Sakin itech xiuitl 4026 i.x.x. 1

“Kouatl” kichiua maka manoneltoka tla Jehová kimelaua tlayekanas niman tla kuajli ken tlayekana. Jehová kijtoua ika se “tekoneuj” uajnemis akin kipaxouilis itsontekon kouatl noso Satanás (Génesis 3:​1-5, 15). San ika, Jehová kinkauilia tlaltikpakchanejkej seki xiujtin san yejuamej manoyekanakan ika itlapaleuilis Satanás.

Itech xiuitl 1943 i. x. x. 1

Jehová kijlia Abrahán ika itech ikoneuan uajnemis yejon “tekoneuj” (Génesis 22:​18).

Sakin itech xiuitl 1070 i. x. x. 1

Jehová kijlia tekiuaj David, niman sakin ikoneuj Salomón, ika yejon “tekoneuj” uajnemis itech ichanejkauan (2 Samuel 7:​12, 16; 1 Reyes 9:​3-5; Isaías 9:​6, 7).

Itech xiuitl 29

Jehová kiteititia ika Jesús yejua tekoneuj akin yonoijtoka uajnemis niman akin tlanauatis kampa tlanauatia David (Gálatas 3:​16; Lucas 1:​31-​33; 3:​21, 22).

 Itech xiuitl 33

Kouatl noso Satanás kichiua makimiktikan Jesús, ijkon achijtsin kikokoua “tekoneuj” akin yonoijtoka uajnemis. Jehová kimaka inemilis Jesús ipan iluikak niman kiselia inemilis tlen melak patioj niman xkipiya tlajtlakojli. Ika yejuin uelis kintlapopoluis ikoneuan Adán akin tlajtlakolejkej niman ijkon uelis kipiyaskej nemilistli tlen xkeman tlamis (Génesis 3:​15; Hechos 2:​32-​36; 1 Corintios 15:​21, 22).

Itech xiuitl 1914

Jesús kuajtlajkali “kouatl” ipan tlaltikpaktli niman kichiualtia ompa manemi san kech tonajli (Apocalipsis 12:​7-9, 12).

Ika tlayekapan

Jesús kitsakua Satanás mil xiuitl niman sakin kipopoloua. Ijkon kentla kipaxouilia itsontekon. Kuakon nochiua tlen kachtopa kinekiya toTajtsin manochiua ika tlaltikpaktli niman ipampa tlaltikpakchanejkej. Itoka chipaui itech nochi tlen okiteneuilijkej niman noteititia ika ken tlayekana melak kuajli (Apocalipsis 20:1-3, 10; 21:3, 4).