Tempu pa Revelá un Asuntu Konfidensial

Tene un asuntu konfidensial por hasi e diferensia entre pas i pleitu. Pero ta yega e momento ku bo tin ku revelá un asuntu konfidensial? Tuma nota di loke profeta Ámos a bisa tokante su Dios: “Señor Soberano Yehova lo no hasi ni un solo kos a ménos ku el a revelá su asuntu konfidensial na su sirbidónan e profetanan.” (Ámos 3:7, NW) For dje palabranan aki, nos por siña algu tokante asuntunan konfidensial. Yehova por warda sierto kosnan sekreto pa un periodo di tempu i despues revelá nan na sierto personanan. Kon nos por imitá Yehova den esaki?

Tin biaha wardadónan nombrá den e kongregashon kristian ta haña ku ta mihó pa no revelá sierto asuntu. (Echonan 20:28) Por ehèmpel, pa benefisio dje kongregashon, nan por disidí di wanta e detayenan di un ke otro areglo òf kambio den responsabilidat di kongregashon sekreto te na un sierto momento spesífiko.

Den un kaso asina ta importante sí pa splika esnan enbolbí klaramente kon i na ki tempu lo revelá e asuntu. E echo ku nan sa na ki momento lo revelá un asuntu públikamente por yuda nan ten’é sekreto.—Proverbionan 25:9.