Uthenga Uwemi Wakuyowoya vya Yesu
Mu vidiyo yakukondweska iyi, mumanyenge vinandi vyakukhwaskana na Yesu, uyo ni Mwana wa Chiuta kweniso Mponoski wa ŵanthu.
Chigaŵa 1: Ungweru Weneko wa Charu
Kasi ŵanthu ŵazamuwombokwa wuli ku kwananga uko ŵali kuhara kwa Adamu? Mesiya pera ndiyo wangawombora ŵanthu.
Chigaŵa 2: “Uyu Ni Mwana Wane”
Yohane Mubatizi wakunozgera nthowa Mesiya. Wonani vinthu vyapadera ivyo vikachitika apo Yesu wakambanga uteŵeti wake pa charu chapasi.
Chigaŵa 3: “Ndine”
Yesu wakujivumbura kuti iyo ni Mesiya kwa Nikodemo, mwanakazi wa ku Samariya, kweniso ku ŵanthu ŵa mu tawuni ya Nazarete. Kweni ŵanthu ŵachoko waka ndiwo ŵakupulikana mwa iyo. Wati wachita munthondwe, wakuchema ŵalovi kuti ŵamulondezge.
Chigaŵa 4: ‘Chifukwa Ichi Ndicho Nkhizira’
Yesu wakulongora nkhongono zake pakuchizga ŵanthu na kufumiska viŵanda. Kweni ŵanyake ŵakususka milimo yake ndipo ŵakunozga vyakuti ŵamukome. Chifukwa cha chiwuravi chake chikuru na kuŵa waluso pakusambizga, Yesu wakuzgora ŵanthu kuŵa ŵasambiri na kusora ŵapositole 12.
Chigaŵa 5: “Mizinda Yikazizikika na Kasambizgiro Kake”
Wati wachizga wumba wa ŵanthu, Yesu wakwamba kuŵasambizga munthowa yakuti palije msambizgi wawo uyo wali kusambizgapo nthena. Mazaza ghake, ntharika zake, na umo ŵangavilondezgera zuŵa na zuŵa vyaŵazizika chomene.
Chigaŵa 6: “Kasi Uyo Wakwiza Ndimwe?”
Yesu wakulongora nkhongono zake pakuwuska ŵakufwa. Milimo yake yaminthondwe kweniso kusambizga mwaluso vikuvumbura ivyo vili mu mitima ya ŵanthu awo ŵakumutegherezga. Kwizira mu ntharika, Yesu wakulongosora vinthu vyakukhwaskana na Ufumu.
