Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Ka Morago ga Tsogo ya Jesu, na Mmele wa Gagwe e be e le wa Nama Goba wa Moya?

Ka Morago ga Tsogo ya Jesu, na Mmele wa Gagwe e be e le wa Nama Goba wa Moya?

Karabo ya Beibele

Beibele e re Jesu “o ile a bolawa nameng, eupša a phedišwa [tsošwa] moyeng.”—1 Petro 3:18; Ditiro 13:34; 1 Bakorinthe 15:45; 2 Bakorinthe 5:16.

Mantšu ao Jesu a a boletšego a bontšha gore o be a ka se tsošwe ka mmele wa nama le madi. O boletše gore o be a tla nea ‘nama ya gagwe bakeng sa bophelo bja lefase,’ gore e be topollo bakeng sa ba bantši. (Johane 6:51; Mateo 20:28) Ge nkabe a ile a hwetša mmele wa gagwe wa nama ge a tsošwa, gona sehlabelo sa topollo se be se ka se phethagale. Se se be se ka se kgonege ka ge Beibele e bolela gore o neile mmele le madi a gagwe go ba sehlabelo “gatee ya ba moka.”—Baheberu 9:11, 12.

Ge e ba Jesu a tsošitšwe ka mmele wa moya, barutiwa ba gagwe ba be ba tla mmona bjang?

  • Dibopiwa tša moya di ka ba le sebopego sa batho. Ka mohlala, barongwa bao ba ilego ba dira se nakong e fetilego ba ile ba ja le go nwa le batho. (Genesi 18:1-8; 19:1-3) Go dutše go le bjalo, e be e le dibopiwa tša moya tšeo di bego di kgona go apara mebele ya nama.—Baahlodi 13:15-21.

  • Ka morago ga go tsošwa, Jesu o ile a ba le mmele wa nama ka nakwana, go etša barongwa ba bangwe. Ka ge e be e le sebopiwa sa moya, o be a kgona go iponagatša go barutiwa ba gagwe gomme ka nako e nngwe ge a be a na le bona o be a timelela. (Luka 24:31; Johane 20:19, 26) Mebele yeo a bego a iponagatša ka yona e be e sa swane. Bagwera ba kgauswi ba Jesu le bona ba ile ba kgona go mo tseba feela ka seo a se boletšego goba a se dirilego.—Luka 24:30, 31, 35; Johane 20:14-16; 21:6, 7.

  • Ge Jesu a be a iponagatša go moapostola Thomase, o ile a tla ka mmele wa dintho. O dirile se go tiiša tumelo ya Thomase, ka ge a be a sa kgolwe gore Jesu o tsogile.—Johane 20:24-29.

Ithute ka mo go oketšegilego

Jesu Kriste ke Mang?

Ithute lebaka leo Jesu a ilego a hwa, seo se bolelwago ke topollo, le gore ke eng seo Jesu a se dirago gona bjale.

Morero wa go Boa ga Kriste ke Ofe?

Morero wa go boa ga Kriste ke ofe? O tla boa ka tsela efe, gomme o tla dira’ng?