UJesu watjhumayela, “iindaba ezimnandi zomBuso kaZimu.” (Luk 4:43) Wafundisa nabantu ukuthi bawuthandazele umBuso loyo. (Mat 6:9, 10) NgoNovemba, kuzokuba yinyanga ekhethekileko yokutjela abantu ngomBuso kaZimu. (Mat 24:14) Hlela ubujamo bakho bona ulisekele ngokuzeleko ijimeli. Abafuna ukuba maphayona asizako ngesikhatheso bangakhetha ukuphayona kwama-iri ama-30 nofana kwama-iri ama-50 ngenyanga leyo.

Fundela abantu abanengi ngendlela ongakghona ngayo umtlolo okhuluma ngomBuso kaZimu endaweni yangekhenu. Nawukhetha umtlolo cabanga ngezinto abazikholelwako. Nangabe umuntu okhuluma naye kokuthoma uyakuthanda ukufunda, mnikele ikhophi yesiThala somphakathi No. 2 2020. Ngemva kwalokho, buyela kuye msinyana bese ulinga ukuthoma ukufunda naye iBhayibheli usebenzise incwadi esemaThulusinethu wokuFundisa. Kungasikade umBuso kaZimu uzokuphelisa yoke imibuso ephikisana nawo. (Dan 2:44; 1Ko 15:24, 25) Yeke, asilisebenziseni kuhle ithuba elikhethekilekweli ukutjengisa ukuthi sithembekile kuJehova nemBuswenakhe!