Щәжьна Дәрбазбунейә пешьн ԛәԝьмандьнәкә гәләк фәрз бу. Ве шәве, чахе Фьрәԝьн пеһʹәсийа, ԝәки ньхӧрийе ԝи мьр, әԝи готә Муса: «Рʹабьн жь нав щьмәʹта мьн дәркʹәвьн һәрʹьн, һун жи зарʹед Исраел жи, һәрʹьн Хӧданрʹа хӧламтийе бькьн чаԝа ԝә гот» (Дркʹ. 12:31). Йаһоԝа да кʹьфше, ԝәки әԝ тʹьме щьмәʹта хԝә дьпарезә.

Ԝәʹде мәда жи әшкәрә те кʹьфше, ԝәки Йаһоԝа рʹебәрийе щьмәʹта хԝә дькә у ԝана дьпарезә. Әв йәк те кʹьфше музейа мәйә офиса сәрәкәда, наве кʹижане йә: «Щьмәʹта кӧ Наве Йаһоԝа Һьлда сәр Хԝә».

БЬНЬҺЕРʹЬН ВИДЕО «МУЗЕЙА ԜОРԜИКЕ: ‹ЩЬМӘʹТА КӦ НАВЕ ЙАҺОԜА ҺЬЛДА СӘР ХԜӘ›», У ЩАБА ԜАН ПЬРСА БЬДЬН:

• Дәстпебуйи жь сала 1914 Леколинкʹаред Кʹьтеба Пироз кʹижан һащәта модерн данә хәбате, ԝәки баԝәрийа мәрьва һьндава Кʹьтеба Пироз ԛәԝи кьн, у әве йәке чь кʹар ани?

• Әԝана рʹасти кʹижан щерʹьбандьна һатьн сала 1916 у 1918-да, у чь да кʹьфше ԝәки Йаһоԝа рʹебәрийе тʹәшкиләта хԝә дькә?

• Щьмәʹта Йаһоԝа ча пәйкʹәтьнада жи баԝәрийа хԝә ԛәԝи хԝәйи дькьрьн?

• Щьмәʹта Йаһоԝа сала 1935-да, дәрһәԛа кʹижан фәʹмкьрьна тʹәзә пеһʹәсийан у әв йәк чаԝа ль сәр ԝан һʹӧкӧм бу?

• Һәрге тӧ чуйи сәр екскурсийайе музейа офиса сәрәкәда йан жи музейа филиала мьһала хԝәда, хут чь баԝәрийа тә ԛәԝи кьр, кӧ Йаһоԝа рʹебәрийе щьмәʹта хԝә дькә у ԝана дьпарезә?