Kichay leenaykipaq

Índice nisqaman riy

 ¿KIKILLANMANTACHU PAQARIMURAN?

Cuerpopi heridaq imaynata thanisqan

Cuerpopi heridaq imaynata thanisqan

CUERPOPI heridakunaqa kikillanmi thanipun, chhaynapin kausaynillayoq kanchis. Kuchurukuqtinchis jinan heridaqa thaniyta qallarin.

Kaypi piensay: Juj heridaqa khaynatan thanin.

  • Yawarninchispi plaquetakunan heridaq kasqanpi juñukuspa yawarta tikayachin mana lloqsinanpaq.

  • Heridaq punkisqanqa yanapanmi mana infección kananpaq, qˈeapas lloqsimunanpaq.

  • Pisi pˈunchaykunallamantan heridapiqa aycha jujmanta wiñamun, heridapas wisqˈakapun, yawarpas manaña lloqsipunñachu.

  • Chaymantaqa herida chˈakiqtinqa kaq lluspˈan aychaqa quedapun, mana ­kichakunanpaq jinataqmi thanipunpas.

Chayta rikuspan investigaq runakunaqa ruwaranku llikˈikuspa kikillan wisqˈakuq plasticokunata. Chay plasticokunapiqa juchˈuy tubukunan kan, llikˈikuqtinqa chay tubukunamantan iskay clase gomakuna yawar jina lloqsimun, chaykuna mezclakuspataq llikˈikusqanta taparapun. Gomaq chˈakipusqanman jinan plasticoqa mana llikˈiyoq kapun. Jujnin investigaq runan willan plasticopi chhaynata ruwasqankuqa cuerpopi heridaq thanipusqanman parecekusqanta, ichaqa chaytaqa mejorashankuraqsi.

¿Ima ninkin chaymanta? ¿Evolución kaqtinchu cuerpopi herida thanin, icha ­kamasqa kasqanraykuchu?