Ыйык Китепте көп нерселер майда-чүйдөсүнө чейин алдын ала айтылган. Бир да адам келечекти так айта албайт. Ошондуктан Ыйык Китепте жазылгандардын так аткарылганы — аны Кудай жаздырганын далили. (Окугула: Жашыя 23:14; 2 Петир 1:20, 21.)

Аткарылган пайгамбарлыктар Кудайга болгон ишенимибизге негиз болуп берет (Еврейлер 11:1). Ошондой эле Кудайдын жаркын келечекке байланыштуу берген убадасынын сөзсүз аткарыларына кепилдик берет. (Окугула: Забур 37:29; Римдиктер 15:4.)

Кудай айрым нерселерди анын кызматчылары тийиштүү чара көрө алышы үчүн алдын ала айттырган. Мисалы, Иса пайгамбардын 1-кылымдагы жолдоочулары Иерусалимге байланыштуу айтылгандардын аткарылып жатканын көрүп, шаардан чыгып кетишкен. Ошондуктан тургундардын көбү Иса пайгамбарды четке какканы үчүн ал шаар талкаланганда, Исанын жолдоочулары коопсуз жерде болушкан. (Окугула: Лука 21:20—22.)

Бүгүнкү күндө аткарылып жаткан пайгамбарлыктардан Кудайдын Падышалыгы адамдардын падышалыктары менен өкмөттөрүн кыйрата турган убакытка аз калганын билүүгө болот (Даниел 2:44; Лука 21:31). Ошондуктан ар бир киши ал Падышалыктын Кудай дайындаган падышасынын — Иса Машаяктын — көз алдында ырайым табууга аракет кылышы кажет. (Окугула: Лука 21:34—36.)