Аян 20:1—15
20 Анан мен асмандан түшүп келаткан периштени көрдүм. Анын колунда түпсүз туңгуюктун ачкычы+ менен чоң чынжыр бар экен.
2 Ал ажыдаарды+ — Ибилис+ жана Шайтан+ делген байыркы жыланды+ — кармап, 1 000 жылга байлап койду.
3 Миң жыл аяктаганга чейин элдерди адаштырбашы үчүн, аны түпсүз туңгуюкка+ ыргытты да, туңгуюкту бекитип, мөөр басып койду. Кийин ал кыска убакытка бошотулат+.
4 Мен тактыларды+ жана аларда отургандарды көрдүм. Аларга сот жүргүзгөнгө бийлик берилди+. Ооба, мен Иса тууралуу күбөлөндүрүшкөнү, Кудай жөнүндө айтышканы үчүн баштары балта менен кыйылгандарды* көрдүм. Алар жырткычка+ же анын сөлөкөтүнө сыйынышкан эмес+, чекесине жана колуна белги койдурушкан эмес+. Алар тирилип, Машаяк менен 1 000 жыл падышалык кылышты+.
5 (Өлгөндөрдүн калгандары+ 1 000 жыл аяктаганга чейин тирилишкен жок.)+ Бул — биринчи тирилүү+.
6 Биринчи тирилүүгө катышкандар бактылуу+ жана ыйык+. Экинчи өлүм+ алардын үстүнөн бийлик кыла албайт+. Алар Кудай менен Машаяктын дин кызматчылары болуп+, Машаяк менен 1 000 жыл падышалык кылышат+.
7 Миң жыл аяктаганда, Шайтан камактан бошотулат.
8 Ал жердин төрт бурчундагы элдерди — Гок менен Магокту — адаштырып, согушка чогултуш үчүн чыгат. Алардын саны деңиздин жээгиндеги кумдай+.
9 Алар бүт жер жүзүнө жайылып, ыйыктардын конушу+ менен сүйүктүү шаарды+ курчап алышты. Бирок асмандан от түшүп, аларды жалмап кетти+.
10 Аларды адаштырган Ибилис+ болсо оттуу жана күкүрттүү көлгө ыргытылды. Ал жакка мурун жырткыч+ менен жалган пайгамбар да ыргытылган болчу+. Алар түбөлүктөн түбөлүккө күнү-түнү кыйналышат*.
11 Анан мен чоң ак тактыны жана анда отурганды көрдүм+. Анын жүзүнөн жер менен асман качып баратты+, бирок аларга орун табылган жок.
12 Ошондой эле тактынын алдында турган өлгөндөрдү: жогорку даражалууларды да, карапайымдарды да көрдүм+. Түрмөктөр ачылды. Анан дагы бир түрмөк ачылды, ал өмүр түрмөгү эле+. Өлгөндөр өз иштерине жараша, түрмөктөрдө жазылгандарга ылайык соттолушту+.
13 Деңиз өзүндөгү өлүктөрдү кайрып берди, өлүм менен көр* да өздөрүндөгү өлүктөрдү кайрып берди+. Ошондо ар бири өз иштерине жараша соттолду+.
14 Өлүм+ менен көр болсо оттуу көлгө ыргытылды. Оттуу көл+ экинчи өлүмдү+ билдирет.
15 Өмүр китебине жазылбагандардын+ баары оттуу көлгө ыргытылды+.
Шилтемелер
^ Сөзмө-сөз: «кыйылгандардын жанын». Кара: 6-тирк.
^ Же: «чектелишет; камакта болушат». Бул жердеги грек тилиндеги сөз түрмөдө отургандарга карата колдонулган зат атоочтон жасалган. Кара: Мт 18:34.
^ Грек. адис. Кара: 8-тирк.