Kichay leenaykipaq

¿Kanqachu thaj kausay kay pachapi?

¿Ima ninmi Biblia?

Jamuq tiempopiqa thaj kausaymi kay pachapi kanqa, chaytaqa Diospa gobiernonmi apamunqa, manan runakunaq gobiernonchu, chay gobiernoqa cielopin kashan, chay gobiernopi kamachikuqqa Jesucriston. ¿Imatan chay gobierno ruwanqa?

  1. “Teqsimuyuntinpi awqa-tinkuykunatan [guerrakunata] qolluchinqa”, chhaynapin ‘Diospa sumaq qhawarisqan runakunapaq kay pachapi thaj kay’ kanqa (Salmos 46:9; Lucas 2:14).

  2. Diospa gobiernon kay pachata kamachimuqtinqa manañan kanqachu t’aqa-t’aqa nacionkuna, runakunapas manan t’aqanasqachu kanqa, manataqmi ni guerrakunapas kanqañachu (Daniel 7:14).

  3. Diospa gobiernonpi kamachikuq Jesustan reqsikullantaq “thaj kaypa qollanan” nispa. Jesús kamachimuqtinqa ‘thaj kayqa manan tukukunqachu’ (Isaías 9:6, 7).

  4. Diospa gobiernonpi, pipas maqanakuykunata jatarichiqqa chinkachisqan kanqa, Diosqa “millay runakunatapas maqaylla maqaqkunatapas cheqnikunmi” (Salmos 11:5; Proverbios 2:22).

  5. Diosqa llapa serviqninkunatan yachachin jujkunawan thajpi kausanankupaq. Chayraykun Biblia nin: “Espadankumantapas yapuna rejakunatan ruwakapunqaku, lanzankunamantapas ichhunakunatan ruwakapunqaku”, nispa (Isaías 2:3, 4).

Waranqanpi Diospa testigonkunan thaj kausayta yachashanku (Mateo 5:9). Noqaykuqa 230 más nacionkunapi llaqtakunapi iman kashayku. Jehová Diospa testigonkunaqa manapunin runamasiykutaqa ima dañotapas ruwaykumanchu, chaymi mana ima armatapas jap’iykumanchu.

Jehová Diospa testigonkunaqa Bibliaq nisqanman jinan kallpachakushayku lliu runawan sumaqta kausanaykupaq