ចូរកុំឲ្យកំហុសរបស់អ្នកឯទៀតធ្វើឲ្យអ្នកជំពប់ដួលឡើយ
«ចូរ . . . អភ័យទោសឲ្យគ្នាទៅវិញទៅមកដោយគ្មានល័ក្ខខ័ណ្ឌ»។—កូឡុស ៣:១៣
ចម្រៀងលេខ: ៥៣, ២៨
១, ២. តើគម្ពីរបានប្រកាសទុកជាមុនយ៉ាងណាអំពីការរីកចម្រើននៃរាស្ដ្ររបស់ព្រះយេហូវ៉ា?
នៅទូទាំងផែនដី មានអង្គការមួយដែលមានសមាជិកដែលស្រឡាញ់ព្រះយេហូវ៉ានិងចង់បម្រើលោក។ ពួកអ្នកទាំងនោះគឺជាសាក្សីព្រះយេហូវ៉ា។ ទោះជាពួកគេមានភាពខុសឆ្គងនិងធ្វើខុសក្ដី ព្រះយេហូវ៉ាណែនាំពួកគេដោយសកម្មពលបរិសុទ្ធរបស់លោក។ សូមយើងពិចារណាអំពីរបៀបខ្លះដែលលោកបានផ្ដល់ពរឲ្យពួកគេ។
២ នៅឆ្នាំ១៩១៤ មានមនុស្សតិចណាស់ដែលគោរពប្រណិប័តន៍ព្រះយេហូវ៉ា។ ប៉ុន្ដែ ព្រះយេហូវ៉ាបានឲ្យពរទៅលើកិច្ចការផ្សព្វផ្សាយ។ ជាលទ្ធផល មនុស្សរាប់លាននាក់បានរៀនសេចក្ដីពិតពីគម្ពីរ ហើយបានក្លាយទៅជាសាក្សីរបស់លោក។ ព្រះយេហូវ៉ាបានរៀបរាប់អំពីការរីកចម្រើនដ៏អស្ចារ្យនេះ ពេលដែលលោកបានមានប្រសាសន៍ថា៖ «អ្នកតូចបំផុតនឹងត្រឡប់ជាមនុស្ស១ពាន់ ហើយពួកមានគ្នាតិចនឹងត្រឡប់ទៅជាសាសន៍១យ៉ាងពូកែ។ អញនេះគឺព្រះយេហូវ៉ា អញនឹងបញ្ជឿនឲ្យការនេះឆាប់កើតឡើងនៅពេលកំណត់»។ (អេសាយ ៦០:២២) សព្វថ្ងៃនេះ យើងអាចឃើញច្បាស់ថាទំនាយនេះបានសម្រេច។ រាស្ដ្ររបស់ព្រះយេហូវ៉ាគឺប្រៀបដូចជាប្រជាជាតិមួយដ៏ធំ។ តាម ពិត ចំនួនប្រជាជននៃប្រទេសនីមួយៗក្នុងចំណោមប្រទេសជាច្រើនមានតិចជាងចំនួនរាស្ដ្ររបស់ព្រះយេហូវ៉ាទូទាំងពិភពលោក។
៣. តើអ្នកបម្រើរបស់ព្រះបានបង្ហាញសេចក្ដីស្រឡាញ់តាមរបៀបណា?
៣ ក្នុងអំឡុងគ្រាចុងក្រោយបង្អស់នេះ ព្រះយេហូវ៉ាបានជួយរាស្ដ្ររបស់លោកឲ្យស្រឡាញ់គ្នាទៅវិញទៅមកកាន់តែខ្លាំង។ «ព្រះគឺជាសេចក្ដីស្រឡាញ់» ហើយពួកគេយកតម្រាប់លោក។ (យ៉ូហានទី១ ៤:៨) លោកយេស៊ូបានបង្គាប់អ្នកកាន់តាមលោកឲ្យ«ស្រឡាញ់គ្នាទៅវិញទៅមក»។ លោកក៏បានប្រាប់ពួកគេដែរថា៖ «យ៉ាងនេះ មនុស្សគ្រប់គ្នានឹងដឹងថាអ្នករាល់គ្នាជាអ្នកកាន់តាមខ្ញុំ បើអ្នករាល់គ្នាស្រឡាញ់គ្នា»។ (យ៉ូហាន ១៣:៣៤, ៣៥) នៅសម័យនេះ អ្នកបម្រើព្រះយេហូវ៉ាបានបង្ហាញសេចក្ដីស្រឡាញ់បែបនេះចំពោះគ្នាទៅវិញទៅមក សូម្បីតែនៅពេលដែលប្រជាជាតិនានាបានធ្វើសង្គ្រាមក្ដី។ ជាឧទាហរណ៍ នៅសង្គ្រាមលោកលើកទី២ មនុស្សប្រហែលជា៥៥លាននាក់បានស្លាប់។ ប៉ុន្ដែ រាស្ដ្ររបស់ព្រះយេហូវ៉ាមិនបានសម្លាប់អ្នកណាម្នាក់ក្នុងសង្គ្រាមនោះឡើយ។ (សូមអាន មីកា ៤:១, ៣) នេះបានជួយពួកគេរក្សាខ្លួនឲ្យ«គ្មានទោសចំពោះឈាមរបស់មនុស្សណាម្នាក់ទេ»។—សកម្មភាព ២០:២៦
៤. ហេតុអ្វីការរីកចម្រើននៃរាស្ដ្ររបស់ព្រះយេហូវ៉ាគួរឲ្យកត់សម្គាល់?
៤ ចំនួននៃរាស្ដ្ររបស់ព្រះបន្ដកើនឡើង ទោះជាពួកគេមានសត្រូវដ៏ខ្លាំងក្លាមួយក៏ដោយ ពោលគឺសាថាន។ វាគឺជា«ព្រះនៃរបៀបរបបពិភពលោកនេះ»។ (កូរិនថូសទី២ ៤:៤) សាថានកាន់កាប់លើអង្គការនយោបាយក្នុងពិភពលោកនេះ ព្រមទាំងប្រព័ន្ធផ្សាយព័ត៌មានផងដែរ ហើយវាប្រើអ្វីទាំងនេះដើម្បីព្យាយាមបញ្ឈប់កិច្ចការផ្សព្វផ្សាយដំណឹងល្អ។ ប៉ុន្ដែ វាមិនអាចបញ្ឈប់កិច្ចការនេះបានឡើយ។ ទោះជាយ៉ាងនេះក៏ដោយ សាថានដឹងថាវានៅសល់ពេលតែបន្ដិចបន្ដួច ហេតុនេះវាបន្ដព្យាយាមបញ្ឈប់យើងពីការគោរពប្រណិប័តន៍ព្រះយេហូវ៉ា។—ការបើកបង្ហាញ ១២:១២
តើអ្នកនឹងមានភក្ដីភាពឬទេពេលអ្នកឯទៀតធ្វើខុស?
៥. ហេតុអ្វីជួនកាលអ្នកឯទៀតប្រហែលជាធ្វើឲ្យយើងឈឺចិត្ដ? (សូមមើលរូបភាពនៅដើមអត្ថបទ)
៥ អ្នកបម្រើរបស់ព្រះរៀនថាការស្រឡាញ់ព្រះនិងមនុស្សឯទៀត គឺសំខាន់ណាស់។ លោកយេស៊ូបានមានប្រសាសន៍ថា៖ «‹អ្នកត្រូវស្រឡាញ់ព្រះយេហូវ៉ាជាព្រះរបស់អ្នក ឲ្យអស់ពីដួងចិត្ដ អស់ពីព្រលឹង ហើយអស់ពីសមត្ថភាពរិះគិត›។ នេះជាបញ្ញត្ដិទីមួយ ហើយជាបញ្ញត្ដិសំខាន់ជាងគេ។ បញ្ញត្ដិសំខាន់ទីពីរក៏ស្រដៀងនឹងនេះដែរ គឺ៖ ‹អ្នកត្រូវស្រឡាញ់អ្នកជិតខាងដូចស្រឡាញ់ខ្លួនអ្នក›»។ (ម៉ាថាយ ២២:៣៥-៣៩) ក៏ប៉ុន្ដែ គម្ពីរបង្ហាញថាមនុស្សជាតិទាំងអស់មានភាពមិនល្អឥតខ្ចោះតាំងពីកំណើតដោយសារអំពើខុសឆ្គងរបស់អាដាម។ (សូមអាន រ៉ូម ៥:១២, ១៩) ដូច្នេះ ជួនកាលបងប្អូនខ្លះក្នុងក្រុមជំនុំប្រហែលជានិយាយឬធ្វើអ្វីមួយដែលនាំឲ្យយើងឈឺចិត្ដ។ ពេលនេះកើតឡើង តើយើងនឹងធ្វើអ្វី? តើយើងនឹងនៅតែស្រឡាញ់ព្រះយេហូវ៉ាយ៉ាងខ្លាំងឬទេ? តើយើងនឹងមានភក្ដីភាពចំពោះលោកនិងរាស្ដ្ររបស់លោកឬទេ? គម្ពីរប្រាប់យើងអំពីអ្នកបម្រើខ្លះរបស់ព្រះដែលបាននិយាយឬធ្វើអ្វីដែលនាំឲ្យអ្នកឯទៀតឈឺចិត្ដ។ សូមយើងពិចារណាអំពីមេរៀនដែលយើងអាចទាញយកពីអ្វីដែលបានកើតឡើងដល់ពួកគេ។
៦. តើអេលីមិនបានប្រៀនប្រដៅកូនប្រុសរបស់គាត់ក្នុងន័យយ៉ាងណា?
៦ ជាឧទាហរណ៍ អេលីគឺជាសម្ដេចសង្ឃនៃអ៊ីស្រាអែល ប៉ុន្ដែកូនប្រុសពីរនាក់របស់គាត់បានបំពានច្បាប់របស់ព្រះយេហូវ៉ា។ គម្ពីរចែងថា៖ «កូនរបស់អេលី គេជាមនុស្សគំរក់អាក្រក់ ឥតស្គាល់ដល់ព្រះយេហូវ៉ាទេ»។ (សាំយូអែលទី១ ២:១២) ទោះជាអេលីបានដឹងថាកូនប្រុសរបស់គាត់កំពុងធ្វើអ្វីដែលអាក្រក់ណាស់ក្ដី គាត់មិនសូវបានប្រដៅពួកគេទេ។ ក្រោយមក ព្រះយេហូវ៉ាបានដាក់ទោសអេលីនិងកូនប្រុសពីរនាក់របស់គាត់។ ក្រោយមកទៀត លោកលែងអនុញ្ញាតឲ្យកូនចៅរបស់អេលីបម្រើជាសម្ដេចសង្ឃទៀត។ (សាំយូអែលទី១ ៣:១០-១៤) បើអ្នករស់នៅសម័យអេលី ហើយដឹងថាគាត់បានបណ្ដោយកូនប្រុសគាត់ឲ្យធ្វើអ្វីដ៏អាក្រក់ តើអ្នកនឹងជំពប់ដួលឬទេ? តើស្ថានភាពនេះនឹងធ្វើឲ្យជំនឿរបស់អ្នកទៅលើព្រះយេហូវ៉ាចុះខ្សោយឬ ហើយជាលទ្ធផល តើអ្នកនឹងឈប់បម្រើលោកឬទេ?
៧. តើដាវីឌបានប្រព្រឹត្ដអំពើខុសឆ្គងធ្ងន់ធ្ងរអ្វី ហើយតើព្រះបានធ្វើអ្វីចំពោះរឿងនោះ?
៧ ដាវីឌមានគុណសម្បត្ដិដ៏ប្រសើរ ហេតុនេះហើយបានជាព្រះយេហូវ៉ាស្រឡាញ់គាត់ខ្លាំងណាស់។ (សាំយូអែលទី១ ១៣:១៣, ១៤; សកម្មភាព ១៣:២២) ប៉ុន្ដែដាវីឌបានធ្វើអ្វីដ៏អាក្រក់ណាស់។ ពេលអ៊ូរីកំពុងធ្វើសង្គ្រាម ដាវីឌបានរួមដំណេកជាមួយនឹងបាតសេបាដែលជាប្រពន្ធរបស់អ៊ូរី ហើយនាងចាប់មានផ្ទៃពោះ។ ដាវីឌមិនចង់ឲ្យអ្នកណាដឹងអំពីអ្វីដែលគាត់បានធ្វើទេ។ ដូច្នេះ គាត់បានបញ្ជាអ៊ូរីឲ្យមកជួបគាត់ ហើយបានព្យាយាមធ្វើឲ្យអ៊ូរីព្រមទៅផ្ទះ។ ដាវីឌបានសង្ឃឹមថាអ៊ូរីនឹងរួមដំណេកជាមួយនឹងបាតសេបា ដើម្បីមនុស្សឯទៀតនឹងគិតថាអ៊ូរីជាឪពុករបស់កូននោះ។ ប៉ុន្ដែ អ៊ូរីមិនបានទៅផ្ទះទេ។ ដូច្នេះ ដាវីឌបានធ្វើឲ្យប្រាកដថាអ៊ូរីនឹងស្លាប់ក្នុងការប្រយុទ្ធ។ ដោយសារដាវីឌបានប្រព្រឹត្ដអំពើខុសឆ្គងធ្ងន់ធ្ងរ គាត់និងក្រុមគ្រួសាររបស់គាត់បានរងទុក្ខយ៉ាងខ្លាំង។ (សាំយូអែលទី២ ១២:៩-១២) ប៉ុន្ដែ ព្រះយេហូវ៉ាមានចិត្ដមេត្ដាករុណា ហើយបានអភ័យទោសឲ្យដាវីឌ ដោយសារលោកបានដឹងថាធម្មតាគាត់ចង់ធ្វើអ្វីដែលត្រឹមត្រូវ។ (ពង្សាវតារក្សត្រទី១ ៩:៤) បើអ្នករស់នៅពេលនោះ តើអ្នកនឹងមានអារម្មណ៍យ៉ាងណាចំពោះអ្វីដែលដាវីឌបានធ្វើ? តើអ្នកនឹងឈប់បម្រើព្រះយេហូវ៉ាឬទេ?
៨. (ក) តើតាមរបៀបណាសាវ័កពេត្រុសមិនបានរក្សាពាក្យសម្ដីរបស់គាត់? (ខ) ក្រោយពីពេត្រុសបានធ្វើខុស ហេតុអ្វីព្រះយេហូវ៉ាបន្ដប្រើគាត់?
៨ គំរូមួយទៀតក្នុងគម្ពីរគឺសាវ័កពេត្រុស។ លោកយេស៊ូបានជ្រើសរើសគាត់ឲ្យធ្វើជាសាវ័ក។ ទោះជាយ៉ាងនេះក្ដី ជួនកាលពេត្រុសបាននិយាយឬធ្វើអ្វីដែលមិនត្រឹមត្រូវ។ ជាម៉ាកុស ១៤:២៧-៣១, ៥០) ប៉ុន្ដែ បន្ទាប់ពីលោកយេស៊ូបានត្រូវគេចាប់ខ្លួន សាវ័ករបស់លោកទាំងអស់ រួមទាំងពេត្រុសបានបោះបង់លោក។ ក្រោយមក អស់បីដងពេត្រុសបាននិយាយថាគាត់មិនស្គាល់លោកយេស៊ូទេ។ (ម៉ាកុស ១៤:៥៣, ៥៤, ៦៦-៧២) ប៉ុន្ដែ ពេត្រុសឈឺចិត្ដយ៉ាងខ្លាំងចំពោះអ្វីដែលគាត់បានធ្វើ។ ដូច្នេះ ព្រះយេហូវ៉ាបានអភ័យទោសឲ្យគាត់ ហើយបានបន្ដប្រើគាត់។ បើអ្នកជាអ្នកកាន់តាមលោកយេស៊ូនៅពេលនោះ ហើយបានដឹងអំពីអ្វីដែលពេត្រុសបានធ្វើ តើអ្នកនឹងបន្ដទុកចិត្ដទៅលើព្រះយេហូវ៉ាឬទេ?
ឧទាហរណ៍ ពេត្រុសបាននិយាយថាគាត់នឹងមិនបោះបង់លោកយេស៊ូទេ ទោះជាពួកគេទាំងអស់គ្នាបោះបង់លោកក៏ដោយ។ (យើងអាចជឿជាក់ទាំងស្រុងថាព្រះយេហូវ៉ានឹងតែងតែធ្វើអ្វីដែលត្រឹមត្រូវនិងយុត្ដិធម៌
៩. ហេតុអ្វីអ្នកទុកចិត្ដថាព្រះតែងតែយុត្ដិធម៌?
៩ តាមរយៈគំរូទាំងនេះ យើងឃើញថាអ្នកបម្រើខ្លះរបស់ព្រះយេហូវ៉ាបានធ្វើអ្វីដែលអាក្រក់ ហើយបានធ្វើឲ្យអ្នកឯទៀតឈឺចិត្ដយ៉ាងខ្លាំង។ ពេលនេះកើតឡើងនៅសព្វថ្ងៃនេះ តើអ្នកនឹងធ្វើអ្វី? តើអ្នកនឹងឈប់ចូលរួមកិច្ចប្រជុំ ឬថែមទាំងបោះបង់ព្រះយេហូវ៉ានិងរាស្ដ្ររបស់លោកតែម្ដងឬទេ? ឬតើអ្នកនឹងទទួលស្គាល់ថាព្រះយេហូវ៉ាមានចិត្ដមេត្ដាករុណា ហើយថាលោកប្រហែលជារង់ចាំបុគ្គលណាម្នាក់ឲ្យប្រែចិត្ដ? ប៉ុន្ដែ ប្រហែលជាមានពេលខ្លះដែលបុគ្គលម្នាក់ដែលបានប្រព្រឹត្ដអំពើខុសឆ្គងធ្ងន់ធ្ងរមិនស្តាយក្រោយចំពោះអ្វីដែលគាត់បានធ្វើ។ តើអ្នកនឹងទុកចិត្ដថាព្រះយេហូវ៉ាដឹងរឿងនេះ ហើយថាលោកនឹងធ្វើអ្វីមួយនៅពេលដែលសមត្រឹមត្រូវឬទេ? លោកប្រហែលជានឹងដកបុគ្គលនោះចេញពីក្រុមជំនុំបើចាំបាច់។ តើអ្នកជឿថាព្រះយេហូវ៉ានឹងតែងតែធ្វើអ្វីដែលត្រឹមត្រូវនិងយុត្ដិធម៌ឬទេ?
ចូររក្សាភក្ដីភាព
១០. តើលោកយេស៊ូយល់យ៉ាងណាអំពីកំហុសរបស់យូដាសអ៊ីស្ការីយ៉ុតនិងពេត្រុស?
១០ គម្ពីរចែងអំពីបុគ្គលជាច្រើនដែលបានរក្សាភក្ដីភាពចំពោះព្រះយេហូវ៉ានិងរាស្ដ្ររបស់លោក ទោះជាអ្នកឯទៀតនៅជុំវិញពួកគេបានធ្វើខុសធ្ងន់ធ្ងរក្ដី។ លោកយេស៊ូគឺជាគំរូដ៏ប្រសើរបំផុត។ បន្ទាប់ពីលោកបានអធិដ្ឋានសុំជំនួយពីបិតារបស់លោកពេញមួយយប់ លោកបានជ្រើសរើសសាវ័ក១២នាក់។ ប៉ុន្ដែ ក្រោយមកយូដាសអ៊ីស្ការីយ៉ុតដែលជាបុគ្គលម្នាក់ក្នុងចំណោមពួកគេបានក្បត់លោកយេស៊ូ។ ម្យ៉ាងទៀត សាវ័កពេត្រុសបាននិយាយថាគាត់មិនស្គាល់លោកយេស៊ូទេ។ (លូកា ៦:១២-១៦; ២២:២-៦, ៣១, ៣២) ពេលអ្នកកាន់តាមខ្លះបានធ្វើឲ្យលោកយេស៊ូខកចិត្ដ លោកមិនបានបន្ទោសព្រះយេហូវ៉ា ឬអ្នកកាន់តាមឯទៀតឡើយ។ ផ្ទុយទៅវិញ លោកយេស៊ូបាននៅជិតស្និទ្ធនឹងបិតារបស់លោក ហើយបានបន្ដបម្រើលោកយ៉ាងស្មោះត្រង់។ ជាលទ្ធផល ព្រះយេហូវ៉ាបានផ្ដល់រង្វាន់ឲ្យលោកដោយប្រោសលោកឲ្យរស់ឡើងវិញ ហើយក្រោយមកបានតែងតាំងលោកឲ្យធ្វើជាស្ដេចនៃរាជាណាចក្រនៅស្ថានសួគ៌។—ម៉ាថាយ ២៨:៧, ១៨-២០
១១. ស្ដីអំពីអ្នកបម្រើរបស់ព្រះយេហូវ៉ានៅសម័យនេះ តើគម្ពីរបានប្រកាសទុកជាមុនអំពីអ្វី?
១១ គំរូរបស់លោកយេស៊ូបង្រៀនយើងឲ្យមានភក្ដីភាពចំពោះព្រះយេហូវ៉ានិងរាស្ដ្ររបស់លោក។ យើងមានមូលហេតុត្រឹមត្រូវដើម្បីធ្វើដូច្នេះ។ យើងអាចឃើញថាព្រះយេហូវ៉ាកំពុងណែនាំអ្នកបម្រើរបស់លោកនៅគ្រាចុងក្រោយបង្អស់នេះ។ លោកកំពុងជួយពួកគេឲ្យផ្សព្វផ្សាយសេចក្ដីពិតនៅទូទាំងពិភពលោក ហើយមានតែពួកគេប៉ុណ្ណោះដែលកំពុងធ្វើកិច្ចការនេះ។ ពួកគេក៏ពិតជាសប្បាយនិងមានសាមគ្គីភាព ដោយសារអ្វីទាំងអស់ដែលព្រះយេហូវ៉ាកំពុងបង្រៀនអេសាយ ៦៥:១៤
ពួកគេ។ ព្រះយេហូវ៉ាបានរៀបរាប់ដូច្នេះ ពេលលោកបានមានប្រសាសន៍ថា៖ «មើល! ពួកអ្នកបំរើអញនឹងច្រៀងដោយមានចិត្ដអំណរ»។—បើយើងចាកចេញពីព្រះយេហូវ៉ានិងរាស្ដ្ររបស់លោកដោយសារបុគ្គលណាម្នាក់ធ្វើខុស នោះគឺជាការមិនឈ្លាសវៃនិងអយុត្ដិធម៌ណាស់
១២. តើយើងគួរមានទស្សនៈយ៉ាងណាចំពោះកំហុសរបស់អ្នកឯទៀត?
១២ យើងពិតជាសប្បាយរីករាយ ដោយសារព្រះយេហូវ៉ាណែនាំយើង និងជួយយើងឲ្យធ្វើអ្វីល្អជាច្រើន។ ផ្ទុយទៅវិញ មនុស្សក្នុងពិភពលោករបស់សាថានមិនសប្បាយរីករាយ ហើយគ្មានសេចក្ដីសង្ឃឹមពិតប្រាកដចំពោះអនាគតទេ។ បើយើងចាកចេញពីព្រះយេហូវ៉ានិងរាស្ដ្ររបស់លោកដោយសារទង្វើឬពាក្យសម្ដីមិនត្រឹមត្រូវរបស់បុគ្គលណាម្នាក់ក្នុងក្រុមជំនុំ នោះគឺជាការមិនឈ្លាសវៃនិងអយុត្ដិធម៌ណាស់! ផ្ទុយទៅវិញ យើងត្រូវរក្សាភក្ដីភាពចំពោះព្រះយេហូវ៉ា ហើយធ្វើតាមការណែនាំរបស់លោក។ យើងក៏ត្រូវរៀនអំពីទស្សនៈដែលយើងគួរមាននិងរបៀបប្រព្រឹត្ដចំពោះកំហុសរបស់អ្នកឯទៀតដែរ។
តើអ្នកគួរប្រព្រឹត្ដយ៉ាងណា?
១៣, ១៤. (ក) ហេតុអ្វីយើងគួរមានចិត្ដអត់ធ្មត់ចំពោះគ្នាទៅវិញទៅមក? (ខ) តើយើងចង់នឹកចាំអំពីសេចក្ដីសន្យាអ្វី?
១៣ តើអ្នកគួរប្រព្រឹត្ដយ៉ាងណា បើបងប្អូនណាម្នាក់និយាយឬធ្វើអ្វីមួយដែលនាំឲ្យអ្នកឈឺចិត្ដ? គម្ពីរផ្ដល់ឱវាទនេះដែលថា៖ «កុំឲ្យមានចិត្ដរហ័សខឹងឡើយ ដ្បិតសេចក្ដីកំហឹងរមែងនៅក្នុងទ្រូងរបស់មនុស្សល្ងីល្ងើ»។ (សាស្តា ៧:៩) យើងទាំងអស់គ្នាជាមនុស្សមិនល្អឥតខ្ចោះ ហើយចេះធ្វើខុស។ ដូច្នេះ យើងមិនអាចរំពឹងថាបងប្អូនរបស់យើងនឹងតែងតែនិយាយឬធ្វើអ្វីដែលត្រឹមត្រូវឡើយ។ ម្យ៉ាងទៀត គឺមិនមែនជាការល្អទេដែលយើងបន្ដគិតអំពីកំហុសរបស់ពួកគេ។ បើយើងធ្វើដូច្នេះ យើងប្រហែលជាលែងមានអំណរក្នុងការបម្រើព្រះយេហូវ៉ា។ អាក្រក់ជាងនេះទៅទៀត ជំនឿរបស់យើងទៅលើព្រះយេហូវ៉ាប្រហែលជាចុះខ្សោយ ហើយយើងប្រហែលជាចាកចេញពីអង្គការរបស់លោក។ យ៉ាងនេះ យើងមិនអាចបម្រើព្រះយេហូវ៉ា ឬមានសេចក្ដីសង្ឃឹមរស់នៅក្នុងពិភពលោកថ្មីរបស់លោកឡើយ។
១៤ ដូច្នេះ តើអ្វីអាចជួយអ្នកឲ្យបន្ដមានអំណរក្នុងការបម្រើព្រះយេហូវ៉ា កាលដែលអ្នកឯទៀតធ្វើអ្វីមួយដែលនាំឲ្យអ្នកទើសចិត្ដ? សូមនឹកចាំជានិច្ចអំពីសេចក្ដីសន្យាដ៏គួរឲ្យលើកទឹកចិត្ដរបស់លោក ដែលថា៖ «មើល! អញនឹងបង្កើតផ្ទៃមេឃថ្មី ហើយនឹងផែនដីថ្មី ឯរបស់ពីមុនៗ នោះនឹងគ្មានអ្នកណានឹកចាំទៀត ក៏មិនដែលចូលក្នុងគំនិតឡើយ»។ (អេសាយ ៦៥:១៧; ពេត្រុសទី២ ៣:១៣) ព្រះយេហូវ៉ានឹងផ្ដល់ពរទាំងនេះឲ្យអ្នក បើអ្នករក្សាភក្ដីភាពចំពោះលោក។
១៥. តើលោកយេស៊ូបានមានប្រសាសន៍យ៉ាងណាអំពីអ្វីដែលយើងគួរធ្វើពេលអ្នកឯទៀតធ្វើខុស?
១៥ ពិតមែន យើងមិនទាន់រស់នៅក្នុងពិភពលោកថ្មីទេ។ ដូច្នេះ បើអ្នកណាម្នាក់ធ្វើឲ្យយើងឈឺចិត្ដ យើងត្រូវរំពឹងគិតអំពីអ្វីដែលព្រះយេហូវ៉ាចង់ឲ្យយើងធ្វើ។ ជាឧទាហរណ៍ លោកយេស៊ូបានមានប្រសាសន៍ថា៖ «បើអ្នកអភ័យទោសចំពោះកំហុសរបស់អ្នកឯទៀត នោះបិតារបស់អ្នកដែលនៅស្ថានសួគ៌ក៏នឹងអភ័យទោសឲ្យអ្នកដែរ។ ក៏ប៉ុន្ដែ បើអ្នករាល់គ្នាមិនអភ័យទោសចំពោះកំហុសរបស់អ្នកឯទៀតទេ នោះបិតារបស់អ្នកក៏មិនអភ័យទោសចំពោះកំហុសរបស់អ្នកដែរ»។ ម្យ៉ាងទៀត ពេលពេត្រុសបានសួរលោកយេស៊ូថាយើងគួរអភ័យទោសឲ្យអ្នកឯទៀត«រហូតដល់ប្រាំពីរដង»ឬយ៉ាងណា លោកយេស៊ូបានតបឆ្លើយថា៖ «ខ្ញុំប្រាប់អ្នកថា មិនមែនរហូតដល់ប្រាំពីរដងទេ តែរហូតដល់ចិតសិបប្រាំពីរដង»។ លោកយេស៊ូបានបង្រៀនយើងថាយើងគួរសុខចិត្ដអភ័យទោសម៉ាថាយ ៦:១៤, ១៥; ១៨:២១, ២២
ឲ្យអ្នកឯទៀតជានិច្ច។—១៦. តើយ៉ូសែបបានទុកគំរូល្អអ្វី?
១៦ គំរូរបស់យ៉ូសែបបង្រៀនយើងអំពីរបៀបដែលយើងគួរប្រព្រឹត្ដពេលដែលអ្នកឯទៀតធ្វើខុសនឹងយើង។ មានតែយ៉ូសែបនិងប្អូនប្រុសរបស់គាត់ប៉ុណ្ណោះដែលជាកូនប្រុសរបស់យ៉ាកុបនិងរ៉ាជែល។ យ៉ាកុបមានកូនប្រុស១០នាក់ទៀត ប៉ុន្ដែគាត់ស្រឡាញ់យ៉ូសែបខ្លាំងជាងពួកគេ។ នេះបានធ្វើឲ្យពួកគេច្រណែនយ៉ូសែបខ្លាំងណាស់។ តាមពិត ពួកគេស្អប់យ៉ូសែបខ្លាំងដល់ម៉្លេះបានជាពួកគេបានលក់គាត់ឲ្យធ្វើជាខ្ញុំបម្រើ ហើយគាត់បានត្រូវគេយកទៅស្រុកអេស៊ីប។ អស់ជាច្រើនឆ្នាំក្រោយមក ស្ដេចស្រុកអេស៊ីបបានតែងតាំងយ៉ូសែបឲ្យធ្វើជាបុគ្គលដែលមានអំណាចបន្ទាប់ពីគាត់ក្នុងស្រុកនោះ ដោយសារគាត់បានកោតស្ងើចយ៉ាងខ្លាំងចំពោះកិច្ចការល្អរបស់យ៉ូសែប។ ក្រោយមក បងប្រុសៗរបស់យ៉ូសែបបានមកស្រុកអេស៊ីបដើម្បីទិញអាហារ ដោយសារមានការអត់ឃ្លាន។ ពេលពួកគេបានឃើញយ៉ូសែប ពួកគេមិនបានចំណាំគាត់ទេ ប៉ុន្ដែគាត់ដឹងថាពួកគេជាអ្នកណា។ ទោះជាពួកគេធ្លាប់ប្រព្រឹត្ដអាក្រក់ទៅលើគាត់ក្ដី គាត់មិនបានដាក់ទោសពួកគេទេ។ ផ្ទុយទៅវិញគាត់បានសាកល្បងពួកគេដើម្បីដឹងថាពួកគេពិតជាបានកែប្រែឬយ៉ាងណា។ ពេលយ៉ូសែបឃើញថាពួកគេបានកែប្រែ គាត់បានប្រាប់ពួកគេថាគាត់គឺជាបងប្អូនរបស់ពួកគេ។ ក្រោយមកគាត់បានសម្រាលទុក្ខពួកគេ ហើយបាននិយាយថា៖ «កុំឲ្យខ្លាចឡើយ។ ខ្ញុំនឹងចិញ្ចឹមអ្នករាល់គ្នា ហើយនឹងកូនចៅរបស់អ្នករាល់គ្នាដែរ»។—លោកុប្បត្ដិ ៥០:២១
១៧. ពេលអ្នកឯទៀតធ្វើខុស តើអ្នកចង់ធ្វើអ្វី?
១៧ សូមចាំថាដោយសារមនុស្សទាំងអស់មានកំហុស អ្នកក៏អាចធ្វើឲ្យអ្នកឯទៀតទើសចិត្ដដែរ។ ដូច្នេះ បើអ្នកយល់ថាអ្នកបានធ្វើឲ្យបុគ្គលណាម្នាក់ឈឺចិត្ដ ចូរធ្វើតាមឱវាទពីគម្ពីរ។ ចូរសុំបុគ្គលនោះអភ័យទោសឲ្យអ្នក ហើយព្យាយាមធ្វើឲ្យមានសន្ដិភាពជាមួយនឹងគាត់។ (សូមអាន ម៉ាថាយ ៥:២៣, ២៤) យើងចូលចិត្ដពេលអ្នកឯទៀតអភ័យទោសឲ្យយើង។ ហេតុនេះ យើងគួរធ្វើដូច្នេះដែរចំពោះពួកគេ។ កូឡុស ៣:១៣ប្រាប់យើងថា៖ «ចូរទ្រាំទ្រគ្នាទៅវិញទៅមក ហើយអភ័យទោសឲ្យគ្នាទៅវិញទៅមកដោយគ្មានល័ក្ខខ័ណ្ឌ បើអ្នកណាមានហេតុត្អូញត្អែរអំពីអ្នកណាម្នាក់។ ព្រះយេហូវ៉ាបានអភ័យទោសឲ្យអ្នករាល់គ្នាដោយគ្មានល័ក្ខខ័ណ្ឌ ម៉្លោះហើយ ចូរអ្នករាល់គ្នាធ្វើដូច្នោះដែរ»។ បើយើងពិតជាស្រឡាញ់បងប្អូនរបស់យើង យើងនឹងមិនបន្ដឈឺចិត្ដអំពីអ្វីដែលពួកគេបានធ្វើពីមុនឡើយ។ (កូរិនថូសទី១ ១៣:៥) ម្យ៉ាងទៀត បើយើងអភ័យទោសឲ្យអ្នកឯទៀត ព្រះយេហូវ៉ាក៏នឹងអភ័យទោសឲ្យយើងដែរ។ ដូច្នេះ ពេលអ្នកឯទៀតធ្វើខុស សូមយើងមានចិត្ដមេត្ដាករុណាចំពោះពួកគេ ដូចព្រះយេហូវ៉ាដែលជាបិតារបស់យើងដែលមានចិត្ដមេត្ដាករុណាចំពោះយើង។—សូមអាន ទំនុកតម្កើង ១០៣:១២-១៤