Sachiỹoxosqaguet naʼ sanalóta qataxa naʼ nʼaqtac ʼme ỹodetʼaʼt naʼ siỹaxadipi, qataxa daʼ qoʼmi qademetegue daʼme sétaaque sevidaqalégue. ʼOonolec daʼ ỹáche qadoqopita ʼme siʼỹoxodénaq ñiʼ Jehová, ñiʼ Dios ʼme detaqatapa janʼ Biblia qataxa lʼonatac ỹima naʼ chaqainasat. Sʼétaq daʼ ʼónaxaic qoʼmi daʼ sadénaxataq soʼ Cristo Jesús qataxa ñiʼỹoxodenaq daʼ saunáxa qadenaxat daʼ tamnaxaicpi. ʼOonolaqatʼape daʼ qoʼmi sʼonotaxanaxa naʼ qadedáqaʼ daʼ setauánaq naʼ siỹaxadipi daʼ ỹaỹáten janʼ Biblia qataxa daʼ Lʼonataxanaxac ñiʼ Dios. Qáʼa qoʼmi setaxasóqatapaxa ñiʼ Jehová Dios qataxa daʼ Lʼonataxanaxac Ñiʼme, qoʼmi qoỹaateton daʼ qoʼmi testigopi ñiʼ Jehová.

ʼAucʼaten naʼ qadʼacháqaʼ. ʼAutaxaỹaxan janʼ Biblia naʼ Internet. ʼAuen nichégueegue daʼ qoʼmi ʼauaateton qataxa daʼ qadʼamaqténataxanaxac.