Ο άγιος πνεύμας ισί η ζορ ι Ντεβλέσκι. (Μιχαίας 3:8· Λουκάς 1:35) Ο Ντεβέλ μπουτσσαβέλα πο πνεύμας για τι ντελ ζορ κάι-ντα μανγκέλα ντα τι κερέλ οντουβά σο τθερέλα πι γκοντιάτε.​—Ψαλμός 104:30· 139:7.

 Ο εβραϊκός λάφι ρούαχ ντα ο μπαλαμανό λάφι πνεῦμα σο ισί κο πρωτότυπος κείμενος κι Γραφιάκο ο πο μπουτ φαρ μανγκένα τι σικαβέν ι ζορ ι Ντεβλέσκι, δηλαδή λέσκο άγιος πνεύμας. (Γένεση 1:2) Όμως, χρησιμοποιήντιβενα κι Αγία Γραφή για τι σικαβέν γιαβερά-ντα πράγματα:

•   Ανάσα.​—Αββακούμ 2:19· Αποκάλυψη 13:15.

•   Μπαρμπάλ.​—Γένεση 8:1· Ιωάννης 3:8.

•   Η ζωή ι τζενένγκι ντα ι ζωόνγκι.​—Ιώβ 34:14, 15.

•   Οντουλά σο σκεφτίνελα ή κερέλα εκ τζενό.​—Αριθμοί 14:24.

•   Πνευματικός πλάσμας, σαρ ισί ο Ντεβέλ ντα ο άγγελοι.​—1 Βασιλέων 22:21· Ιωάννης 4:24.

 Σαρέ ανταλά τθερένα εκ ίδιος πράγμας: Σικαβένα κάτι σο ναστί ντικχένα-λες ο τζενέ, αλλά αγαβένα-λες οντουλένταρ σο κερέλα. Αντικάς, ο πνεύμας ι Ντεβλέσκο-ντα, «σαρ η μπαρμπάλ, ναστί ντικχάσα-λες, ναστί ασταράσα-λες ντα ισί ζουρανό».​—Ερμηνευτικό Λεξικό των Λέξεων της Καινής Διαθήκης του Γ. Ε. Βάιν.

 Επίσης, η Αγία Γραφή βακερέλα ι άγιε πνευμάσκε ότι ισί ο “βαστά” ή ο “δάχτυλα” ι Ντεβλέσκε. (Ψαλμός 8:3· 19:1· Λουκάς 11:20· ντικχέν Ματθαίος 12:28) Σαρ εκ τζενό χρησιμοποιήνελα πο βαστά ντα πο δάχτυλα για τι κερέλ κάτι, αντικάς ο Ντεβέλ-ντα χρησιμοποιηντάς πο πνεύμας για:

•   Τι κερέλ σαρέ οντουλά σο ισί κο ουρανός ντα κι πφουβ.​—Ψαλμός 33:6· Ησαΐας 66:1, 2.

•   Τι γραφίντιβελ η Αγία Γραφή.​—2 Πέτρου 1:20, 21.

•   Τι αβέν ο θαύματα ντα ο έργος σο κερντέ λέσκε υπηρέτες κο πουρανέ μπρεσά.​—Λουκάς 4:18· Πράξεις 1:8· 1 Κορινθίους 12:4-11.

•   Επίσης, ο Ντεβέλ χρησιμοποιήνελα πο πνεύμας για τι βοηθίνελ ι τζενέν σο ντένα-λες καν τι σικαβέν σουκάρ ιδιότητες.​—Γαλάτες 5:22, 23.

Ο άγιος πνεύμας νανέ πρόσωπος

 Κάνα η Αγία Γραφή βακερέλα ότι ο πνεύμας ι Ντεβλέσκο ισί σαρ λέσκε “βαστά”, λέσκε “δάχτυλα” ή λέσκι «ανάσα», ανταβά σικαβέλα ότι ο άγιος πνεύμας νανέ πρόσωπος. (Έξοδος 15:8, 10) Ο σώμας ντα η γκοντί εκχέ τζενέσκι κερένα κουμάντος ο βαστά. Αντικάς ο Ντεβέλ-ντα κερέλα κουμάντος πο άγιος πνεύμας αντικάς σαρ μανγκέλα βοβ. (Λουκάς 11:13) Επίσης, η Αγία Γραφή βακερέλα ότι ο πνεύμας ι Ντεβλέσκο ισί σαρ πανί ντα ότι μοιάζελα πραγματέντζαρ σαρ ισί η πίστη ντα η γνώση. Σαρέ ανταλά σικαβένα ότι ο άγιος πνεύμας νανέ πρόσωπος.​—Ησαΐας 44:3· Πράξεις 6:5· 2 Κορινθίους 6:6.

 Κάτι γιαβέρ ισί ότι η Αγία Γραφή βακερέλα ο ναβ ι Ντεβλέσκο, σο ισί Ιεχωβά, ντα λέσκε Τσσαβέσκο, σο ισί Ιησούς Χριστός, αλλά πουθενά να βακερέλα ότι ο άγιος πνεύμας τθερέλα ναβ. (Ησαΐας 42:8· Λουκάς 1:31) Κάνα ο Χριστιανός μάρτυρας Στέφανος ντικχλάς με θαύμας ο ουρανός, ντικχάς σάντε ντούι πρόσωπα, όχι τριν. Η Γραφή βακερέλα: «Καζόμ ισινέ πφερντό άγιε πνευμάσαρ, ντικχλάς ο ουρανός ντα ντικχλάς ι δόξα ι Ντεβλέσκι ντα ι Ιησούς τι αβέλ κο δεξιά κι Ντεβλέσκε». (Πράξεις 7:55) Ο άγιος πνεύμας ισινέ η ζορ ι Ντεβλέσκι, σο κερντάς ι Στεφανός τι ντικχέλ ι φαντασία.

 Λάθος πράγμας σο πακιάνα: Ο άγιος πνεύμας ισί πρόσωπος ντα ισί αντρέ κι Τριάδα, σαρ βακερένα ο εδάφια 1 Ιωάννη 5:7, 8.

 Αλήθεια: Μπουτ Γραφές τθερένα κο εδάφια 1 Ιωάννη 5:7, 8 ο λάφια: «Κο ουρανός, ο Ντατ, ο Λάφι ντα ο Άγιος Πνεύμας ντα ανταλά τριν ισί εκ ντα τριν ισί οντουλά σο ντένα μαρτυρία κι πφουβ». Όμως, ο τζενέ σο ρόντενα αγαντέ ότι ανταλά λάφια να γραφίντιλε κατά απόστολος Ιωάννης. Οτθάρ, νανέ λάφια ι Γραφιάκε. Ο καθηγητής Μπρους Μ. Μέτζερ γραφιντάς: «Ισί σίγουρος ότι ανταλά λάφια τσσουντέ-λεν πο σοράν ντα δεν πρέπει τι αβέν αντρέ κο κείμενος της Καινής Διαθήκης». (Σχολιολόγιο του Κειμένου της Ελληνικής Καινής Διαθήκης).

 Λάθος πράγμας σο πακιάνα: Επειδή η Αγία Γραφή βακερέλα ότι ο άγιος πνεύμας ισί σαρ πρόσωπος, ανταβά μανγκέλα τι βακερέλ ότι ισί πρόσωπος.

 Αλήθεια: Ισί μπαγιά ότι η Αγία Γραφή βακερέλα μπάζιμα ότι ο άγιος πνεύμας ισί σαρ πρόσωπος. Ο Ιησούς βακερντάς ότι ισί σαρ “βοηθός” (παράκλητον, Κείμενο) σο ντέλα αποδείξεις, οδηγίες, κερέλα λάφι, ασουνέλα, δοξάνελα ντα λέλα. (Ιωάννης 16:7-15) Ανταβά όμως να μανγκέλα τι βακερέλ ότι ο άγιος πνεύμας ισί πρόσωπος, επειδή η Αγία Γραφή βακερέλα επίσης ότι γιαβερά-ντα πράγματα ισί σαρ πρόσωπος, σαρ η σοφία, ο μεριπέ ντα η αμαρτία. (Παροιμίες 1:20· Ρωμαίους 5:17, 21) Για παράδειγμας, βακερέλα ότι η σοφία κερέλα πράγματα ντα τθερέλα τσσαβέν, η αμαρτία χουχαβέλα, μουνταρέλα ντα ισί μπίτσαλε γιακχίνγκι.​—Ματθαίος 11:19· Λουκάς 7:35· Ρωμαίους 7:8, 11.

 Λάθος πράγμας σο πακιάνα: Ο μπολντιπέ κο ναβ κι άγιε πνευμάσκο σικαβέλα ότι ο άγιος πνεύμας ισί πρόσωπος.

 Καγιά ισί η αλήθεια: Η Αγία Γραφή χρησιμοποιήνελα μπάζιμα ο λάφι «ναβ» για τι σικαβέλ ότι κάποιος τθερέλα ζορ ή εξουσία. (Δευτερονόμιο 18:5, 19-22· Εσθήρ 8:10) Ανταλέ τροπόσαρ χρησιμοποιήντιβελα ο λάφι «ναβ» κο λάφι-ντα «κο ναβ σο τθερέλα ο νόμος». Ανταβά λάφι όμως να μανγκέλα τι βακερέλ ότι ο νόμος ισί πρόσωπος. Οντουλέσκε, οντουβά σο μπολντιόλα «κο ναβ» κι άγιε πνευμάσκο αγαβέλα ι ζορ σο τθερέλα ο άγιος πνεύμας ντα ο ρόλος σο κχελέλα για τι αβέλ οντουβά σο μανγκέλα ο Ντεβέλ.​—Ματθαίος 28:19.

 Λάθος πράγμας σο πακιάνα: Ο απόστολοι ντα ο πρώτοι μαθητές ι Ιησούσκε πακιάνας ότι ο άγιος πνεύμας ισί πρόσωπος.

 Καγιά ισί η αλήθεια: Ούτε η Αγία Γραφή ούτε η ιστορία βακερένα κάτι ασακό. Η Εγκυκλοπαίδεια Μπριτάνικα βακερέλα: «Αρχισάλε τι πακιάν ότι ο Άγιος Πνεύμας ισί πρόσωπος . . . κι Σύνοδος της Κωνσταντινούπολης κο 381 μ.Χ.». Ανταγιά σύνοδος αβιλί 250 ντα πο μπουτ μπρεσά σοράν κατά μεριπέ ι τελευταίε αποστολόσκο.