សេចក្ដីពិតអំពីរាជាណាចក្រព្រះ
លោកយេស៊ូបង្រៀនអ្នកកាន់តាមលោកឲ្យអធិដ្ឋាន៖ «ឱបិតារបស់យើងដែលនៅស្ថានសួគ៌អើយ សូមឲ្យនាមរបស់លោកបានបរិសុទ្ធ។ សូមឲ្យរាជាណាចក្ររបស់លោកបានមកដល់។ សូមឲ្យបំណងប្រាថ្នារបស់លោកបានសម្រេចនៅផែនដី ដូចនៅស្ថានសួគ៌ដែរ»។ (ម៉ាថាយ ៦:៩, ១០) តើរាជាណាចក្ររបស់ព្រះគឺជាអ្វី? តើរាជាណាចក្រនោះធ្វើអ្វីខ្លះ? ហើយហេតុអ្វីយើងគួរអធិដ្ឋានឲ្យរាជាណាចក្រនោះមកដល់?
លោកយេស៊ូជាស្ដេចនៃរាជាណាចក្ររបស់ព្រះ។
លូកា ១:៣១-៣៣ ចែងថា៖ «នាងនឹងមានផ្ទៃពោះ ហើយបង្កើតកូនប្រុសមួយ។ នាងត្រូវដាក់ឈ្មោះកូននោះថាយេស៊ូ។ កូននោះនឹងធំឧត្ដម ក៏នឹងត្រូវហៅថាបុត្ររបស់ព្រះដ៏ខ្ពង់ខ្ពស់បំផុត ហើយព្រះយេហូវ៉ានឹងប្រគល់បល្ល័ង្ករបស់ដាវីឌជាបុព្វបុរស ឲ្យដល់បុត្រនោះ។ លោកនឹងគ្រប់គ្រងជាស្ដេចលើពូជពង្សយ៉ាកុបជារៀងរហូត ហើយរាជាណាចក្ររបស់លោកនឹងមិនសាបសូន្យឡើយ»។
រាជាណាចក្រជាប្រធានបទសំខាន់ដែលលោកយេស៊ូផ្សព្វផ្សាយ។
ម៉ាថាយ ៩:៣៥ ចែងថា៖ «លោកយេស៊ូធ្វើដំណើរទៅគ្រប់ក្រុងគ្រប់ភូមិ ដោយបង្រៀនក្នុងសាលាប្រជុំ ផ្សព្វផ្សាយដំណឹងល្អអំពីរាជាណាចក្រ ថែមទាំងធ្វើឲ្យមនុស្សជាសះស្បើយពីជំងឺនិងរោគាគ្រប់យ៉ាង»។
លោកយេស៊ូបានផ្ដល់សញ្ញាសម្គាល់ដល់អ្នកកាន់តាមលោកដើម្បីជួយពួកគេឲ្យដឹងថាពេលណារាជាណាចក្រជិតមកដល់។
ម៉ាថាយ ២៤:៧ ចែងថា៖ «ប្រជាជាតិមួយនឹងលើកទ័ពទៅច្បាំងនឹងប្រជាជាតិមួយ ហើយរាជាណាចក្រមួយនឹងលើកទ័ពទៅច្បាំងនឹងរាជាណាចក្រមួយ ក៏នឹងមានការអត់ឃ្លាន ថែមទាំងមានរញ្ជួយដីពីកន្លែងមួយទៅកន្លែងមួយទៀតផង»។
ឥឡូវនេះ អ្នកកាន់តាមលោកយេស៊ូផ្សព្វផ្សាយអំពីរាជាណាចក្រនៅទូទាំងផែនដី។
ម៉ាថាយ ២៤:១៤ ចែងថា៖ «ដំណឹងល្អនេះអំពីរាជាណាចក្រនឹងត្រូវផ្សព្វផ្សាយនៅគ្រប់ទីអាស្រ័យនៅផែនដី ដើម្បីឲ្យប្រជាជាតិទាំងឡាយបានឮ រួចទីបញ្ចប់នឹងមកដល់»។
លោកអ្នកក៏ប្រហែលជាចូលចិត្តដែរ
សំណួរនិងចម្លើយពីគម្ពីរ
តើរាជាណាចក្ររបស់ព្រះជាអ្វី?
សូមស្វែងយល់នូវមូលហេតុដែលរាជាណាចក្ររបស់ព្រះប្រសើរជាងរដ្ឋាភិបាលទាំងអស់របស់មនុស្ស។
សេចក្ដីបង្រៀនសំខាន់ៗក្នុងគម្ពីរ
តើរាជាណាចក្ររបស់ព្រះជាអ្វី?
ក្នុងអំឡុងកិច្ចបម្រើផ្សាយរបស់លោកយេស៊ូនៅផែនដី លោកបានបង្រៀនអំពីរាជាណាចក្រព្រះច្រើនជាងប្រធានបទផ្សេងទៀត។ អស់រាប់រយឆ្នាំមកហើយ អ្នកកាន់តាមលោកអធិដ្ឋានឲ្យរាជាណាចក្រនោះបានមកដល់។
គម្ពីរបរិសុទ្ធ តើរៀបរាប់អំពីអ្វី?
លោកយេស៊ូបង្រៀនអំពីរាជាណាចក្ររបស់ព្រះ
តើអ្វីជាប្រធានបទសំខាន់ចម្បងនៃការផ្សព្វផ្សាយរបស់លោក? តើលោកយេស៊ូបានបង្ហាញថា ការគ្រប់គ្រងរបស់លោកនឹងមានមូលដ្ឋានលើសេចក្ដីស្រឡាញ់និងដោយយុត្ដិធម៌យ៉ាងដូចម្ដេច?
