Bon nouvèl-la Jézi anonsé la
Adan séri vidéo-lasa ou ké aprann plis asi Jézi, Gason a Bondyé é Sovè a limanité.
On koudzyé asi séri-la Bon nouvèl-la Jézi anonsé la
Dékouvè Lézévanjil, konsi ou té la, grasa on séri vidéo èstraòwdinè anrapò èvè Jézi Kris.
Épizòd 1 : Vré limyè a mond-la
Adan fè péché-la rantré an mond-la. Ankijan limanité ké sòti anba péché-lasa ? Mési-la, sé sèl èspwa pou lézimen.
Épizòd 2 : « Mi Gason an mwen »
Jan Lèbatis préparé chimen-la pou Mési-la. Gadé èvè ki évènman èstraòwdinè ministè a Jézi koumansé asi latè !
Épizòd 3 : « An sé li »
Jézi ka fè plizyè moun sav sé-y ki Mési-la : Nikodèm, on Samaritèn é moun ki ka rété adan vil a Nazarèt. Men sé yenki déotwa moun sensè ki ka kwè-y. Jézi ka envité déotwa nonm ki ka fè lapèch suiv-li, apré i fè on mirak ki chanjé vi a yo.
Épizòd 4 : « Sé pou sa an vin »
Jézi ka montré pouvwa-la i ni la dè géri moun é dè woté démon asi yo. Men ni déotwa ki ka lévé kont-li pou anpéché-y fè sa é yo ka monté konplo pou tchouyé-y. Konm i ni onlo konpasyon é konm sé méyè anségnan ki tini, Jézi ka fè disip é i ka chwazi sé 12 apòt-la.
Épizòd 5 : « Yo rété èstèbèkwè lè yo vwè jan i té ka anségné »
Apré i géri on gran foulmoun, Jézi ka koumansé anségné sé moun-la kon pondòt anségnan poto’o jen fè-y. Otorité-la i ni la lè i ka palé, ègzanp i ka pran, é mangnè i ka ba-yo lèson itil pou vi a-yo touléjou ka fè-yo rété èstèbèkwè.
Épizòd 6 : « Èskè sé-w ki té pou vin ? »
Jézi ka montré i ni pouvwa pou woulévé moun ki mò. Mirak i ka fè é ansègnman a-y, ki plen sajès, ka dévwalé sa ki ni an tchè a moun ki ka kouté-y. Jézi ka sèvi èvè ègzanp pou èspliké diféran pwen asi Wayòm-la.
Bon nouvèl-la Jézi anonsé la : pou pran gou a-y
Mi on ti vidéo pou pran gou a diféran épizòd a on séri ki ka fè-w viv lézévanjil.
