Jiova Go Ɛp Yu
“If i sik sɛf, PAPA GƆD go put an pan am.”—SAM 41:
SIŊ DƐN: 23, 138
1, 2. Wetin wi kin tink bɔt sɔntɛnde? Us ɛgzampul dɛn na di Baybul kam na yu maynd?
YU DƆN ɛva sik ɛn aks yusɛf dis kwɛstyɔn: ‘A go wɛl?’ Ɔ sɔntɛm yu go dɔn de wɔnda if pɔsin na yu famili we yu lɛk ɔ yu padi go wɛl. Na nɔmal tin fɔ lɛ pɔsin wɔri we i sik siriɔs wan. Insay prɔfɛt Ilayja ɛn Ilaysha dɛn tɛm, tu kiŋ dɛn bin wɔri we dɛn bin sik siriɔs wan. Eab ɛn Jezibɛl dɛn pikin we na Kiŋ Aazaya, bin fɔdɔm bad bad wan, so i aks “if i go wɛl”? Leta, Kiŋ Bɛnadad na Sirya bin sik bad bad wan, ɛn insɛf aks “if i go wɛl”?—2 Kiŋ 1:
2 Fɔ tru, wi kin op se wi ɛn di wan dɛn we wi lɛk go wɛl we wi sik. Bɔt stil, bɔku pipul dɛn kin wɔnda wetin Gɔd go du fɔ ɛp dɛn. Di tɛm we dɛn kiŋ dɛn ya bin de alayf, Gɔd bin de pafɔm mirekul fɔ mɛn sɔm pipul dɛn. Jiova bin ivin de yuz in prɔfɛt dɛn fɔ gi layf bak to sɔm pipul dɛn we bin dɔn day. (1 Kiŋ 17:
3-5. Us pawa Gɔd ɛn Jizɔs gɛt? Us kwɛstyɔn dɛn dat go mek wi aks?
3 Wi biliv se Gɔd gɛt di pawa fɔ mek pɔsin sik ɛn fɔ ɛp pɔsin Jɛn. 12:
4 So wi si se Gɔd gɛt di pawa fɔ ɛp ɛn mɛn pɔsin we sik. In Pikin sɛf ebul fɔ du dis sem tin. Insay di Baybul, wi si se Jizɔs bin mɛn di wan dɛn we gɛt lɛprɔsi, fiks, blaynman dɛn, ɛn pipul dɛn we nɔ ebul waka. (Rid Matyu 4:
5 Bɔt yu tink se wi fɔ op se Gɔd ɔ Jizɔs go pafɔm mirekul fɔ mɛn wi naw? Aw wi fɔ si dɛn siriɔs sik dɛn, ɛn wetin wi fɔ du we wi sik?
ABOP PAN JIOVA WE YU SIK
6. Wetin di Baybul se bɔt di pawa we dɛn fɔstɛm Kristian dɛn bin gɛt “fɔ mɛn sikman”?
6 Di Baybul se insay di apɔsul dɛn tɛm, Gɔd bin ɛp sɔm anɔyntɛd Kristian dɛn fɔ pafɔm mirekul dɛn. (Akt 3:
7. Aw Sam 41:
7 Stil, if wi sik, wi kin luk ɔp to Gɔd fɔ kɔrej wi, fɔ gi wi sɛns, ɛn ɛp wi, jɔs lɛk aw i bin du fɔ in savant dɛn trade trade. Kiŋ Devid bin rayt se: “Pɔsin we de sɔri fɔ udat nɔ ebul insɛf” ɔ udat po “go gɛt blɛsin. PAPA GƆD go pul in ed kɔmɔt pan trɔbul. PAPA GƆD go gi am lɔŋ layf ɛn wɛlbɔdi.” (Sam 41:
8. Insay Sam 41:
8 Di tɛm we Devid bin sik, i pre se: “PAPA GƆD, av masi; a dɔn sin bɔt mek a wɛl.” (Sam 41:
9. (a) Wetin Jiova bin du fɔ Kiŋ Ɛzikaya? (b) Wetin Devid bin want lɛ Jiova du fɔ am?
9 Na tru se sɔntɛnde Gɔd bin de mɛn pipul dɛn. Wan ɛgzampul na Kiŋ Ɛzikaya we bin “sik bad bad wan ɛn want fɔ day.” Bɔt Gɔd mɛn am ɛn i ad 15 ia pan in layf. (2 Kiŋ 20:
10. Frɔm wetin bin apin to Trɔfimɔs ɛn Ɛpafrodaytɔs, wetin wi go se?
10 Jɔs lɛk we Gɔd nɔ bin pafɔm mirekul fɔ mɛn Devid ɛn mek i liv fɔ lɔng lɔng tɛm, i nɔ bin du so bak fɔ Trɔfimɔs, we bin de wok wit di apɔsul Pɔl. Wi no se wan-wan tɛm Gɔd bin de gi Pɔl pawa fɔ mɛn di wan dɛn we sik. (Rid Di Apɔsul Dɛn Wok [Akt] 14:
US ADVAYS YU GO TEK?
11, 12. Wetin mek Lyuk bin rili ebul fɔ ɛp Pɔl? Wetin mek wi go se Lyuk na bin rial dɔktɔ?
11 Wan pan di pipul dɛn we bin de travul wit Pɔl na Lyuk, we rayt di Baybul buk we nem Akt, ɛn dɛn bin de kɔl am “da dɔkta we wi lɛk.” (Kɔl. 4:
12 Di Baybul nɔ sho usay ɔ ustɛm Lyuk gɛt in trenin pan wɛlbɔdi biznɛs. Bɔt i se Pɔl bin tɛl di Kristian dɛn na Kɔlɔse se Lyuk de grit dɛn. So i pɔsibul se Lyuk bin gɛt in trenin na wan skul na Laodisya usay dɛn bin de tren pipul dɛn fɔ bi dɔktɔ. Laodisya na wan siti we bin de nia Kɔlɔse. Lyuk nɔto bin jɔs ɔdinari pɔsin we nɔ lan bɔt mɛrɛsin, we de gi ɛnikayn advays bɔt wɛlbɔdi biznɛs; in na bin dɔktɔ. Wi no dis bikɔs we i bin de rayt di Baybul buk dɛn we nem Lyuk ɛn di ɔda wan we nem Akt, i bin yuz sɔm wɔd dɛn we na dɔktɔ dɛn mɔ bin de yuz am. Di we aw i bin de pe atɛnshɔn pan di mɛn we Jizɔs bin de mɛn pipul dɛn ɛp wi bak fɔ no dis.
13. Wetin wi fɔ mɛmba we dɛn gi wi advays bɔt wi wɛlbɔdi biznɛs?
13 Tide, wi kɔmpin Kristian dɛn nɔ gɛt di “pawa fɔ mɛn” wi we wi sik. Bɔt sɔm brɔda ɛn sista dɛn we nɔ min bad kin gi wi advays bɔt wɛlbɔdi biznɛs ivin we wi * (Rid Fɔs Lɛta To Timoti 5:
DI WAN DƐN WE GƐT SƐNS DE TINK GUD WAN
14, 15. (a) We pɔsin sik, us chans ɔda pipul dɛn kin si se dɛn gɛt? (b) We dɛn gi wi advays bɔt wɛlbɔdi biznɛs, aw Prɔvabs 14:
14 Wi we na Kristian kin want fɔ gɛt wɛlbɔdi so dat wi go ɛnjɔy layf ɛn ebul fɔ wok gud wan fɔ Gɔd. Bɔt bikɔs wi nɔ pafɛkt na dat mek wi de sik. We wi sik, difrɛn tin dɛn de we wi kin du ɛn bɔku tritmɛnt dɛn de fɔ tek. Ɔlman gɛt di rayt fɔ disayd us tritmɛnt i go tek ɔ yuz. Bɔt i sɔri fɔ no se na dis wɔl we wi de, we pɔsin sik sɔm pipul dɛn kin si am as chans fɔ mek mɔni. Sɔm kin sɛl “mɛrɛsin dɛn” ɛn tɔk sɔntin bɔt di mɛrɛsin we nɔto so i bi ɔ gi ɛgzampul bɔt pipul dɛn we bin dɔn yuz di mɛrɛsin ɛn wɛl. Ɔda pipul dɛn ɔ kɔmni dɛn kin tɛl pipul dɛn fɔ yuz sɔm mɛrɛsin dɛn we rili dia so dat dɛn go mek bɔku prɔfit. Pipul dɛn we sik ɛn we kin rili want fɔ wɛl ɔ we want fɔ liv lɔng kin si dɛn “mɛrɛsin” ya as sɔntin we go ɛp dɛn. Bɔt lɛ wi nɔ fɔgɛt se Gɔd in Wɔd advays wi se: “Na fulman nɔmɔ de biliv ɛnitin, udat gɛt sɛns de luk bifo i jomp.”—Prɔv. 14:
15 Pɔsin we “gɛt sɛns” de tek tɛm mɔ if di pɔsin we de gi am advays na pɔsin we nɔ gɛt pepa fɔ mɛrɛsin biznɛs. Pɔsin we “gɛt sɛns” go tek tɛm fɔ aks insɛf dɛn kwɛstyɔn ya: ‘Dis pɔsin se dis vaytamin, dis kɔntri mɛrɛsin, ɔ it bin dɔn ɛp pɔsin, bɔt ɛni pruf de fɔ sho se dat na tru? Pipul dɛn difrɛn. Ɛni gud rizin de fɔ mek a biliv se dis tin ya go ɛp mi? A fɔ tray fɔ no mɔ? Ɔ a fɔ aks pɔsin we gɛt pepa pan mɛrɛsin biznɛs ɛn we bɔku pipul dɛn sabi?’—Dit. 17:
16. Us kwɛstyɔn dɛn go ɛp wi fɔ “tink di rayt we,” we i kam pan wɛlbɔdi biznɛs?
16 Gɔd in Wɔd advays wi fɔ “tink di rayt we ɔltɛm . . . insay dis tɛm we wi de so.” (Tay. 2:
“UNA MEKES, O!”
17. Wetin wi ɔl want?
17 Di tɛm we di apɔsul dɛn bin de, di gɔvnin bɔdi bin sɛn wan impɔtant lɛta to di kɔngrigeshɔn dɛn. Afta dɛn dɔn tɛl di Kristian dɛn wetin dɛn fɔ avɔyd, na di las pat na di lɛta, dɛn tɔk se: “I go gud if una nɔ du dɛn tin ya we wi dɔn rayt to una. Una mekes, o!” (Akt 15:
18, 19. Wetin wi fɔ op fɔ insay di nyu wɔl?
18 Wans wi de na dis wɔl ɛn wi nɔ pafɛkt, wi go mɔs de sik. So wi nɔ fɔ tink se Gɔd go pafɔm mirekul fɔ mɛn wi. Bɔt Rɛvɛleshɔn 22:
19 As wi de wet fɔ da tɛm de fɔ kam, wi no se Jiova bisin bɔt wi ɔl, ivin we wi sik. Jɔs lɛk Devid, wi biliv se wi Gɔd go ɛp wi we wi sik. Ɛn lɛk Devid wisɛf go se: “Yu de ɛp mi bikɔs a de du wetin yu want so a go de wit yu sote go.”—Sam 41:
^ par. 13 Wan buk we gɛt di taytul The Origins and Ancient History of Wine tɔk se: “Sayɛnsman dɛn dɔn kam fɔ si se we tayfɔd ɛn ɔda smɔl smɔl tin dɛn we kin mek wi sik miks wit wayn, dɛn kin day.”