Nzambi Wala ni Majina Akuxi?
O Bibidya i tambwijila
Nzambi wala ngó ni dijina dimoxi. Mu dimi dya Hebalayiku adisoneka kiki יהוה. Mu Kimbundu ene mu dilungulula “Jihova.” Bhukaxi ka polofeta Izaya, Nzambi wambe: “Eme ngi Jihova, didi dyene o dijina dyami.” (Izaya 42:8) O dijina Jihova dimoneka 7.000 ajiveji mu mikanda yokulu ya Bibidya. Seku dijina dyengi dimoneka kyavulu mu Bibidya kala didi. Dyene we dimoneka dingi mu Bibidya o majina amukwa a ujitu a Nzambi ndenge. a
O kwila Jihova wala ni majina amukwa?
Yalungu ni Nzambi, o Bibidya itumbula ngó dijina dimoxi, maji itumbula majina avulu a ujitu. O mbandu ya kayela ilondekesa majina a ujitu ni dilombolwelu dya majina yá. O majina yá alondekesa ima yavulu ya lungu ni idifwa ya Jihova.
Majina a ujitu |
Jivelusu ja Bibidya mu moneka o majina ya |
Dilombolwelu |
|---|---|---|
Muteni a Yoso |
Seku kima mba muthu wamutundu mu kutena. O kizwelu mu Hebalayiku ʼEl Shad·daiʹ, kilombolola “Nzambi, Muteni a Yoso,” kimoneka sambwadi dya jiveji mu Bibidya. |
|
Álafa ni Omeka |
O álafa o letala ya dyanga ya isoneku mu dimi dya ngeleku, o omeka o letala ya sukina. O izwelu yiyi, ilombolola “wakalanga ni wasukina,” mba “o dimatekenu ni disukilu.” Kiki kilombolola kwila tunde xahulu ki kwa kexidyé Nzambi yengi Muteni a Yoso, ku hádya we kikwanda kala, Jihova ngó. (Izaya 43:10) |
|
Mukulu wa Ndamba |
Daniyele 7:9, 13, 22 |
Nzambi kala ni dimatekenu. Mwene Nzambi tunde xahulu katé ku hádya.—Jisálamu 90:2. |
Mubhangi |
Izaya 40:28 |
O mubhangi wa ima yoso. |
Tata |
Mwene o fixi ya mwenyu. |
|
Nzambi |
Kima kyoso kyoso akibheza atena kukixana Nzambi. O kizwelu kiki, kitena we kulombolola “Mukwa Nguzu, Mukwa Kutena.” O kizwelu ʼElo·himʹ, mu Hebalayiku kilombolola Nzambi, kyala mu kivule phala kulombolola o unene ni ukota wa Jihova. |
|
Nzambi ya jinzambi |
Matendelelu 10:17 |
Izwelu phala kulondekesa kwila, o Nzambi suke-ku ka difu ni “jinzambi kijala ni valolo” jene mubheza athu amoxi.—Izaya 2:8. |
Yo woso wa mubhange |
Jisálamu 149:2 |
Wabhange o ima yoso.—Dijingunwinu 4:11. |
Nzambi ya sanguluka |
O kusanguluka kubhanga mbandu ku idifwa ya Nzambi.—Jisálamu 104:31. |
|
Mukwa kwivwa o misambu |
Jisálamu 65:2 |
Wivwa o misambu ya athu oso asamba kwa mwene ni muxima woso. |
Nganda Kala Yoso Ingisola Kukala |
Mwene udibhanga yoso ya mesena phala kukumbidila o vondadi yê. O kilombolwelu kiki, kikwatekesa kujimbulula o dijina dya Nzambi, Jihova, dyo tumbule mu divulu dya Makatukilu 3:15. |
|
Nzambi umesena kwila amubheza ngó mwene |
Kaxikina kwila, o muthu umubheza mwene, ubheza dingi jinzambi jamukwa. |
|
Sobha inangenena |
O ungana wê kiwala ni dimatekenu ki wandakala we ni disukilu. |
|
Ngana |
Jisálamu 135:5 |
Izwelu yolungulule mu dimi dya Hebalayiku ʼA·dhohnʹ e ʼAdho·nimʹ. O izwelu yiyi ilombolola “kya mutokala” mba“mesene.” |
Ngana dya ifuxi |
Izaya 1:9; Loma 9:29 |
Mutwameni wa ifuxi ya jianju. O dijina dya ujitu “Ngana dya ifuxi” atena we kudilungulula kala “Jihova dya ifuxi.”—Loma 9:29. |
Nzambi Sukeku |
Jisálamu 47:2 |
Mwene watúndu o athu ni ima yoso. |
Muthu ukola |
Jisabhu 9:10 |
Mwene ukola kinene, mwéne wabeta kota mukuzela. |
Ngumbi |
Izaya 64:8 |
Kala o ngumbi utena ku umba o utuma, Nzambi wala ni ungana wakutumina o athu ni ifuxi.—Loma 9:20, 21. |
Dilemba |
Izaya 41:14 |
Bhukaxi kasata yakukula ya Jezú, Nzambi ubhulula o athu kukituxi ni kalunga.—Nzwá 3:16. |
Ditadi |
Jisálamu 18:2, 46 |
Nzambi ulangidila o jisevende jê, u abhulula. |
kibhamwenyu mba mubhuludi |
Izaya 45:21 |
Nzambi ubhulula o jiselevende jê kukalunga ni kyoso kya kala mu ilwezu. |
Mubhidi |
Jisálamu 23:1 |
Mwene ulanga o abhezyê. |
Ngana Tata |
Kizwelu kilombolola ʼAdho·naiʹ mu dimi dya Hebalayiku. Kilombolola kwila Nzambi mwene wabetakota mu kukala ni ungana. |
|
Yo wasukaku ku ukota |
Daniyele 7:18, 27 |
Wabeta kota mu ungana. |
Majina a ididi o tumbule mu Mikanda ya Hebalayiku
Sayi majina a ididi o tumbule mu Bibidya, a aluku bhukaxi ka isoneku ya dyanga ya dijina dya Nzambi. Maji kimajina amukwa a Nzambi kana.
Dijina dya kididi |
Jivelusu ja Bibidya mu moneka o majina ya |
Dilombolwelu |
|---|---|---|
Jihova-jileh |
“Jihova mwene wanda kusota” mba “Jihova wanda batula o maka.” |
|
Jihova-nisi |
O mundu wa Jihova utena kudyelela mu kikwatekesu ni kilangidilu kyê.—Makatukilu 17:13-16. |
Mukonda dyahi kima kyambote kwijiya ni kutumbula o dijina dya Nzambi
O dijina dya Nzambi Jihova dyala ni valolo phala mwene. Twejiya o kidi kiki mukonda mwene wabhangesa o dijina dyê kumoneka mu Bibidya mazunda ajiveji.—Malakiya 1:11.
Jezú o Mona a Nzambi wazwela kyavulu yalungu ni valolo ya dijina dya Nzambi. Mu kifika, mwene wasambe kwa Jihova: “Dijina dyé adizelese.”—Matesu 6:9; Nzwá 17:6.
Kwijiya ni kutumbula o dijina dya Nzambi, yene o ima yadyanga yabhingi kubhanga o muthu wamesena kukala dikamba dya Jihova. (Jisálamu 9:10; Malakiya 3:16) Mu divulu dya Jisálamu 91:14, Nzambi ukanena kubesowala o makamba mê. Mwene wambe: Mukonda wa ngi naminina ni henda, eme-phe, ngi mu kudila; ngi mu tudika ditala, ka mu tena, mukonda wa ng’jiya o dijina.”—Jisálamu 91:14.
O Bibidya ilondekesa kwila kwene jinzambi javulu. Yene yamba: Kwene yó a exana jinzambi, kikale mu dyulu mba mu ixi, kwene we “jinzambi” javulu ni “jingana” javulu.” (1 Kolindu 8:5, 6) Maji yene itungula o Nzambi imoxi ya kidi, mukutumbula o dijina Jihova.—Jisálamu 83:18.
a O ukexilu wabutu wakusoneka o dijina dya Nzambi “Jah,” o ukexilu yú umoneka 50 ajiveji mu Bibidya.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
Jihova Nanyi?
O kwila mwene Nzambi ya kifuxi kimoxi ngó kala kyexile akwa Izalayele?
ESSENTIAL BIBLE TEACHINGS
O Kwila Nzambi Wala ni Dijina?
Nzambi wala ni majina avulu a ujitu, mu kifika Muteni-a-Yoso, Mubhangi ni Ngana. O vidyu yiyi i zwela o dijina dya Nzambi kwila dyene dimoneka 7.000 dya jiveji.
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.