Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Beibele e Re’ng ka Diswantšho tša Batho Bao ba sa Aparago? Na go Boledišana ka Thobalano Inthaneteng go Fošagetše?

Beibele e Re’ng ka Diswantšho tša Batho Bao ba sa Aparago? Na go Boledišana ka Thobalano Inthaneteng go Fošagetše?

Karabo ya Beibele

Beibele ga e bolele ka go lebanya ka diswantšho tša batho bao ba sa aparago, go boledišana ka thobalano Inthaneteng goba dilo tše di swanago le tšeo. Lega go le bjalo, e hlalosa ka mo go kwagalago kamoo Modimo a ikwago ka gona ka ditiro tšeo di kgothaletšago thobalano ya batho bao ba sa nyalanago goba pono e fošagetšego ka thobalano. Ela hloko ditemana tše tša Beibele:

  • “Ka gona bolayang mekgwa ya lefase yeo e lego dithong tša mebele ya lena, e lego bootswa, go se hlweke, kganyogo e fošagetšego ya go robala ga monna le mosadi.” (Bakolose 3:5) Go bogela diswantšho tša batho bao ba sa aparago ga go bolaye dikganyogo tše di fošagetšego, eupša go a di gakatša. Go dira gore motho a se ke a hlweka goba a šilafale mahlong a Modimo.

  • “Yo mongwe le yo mongwe yo a tšwelago pele a lebeletše mosadi e le gore a mo kganyoge o šetše a hlotlotše le yena pelong ya gagwe.” (Mateo 5:28) Diswantšho tša mekgwa e gobogilego ya thobalano di bjala dikgopolo tše di fošagetšego tšeo di lebišago ditirong tše di fošagetšego.

  • “Anke bootswa le ditšhila tša mohuta o mongwe le o mongwe goba megabaru le go bolelwa di se ke tša bolelwa gare ga lena.” (Baefeso 5:3) Ga se ra swanela go ithabiša ka go bolela ka thobalano e gobogilego, ga re sa bolela ka go e bogela goba go bala ka yona.

  • “Mediro ya nama e pepeneneng, yona ke bootswa, go se hlweke, . . . le dilo tša go swana le tše. Ke le lemoša e sa le pele ka dilo tše, go etša ge ke ile ka le lemoša e sa le pele, gore bao ba tlwaelago go dira dilo tše bjalo ba ka se je bohwa bja Mmušo wa Modimo.” (Bagalatia 5:19-21) Modimo o lebelela bao ba bogelago diswantšho tša batho bao ba sa aparago goba go boledišana ka thobalano Inthaneteng le founong goba go romelana melaetša ya thobalano e le go se hlweke, e lego go šilafala boitshwarong. Ge e ba re ka itlwaetša go dira dilo tše bjalo, re ka se amogelwe ke Modimo.

 

Ithute ka mo go oketšegilego

Bodumedi Bjo bo Lokilego bo Kgothaletša Ditekanyetšo tše Phagamego tša Boitshwaro

Bala seo Beibele e se rutago ka lenyalo, tlhalo le boitshwaro bjo bo gobogilego.