Jakobo wa bhânge ni anju mukonda dya kima kyala ni valolo yavulu—o dibesá dya Jihova. (Di 32:24-31; Ho 12:3, 4) Abha etu? O kwila etu twa mu bhanga nguzu phala kubelesela Jihova ni kutambula o mabesá mê? Mu kifika, se a tu tumine kusola: Kuya mu kyônge ni kukalakala ola javulu ku salu, ihi i tweji sola? Kyoso ki tu bhana kwa Jihova o kithangana kyetu kya soko, nguzu yetu ni jimbote jetu, mwene u tu lundulwila ‘dibesá, di tu soka anga di subhuka, di bhinga ki di kala ni nzôngo yê mu ku tu bhekela jimbote.’ (Mal 3:10) Mwene wanda twendesa ni kulanga o ibhindamu yetu.—Mat 6:33; Jih 13:5.

TALA O VIDYU TA KUPHOLO O JIMBAMBE JÉ MU NZUMBI, MU KUSULUKA TAMBWIJILA O IBHWIDISU YA KAYELA:

• Kyebhi o phange ya muhatu kya mu polovala mu kima kya wabhele?

• Kyebhi kya tena ku tu polovala bhu kaxi ka salu yetu?

• Mukonda dyahi Timote wa bhingile kusuluka kusuwa jimbambe, sumbala wexile kyá diyala wa kulu mu nzumbi?—1Ti 4:16

• Kyebhi ki tu londekesa kwila o salu yetu yene ya beta dingi o kota?