Увод башо 14 дело
О прва христијања проповединена сине о шукар хабери башо Царство џи ко најдур тхана ки Пхув. О Исус бичхалѓа лен коте те џан те проповединен. Исто аѓаар, чудоја денѓа лен способност те керен лафи ко разна чхибја те шај те сикавен е манушен ки ленгири чхиб. О Јехова денѓа лен храброст хем сила те издржинен иако иси лен прогонствија.
О Исус денѓа е апостолеске е Јованеске визија баши е Јеховаскири слава. Ко јавер визие, о Јован дикхља сар о Царство сој ко небо ка побединел е Сатана хем ка чхивел крајо лескере владибаске. О Јован дикхља е Исусе сар Цари, хем е 144.000 царен
со ка владинен заедно леа. Исто аѓаар, о Јован дикхља кај и Пхув ули рај хем кај са о мануша служинена е Јеховаске ки слога хем ко мир.КО АКАВА ДЕЛО
94 ЛЕКЦИЈА
О ученикија добинѓе свети дух
Саво чудија шај сине те керен адалеске со сине лен о свети дух?
95 ЛЕКЦИЈА
Ништо нашти сине те чхинавел лен
О религиозна водачија со мударѓе е Исусе мангле те чхинавен е апостолен те на проповединен. Ама ола адава на керѓе.
96 ЛЕКЦИЈА
О Исус биринѓа е Савле
О Савле сине баро душмани е христијаненгоро, ама адава менинѓа пе.
97 ЛЕКЦИЈА
О Корнелиј добинѓа свети дух
Соске о Девел бичхалѓа е Петаре ко кхер акале манушескоро кова со на сине Евреи?
98 ЛЕКЦИЈА
Мануша таро бут нацие уле христијања
О апостол Павле хем лескере амала со сине мисионерија почминѓе те проповединен ко дур пхувја.
99 ЛЕКЦИЈА
О затворско чувари уло христијани
Сар о демони, о земјотрес хем о мачи тане вклучиме ки акаја парамис?
100 ЛЕКЦИЈА
О Павле хем о Тимотеј
Дуј мануша керена заедно бути сар амала хем сар христијања бут берша.
101 ЛЕКЦИЈА
О Павле сине бичхалдо ко Рим
О патујбе тано бут опасно, ама нисаво пхарипе на чхинавѓа акале апостоле.
103 ЛЕКЦИЈА
„Те авел тло царство“
О откровение таро Јован сикавела аменге сар е Девлескоро Царство ка менинел о живото ки Пхув.