O kuila saí kizuua ua dibhuidisile kiá se o muenhu kutonoka ngó, ku kalakala, kukazala, kukala ni tuana ni kukuka, kuabhu? (Jobe 14:1, 2) O Bibidia i tu tangela kuila katé muene ni athu exile jinjimu, a di bhangele ué o kibhuidisu kiki.—Tanga Ndongixi 2:11.

O kuila o muenhu uala ni vololo? Phala kutambuijila o kibhuidisu kiki, kia dianga tua tokala kuijiia kiebhi kia mateka o muenhu. Mu kutonginina o uongo uetu ni mukutu uetu, athu avulu a xikina kuila o Muthu ua tu bhange, njimu ia dikota. (Tanga Jisálamu 139:14.) Se kiki kiene, muéne ua tu bhange phala tu bhange kima! O kuijiia se a tu bhange phala-hi, kubhana valolo ku muenhu uetu.

Nzambi ua besoala o dikaza dia dianga, iu ua a bhana o kikalakalu ki bhana kisangusangu. Jihova ua a bhange phala kukala ni muenhu sé dizubhilu, kuzalesa o ixi ni tuana ni ku bhanga o ixi kukala palaizu.—Tanga Dimatekenu 1:28, 31.

O vondade ia Nzambi ki ia di kumbidila luua mukonda dia athu kubukumukina o ungana uê. Maji Nzambi ka jimbi o kikanenu kiê kia lungu ni ixi ni athu. O Bibidia i tu tangela kuila Nzambi ua mu kalakala phala kubhulula athu a fiiele, ni kukumbidila o kikanenu kiê kia lungu ni ixi! Mu kienhiki, Nzambi ua mesena kuila eie u kala ni muenhu kála kia mesenene tundé ku dimatekenu! (Tanga Jisálamu 37:29.) Ni kikuatekesu kia Bibidia, dilonge kiebhi ki u tena kukala ni mabesá enhá ku hádia.