Kyoso ki u mona o ithulu yala ni jikolo javulu, o dyulu dyezala ni jithethémbwa, mba dibhubha dya menya, o kwila eye u mona o ibhangelu ya Mubhangi? O ima ya tu kondoloka i tu londekesa o idifwa ya Jihova ya kambe kumoneka ku mesu. (Lo 1:20) Mu kutala ni kuxinganeka mu ima i tu mona ni mesu, tu tena kumona o kutena kwa Nzambi, o henda, o unjimu, o kuyuka, katé mwene o ukexilu wê wa kubhana.—Jis 104:24.

Ibhangelu yebhi ya Jihova i wene mu mona kizuwa ni kizuwa? Né mwene wa tungu mu mbanza, eye u tena kumona o jinjila mba o mixi. O kutala ni kuxinganeka o ibhangelu ya Jihova, i tena ku tu kwatekesa kusosolola o hele, ni kuta ku pholo o ima ya beta-kota, ni kubandekesa o kixikanu kyetu kya kwila Jihova u tena ku tu langa katé ku hádya ni hádya. (Mat 6:25-32) Se wala ni twana u a kwatekesa kumona o idifwa ya beta-o-kota ya Jihova. Kyoso ki tuya ni kuwabhela dingi o ibhangelu ya tu kondoloka, twa-nda zukama dingi ku Mubhangi wetu.—Jis 8:3, 4.

TALA O VIDYU, O MADIWANU A IBHANGELU A BHANA KIJINGU KWA NZAMBI—O MUKENGEJI NI JIKOLO, MU KUSULUKA TAMBWIJILA O IBHWIDISU YA KAYELA:

• Kyebhi o jipigmento ji tu kwatekesa kumona o jikolo?

• Ihi i bhangesa kukala ni jikolo javulu?

• Mukonda dyahi tu mona jikolo ki ji difu ku dyulu?

• Jikolo jebhi ja ibhangelu ji bhenya kyavulu, ji wene mu mona bhu wa tungu?

• Mukonda dyahi twa tokala kukatula kithangana phala kutala ni kuxinganeka mu ibhangelu?