Κάνα υπαρχίντιβελα λατσσί συνεργασία αντρέ κο μπιαβ, ο ρομ ντα ι ρομνί ισί σαρ οντουβά σο οδηγίνελα εκ αεροπλάνος ντα λέσκο βοηθός σο ντικχένα ο ίδιες οδηγίες ι ταξιδίσκε. Ατζέ-ντα κάνα αβένα δυσκολίες, ο ντούι-ντα σκεφτίνενα σο κα κεράς «αμέν» ντα όχι σο κα κεράβ «με».

ΑΡΧΗ ΚΑΤΑ ΓΡΑΦΗ: «Ακανά, νανέ ντούι, αλλά εκ σώμας».​—Ματθαίος 19:6.

«Ο ρομ ντα η ρομνί πρέπει τι συνεργαζίντιβεν για τι τθερέν εκ λατσσό μπιαβ».​—Κρίστοφερ.

Κάνα να συμφωνίνενα εκχέ πραγμάσκε, ο ρομ ντα η ρομνί σο να αισθάντιβενα ομάδα τζάνα κόντρα ο εκ κο γιαβέρ ντα όχι κο πρόβλημας. Εκ χουρντό πρόβλημας αβέλα μπαρό θέμας.

«Η συνεργασία ισί ο θεμέλιος ι μπιαβέσκο. Άμα να κα αβάας ομάδα μι ρομέσαρ, κα αβέλας σαρ τι μπεσάας απλά ντούι τζενέ εκχέ κχερέστε. Ντα κο σημαντικές αποφάσεις ο κάθε εκ κα κερέλας σο μανγκέλα κορκορό».—Αλεξάντρα.

ΠΟΥΤΣΕΝ ΤΟΥΜΑΡΟ ΝΕΑΥΤΟΣ

• Μήπως ντικχάβα ο λοβέ σο νικαβάβα «σάντε μιρέ»;

• Μήπως μανγκάβα τι τζαβ κάπου γιαβερτθέ χωρίς μι ρομέσαρ ή μι ρομνιάσαρ για τι ηρεμίναβ μπαγιά;

• Μήπως να μανγκάβα τι αβάβ μπουτ πασέ μι ρομέσκε ή μι ρομνιάκε τζενέντζαρ, παρόλο σο βοβ ή βόι ισί δεμέ λέντζαρ;

ΚΕΡΕΝ ΛΑΦΙ ΤΟΥΜΑΡΕ ΡΟΜΕΣΑΡ Ή ΤΟΥΜΑΡΕ ΡΟΜΝΙΑΣΑΡ

• Καλέ πραγματέντε συνεργαζίντιβασα λατσσές σαρ ομάδα αμαρέ μπιαβέστε;

• Καλέ πραγματέντε πρέπει τι αβάς πο λατσσέ;

• Σο μπορίνασα τι κεράς για τι συνεργαζίντιβας πο λατσσές;

ΙΔΕΕΣ

• Βακερέν χάι ότι κχελένα βόλεϊ ντα τθερένα αντίπαλος τουμαρέ ρομές ή τουμαρέ ρομνιά. Σο κα κερένας για τι τζαν κι ίδια ομάδα;

• Αντίς τι σκεφτίνεν: “Σαρ κα νικίναβ;” τι σκεφτίνεν: “Σαρ κα νικίνας;”

«Να τθερέλα σημασία κον φταίνελα ντα κον να φταίνελα. Οντουβά σο τθερέλα σημασία ισί μα τι χαλάντιβελ η ειρήνη ντα η ενότητα τουμαρέ μπιαβέσκι».​—Ίθαν.

ΑΡΧΗ ΚΑΤΑ ΓΡΑΦΗ: «Μα τι ντικχέν σάντε τουμαρό λατσσιπέ, αλλά ο λατσσιπέ ι γιαβερένγκο-ντα».—Φιλιππησίους 2:3, 4.