ҮЙМӨ-ҮЙ кабар айтып жүрүп, милиция кызматкеринин силерди көздөй келатканын көрөсүңөр. Сен үй-ээсине кабар айта баштаганда, шеригиң тынчсыздана баштайт. Милиция кызматкери жаныңарга келип: «Үйлөрдү кыдырып, Кудай жөнүндө айтып жүргөн силерсиңерби? Эмне элдин тынчын алып жатасыңар?» — деп айтат. Силер сылыктык менен Жахабанын Күбөлөрү экениңерди айтасыңар. Андан ары эмне болот?

Андан ары эмне болору, көбүнесе, Кудайдын элинин тарыхына байланыштуу болот. Силердин өлкөңөрдөгү өкмөт Жахабанын Күбөлөрүнө кандай мамиле жасап келген? Дин тутуу эркиндиги барбы? Эгер бар болсо, андай эркиндикке бир туугандардын «жакшы кабар таратуу укугун мыйзам боюнча бекитүү» үчүн бир топ жыл бою күрөшүп келгенинин аркасында жеткениңер күмөнсүз (Флп. 1:7). Каякта жашабайлы, Жахабанын Күбөлөрүнүн сот майданындагы жеңиштери жөнүндө ой жүгүртүү ишенимибизди абдан бекемдээри шексиз. Бул бөлүктө ошондой маанилүү жеңиштердин айрымдарын карап чыгабыз. Андай жеңиштер — Падышалыктын чынында эле башкарып жатканынын далили, анткени биз андай ийгиликтерге эч качан өз күчүбүз менен жете алмак эмеспиз.