Guerrakunapiqa askha qolqetan gastakun.

•   “Qayna watan mundontinpi gobiernokuna guerrakunapi gastarqanku askha millón-millón más qolqeta (2,2 billones de dólares). Manan jayk’aqpas chhayna qolqetaqa juj guerrakunapiqa gastakurqanchu” (The Washington Post, 13 de febrero de 2024).

 Chay guerrakunapiqa manan qolqellatachu gastakun, chaypaq qhawarisun imakunas pasarqan Ucrania nacionpi guerraq kasqanwan chayta.

•   Soldadokuna. Chay guerrapin yaqa 500.000 soldadokuna wañurqanku wakintaq k’irisqa kashanku. Chayqa iskay wata jinañan kashan.

•   Chay llaqta runakuna. Naciones Unidas nisqanman jinaqa 28.000 más runakunañas wañushanku wakintaq k’irisqa kashanku. Chaymantapas ONU nisqapi juj autoridadmi nirqan: “Chay guerraq kasqanwanqa manan runakunaqa wañushallanchu aswanpas imaymana llakikuykunapin tarikushanku”, nispa. a

 Guerraq kasqanwan ch’aqwaykunaq kasqanwan runakunaq sufrisqantaqa mana imawanpas igualasunmanchu.

•   114 millones runakuna. 2023 watamanta setiembre killamantan guerraq kasqanwan ch’aqwaykunaq kasqanwan ima askha runakuna juj ladoman astakapurqanku.

•   783 millones runakuna. Chhayna askha runakunan mana mijunayoq sinchi yarqaypi tarikushanku. Programa Mundial de Alimentos nisqapi llank’aqkunan nimunku: “Guerraq kasqan ladokunapin astawanqa yarqay kashan juj ladokunamantaqa”, nispa.

 ¿Jayk’aqllapas guerrakuna tukukunqachu? ¿Jayk’aqllapas thajpi kausasunmanchu? ¿Jayk’aqllapas runakuna kusisqa kankumanchu llank’asqankuq rurunta mijuspa? ¿Imatapas Biblia willashanmanchu chaymanta?

 Bibliapi guerramanta rimaspaqa juj caballowan chaypi sillakuqwan iman tupanachishan, chaywanmi willawarqanchis pachantinpi guerrakuna kanamanta.

•   “Jinan lloqsimullantaq sansa color jina puka caballo, chay caballopi sillakuqmi kamachisqa karqan kay pachamanta thaj kayta qechunanpaq, chhaynapi runakuna paykunapura mana khuyapayanakuspa wañuchinakunankupaq; juj jatun espadatan paymanqa qollarqankutaq” (Apocalipsis 6:4).

 Chay sansa color jina puka caballoman qatiqninmi kallarqantaq iskay caballokuna, chaykunan tupan kay pachapi yarqay kananwan, imaymana onqoykuna kasqanrayku wañuy kasqanwan ima (Apocalipsis 6:5-8). Chay profecía imaynatas kay tiempopi junt’akushan chayta astawan yachanaykipaq leey “¿Imatan representan caballopi phawasqanku?” nisqata.

 Pisi tiempollamantan kay pachapi imaymanakuna manaña guerrapaqñachu kanqa. Chaytaqa manan runakunachu allichanqa. Biblian nin:

•   Diosmi “kay pachapi guerrata tukuchiqqa”, nispa (Salmos 46:9).

•   Diosmi guerraq kasqanwan imaymana ñak’ariykunata tukuchipunqa. “Runakunaq ñawinmanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu. Arí, ñaupaq kaqkunaqa manañan kanqachu” (Apocalipsis 21:4).

•   Diosmi llapapaq thaj kausayta apamunqa. Paymi nin: “Llaqtay runakunaqa thaj llaqtapin tiyanqaku, mana piqpa imanasqanmi allin waqaychasqa wasikunapi tiyanqaku”, nispa (Isaías 32:18).

 Bibliapi willasqanman jinaqa kay tiempopi guerrakunaq kasqanwan jujkunaq pasasqanwanmi reparanchis thaj kausayqa cercapiña kashasqanta.

 ¿Imatan Dios ruwanqa thaj kausay kananpaq? Janaq pachapi gobiernonwanmi thaj kausayta apamunqa (Mateo 6:10). Iman Diospa gobiernon, imatan ruwanqa, chaymanta astawan yachanaykipaq qhaway ¿Iman Diospa gobiernon? nisqa videota.