Eya go dikagare

Eya go menyu wa bobedi

Dihlatse tša Jehofa

Sepedi

Na Beibele e Thibela go ba le Thobalano?

Na Beibele e Thibela go ba le Thobalano?

Karabo ya Beibele

Go e na le go thibela go ba le thobalano, Beibele e bontšha gore thobalano ke mpho e tšwago go Modimo yeo a e neilego batho bao ba nyetšego. O bopile batho e le “yo motona le yo motshadi” le go lebelela seo a se dirilego e le “se sebotse kudu.” (Genesi 1:27, 31) Ge a be a nyadiša monna le mosadi wa pele, o itše: “E tla ba nama e tee.” (Genesi 2:24) Tswalano ye e be e akaretša lethabo leo le tlišwago ke thobalano gotee le maikwelo a tseneletšego a lerato.

Beibele e hlalosa lethabo leo monna a bago le lona lenyalong ka mantšu a a rego: “O thabe le mosadi wa bofseng bja gago .... Anke matswele a gagwe a go kgotsofatše ka mehla gomme o dule o thabišwa ke lerato la gagwe.” (Diema 5:18, 19) Modimo o rerile le gore mosadi a thabele thobalano. Beibele e re: “Banna le basadi ba swanetše go kgotsofatša dikganyogo tša bona tša thobalano.”—1 Bakorinthe 7:3, God’s Word Bible.

Mellwane ya mabapi le go ba le thobalano

Modimo o rulagantše gore thobalano e be feela ya batho bao ba nyalanego, ka ge go bontšhitšwe go Baheberu 13:4 yeo e rego: “Lenyalo a le hlomphege go bohle gomme malao a lenyalo a se be le ditšhila, gobane Modimo o tla ahlola diotswa le dihlotlolo.” Banyalani ba swanetše go botegelana le go phelela tlemo ya bona. Ba thaba kudu ge ba phema go ikgotsofatša ka tsela ya boithati eupša ba diriša molao wa motheo wa Beibele o rego: “Go na le lethabo le legolo go neeng go feta go amogeleng.”—Ditiro 20:35.

 

Ithute ka mo go oketšegilego

Ke Eng Seo ge e le Gabotse Beibele e se Rutago?

Kamoo o ka Dirago Bophelo bja Lapa la Gago Gore bo Thabiše

Lerato leo Jesu a le bontšhitšego ke mohlala wo o swanetšego go ekišwa ke banna bao ba nyetšego, basadi bao ba nyetšwego, batswadi le bana. Rena re ithuta eng go yena?