Go dayrɛkt to di men tin

“LƆV NƆ DE ƐVA FEL”!

Jiova Witnɛs dɛn Kɔnvɛnshɔn 2019

Wi gladi fɔ invayt yu fɔ Jiova Witnɛs dɛn tri dez kɔnvɛnshɔn fɔ dis ia.

DI TIN DƐN WE WI GO BƐNIFIT INSAY DI TRI DEZ PROGRAM NA:

  • Frayde: Lan bɔt wetin i min fɔ se lɔv nɔ de ɛva fel. Lan bɔt aw yu go kɔntinyu fɔ sho lɔv pan ɔl we yu bin gɛt prɔblɛm dɛn we yu de gro ɔp, yu gɛt bad bad sik, ɔ yu po. Insay difrɛn shɔt fim dɛn, wach aw di tin dɛn we Gɔd mek na di wɔl de sho se i lɛk wi.

  • Satide: Lan bɔt Baybul advays dɛn we de ɛp maredman dɛn, mareduman dɛn, ɛn pikin dɛn fɔ kɔntinyu fɔ sho lɔv to dɛnsɛf.

  • Sɔnde: Di pɔblik tɔk we gɛt di taytul, “Usay Wi Go Gɛt Tru Tru Lɔv na Dis Wɔl we Pipul dɛn Et Dɛnsɛf?” go sho klia wan aw lɔv de ɛp bɔku bɔku pipul dɛn we de ɔlsay na di wɔl fɔ lɛf fɔ et dɛnsɛf ɛn nɔ fɔ fil se dɛn bɛtɛ pas dɛn kɔmpin dɛn.

  • Di Men Fim: Di Baybul ɛgzampul bɔt Josaya sho se di tɛm we i bin de gro ɔp, di pipul dɛn we bin de rawnd am na bin wikɛd pipul dɛn. Bɔt dɛn kam fɔ no am as pɔsin we du “gud wok.” (Sɛkɛn Kronikul 35:​26) Satide ɛn Sɔnde, wach di men fim we gɛt tu pat we gɛt di taytul, Di Stori bɔt Josaya: Lɛk Jiova ɛn Et Wetin Bad.

  • Spɛshal Pipul dɛn we Go Kam di Kɔnvɛnshɔn: Bɔku kɔnvɛnshɔn dɛn go de usay mishɔnari dɛn ɛn ɔda pipul dɛn we kɔmɔt na difrɛn difrɛn kɔntri dɛn, go ebul fɔ go. Luk aw lɔv de mek brɔda ɛn sista dɛn nɔ de alaw dɛn kɔlɔ, dɛn trayb, ɛn dɛn kɔntri fɔ kam bitwin dɛn ɛn ɔda pipul dɛn.

YU NƆ GƐT FƆ PE ƐNITIN

WI NƆ DE TEK KƆLƐKSHƆN

Wach di wan ol program fɔ di kɔnvɛnshɔn, ɛn wach wan fim bɔt wi kɔnvɛnshɔn dɛn.

Fɛn wan Ples we De Nia Yu