanna 40 barra xeena gananno gede assino. Nohinna maatesi markaawete giddo mitto diro saˈanno yanna keeshshitino. Gedensoonni Maganu ‘Markaawete giddonni fulle’ yiinonsa.
