Kichay leenaykipaq

Índice nisqaman riy

 QALLARIYPI KAQ | ¿ATIKUNMANCHU FAMILIAPI MANA DISCUTISPALLA KAUSAYTA?

¿Imatan ruwawaq familiaykipi amaña discutinaykichispaq?

¿Imatan ruwawaq familiaykipi amaña discutinaykichispaq?

¿IMATAN ruwawaq familiaykipi sapa kutilla discutiqtiykichis? Munanakunkichisña chaypas, manaña k’irinakuyta munankichischu chaypas yaqapaschá sapa kuti astawan discutishankichis, mayninpiqa yanqallamantapas.

Manan desacuerdokuna kasqanraykuchu familiaykitaqa mana allin familiata jina qhawarinayki. Desacuerdokunata imayna allichasqaykichisman jinan kanqa thaj kausaypas otaq phiñachinakuypas. Qatiqninpin yanapaykuna kashan amaña discutinaykichispaq.

1. JUJNIYKICHIS RIMAQTINQA UYARIY

Phiñachinakuyqa iskay runamantan paqarin. Sichus jujniykichis phiñakuspa rimayta qallariqtin jujniykichis uyarillanqa chayqa tranquilizakunqan. Chayrayku ama kutichiypachachu, aswanpas sumaq sonqollawan tratay. Familiaykiq thajpi kausananmi aswan importanteqa, discutispa atipanakuymantaqa.

“Mana llant’awanqa ninaqa wañunmi” (Proverbios 26:20)

2. JUJPA IMAYNA SIENTEKUSQANPI PIENSAY

Familiaykipi pipas phiñakuspa rimaqtinqa makilla uyariy amataq tatichiychu, piensay imayna sientekusqanpi. Chhaynapin tranquilizakunqa. Mana allin intencionwan rimashananpaq piensanaykimantaqa, imayna tarikusqanpi piensay, yaqapaschá pantarun. Mayninpiqa k’araqtan rimarunchis mana piensaspa rimasqanchisrayku otaq mal sientekusqanchisrayku, manan vengakuyta munaspachu.

‘Khuyapayakuq kaychis, sumaq sonqo, juch’uyyaykukuq, llamp’u sonqo, pacienciakuq ima’ (Colosenses 3:12)

3. TIEMPOTA ORQOY TRANQUILIZAKUNAYKIPAQ

Sichus phiñakunaykipaq jina kashanki chayqa, niy juj rato lloqsinaykipaq. Yaqapaschá juj lado cuartoykiman riwaq otaq puriq riwaq tranquilizakunaykikama. Ichaqa kayqa manan kaqllachu problemamanta mana rimayta munaspa maytapas pasaywanqa. Aswanpas lloqsisqayki tiempopi Diosmanta orakuy pacienciayoq, entiendeq, allin yuyaywan rimaq kanaykipaq.

“Ch’aqwa manaraq qallarishaqtin churanakuyta saqepuy” (Proverbios 17:14)

 4. PIENSAY IMATA NINAYKITA IMAYNATA NINAYKIPAQPAS

Phiñachinakuy kaqtinqa manan ch’inyachinaykipaqchu otaq nanaqta nirunaykipaqchu piensanayki, aswanpas thaj sientekunanpaq imatan niwaq chaypin piensanayki. Manan ninaykichu imayna sientekunanta aswanpas ninaykin sientekusqanta willanasuykipaq, chaymantaqa “gracias” niy willasqasuykimanta.

“Jawan-ukhunta rimaqqa espadawan jinan k’irin, yachayniyoqkunaq rimasqanmi ichaqa jampi” (Proverbios 12:18)

5. AMA FUERTETACHU RIMAY ASWANPAS SUMAQLLATA

Mana pacienciayoq kayqa jujtan phiñachin. Imayna phiñasqaña kashanki chaypas amapuni fuerteta rimaychu, burlakuychu, k’amiypaschu. Ama niychu: “Qanllapin piensanki, manan jayk’aqpas uyariwankichu”, nispaqa. Aswanpas sumaqllata niy imayna sientechisqasuykita, yaqapaschá niwaq: “K’irisqan sientekuni khaynata...”, nispa. Amapuni tanqarparinakuychischu, ch’aqlanakuychischu, jayt’anakuychischu, nitaq k’aminakuychischu, mana valeqta jina sientechinakuychischu, amenazanakuychispaschu.

“Tukuy jaya sonqo-kay, phiñapayay, k’araj phiñakuy, qaparkachay, tumpay, [...] qankunamanta chinkachun” (Efesios 4:31)

6. USQHAYLLA DISCULPAKUY, WILLAYTAQ IMAYNATA MEJORANAYKITA

Ama phiñachinakusqaykichisraykuchu familiaykipi thaj kausayta chinkachiychis. Phiñachinakuspaqa iskayniykichismi mana allinchu sientekunkichis, perdonanakunkichis chaytaqmi ichaqa iskayniykichis sumaqta kausankichis. Reconocey qanpas juchayoq kasqaykita. Seguroña kashanki mana juchayoqchu kasqaykita chaypas, disculpakuy renegasqaykimanta, millayta kutichisqaykimanta otaq ima nisqaykiwanpas k’irisqaykimanta. Thajpi kausaymi aswan importanteqa jatunchakuymanta razonniyoq kaymantapas, perdonta mañakusuqtiykiqa perdonay.

“Jujkunaq thaj-kaypi kausanankupaq llank’asun, iñiq-masinchiskunawan wiñachinakunanchispaq kallpachakusun” (Romanos 14:19)

Phiñachinakusqaykichis pasayta, ¿imatan ruwawaqchis familiapi sumaqta kausanaykichispaq? Qatiqninpin chaypaq yanapaykuna kashan.