ILINNIAGASSAQ 26
Sooq ajussuseqarlunilu naalliuttoqartarpa?
Alianangaartumik pisoqaraangat ima aperisoqarajuppoq: “Sooq?” Qujanartumik tamanna Biibilimi paasiuminartumik akineqarpoq!
1. Saatanip ajussuseq qanoq aallartippaa?
Saatanip Jehova tunuppaa, allallu pissaaneqarfigerusukkamigit inuit siulliit marluk aamma tunussisunngortippai. (Mosesimik 1. 3:1-5) Eva salloqittarlugu oqarfigigamiuk toqussanngitsoq ‘sallutuumik sallumullu ataataasumik’ Biibilimi taaneqarpoq. (Johannesi 8:44) Eva sallu upperalugu isumaqalerpoq Jehovap ajunngitsumik erliguukkaani. Tassa Saatani oqarporlusooq inuit Jehovamut naalanngikkunik pilluarnerussasut.
2. Adami Evalu suniarlutik aalajangerpat?
Jehova Adamimut Evamullu tukkortuuvoq. Oqarfigai orpik ataaseq minillugu orpiit tamaasa neriffigisinnaagaat. (Mosesimik 1. 2:15-17) Naammalluinnartuugamik eqqortuliornissartik ajornartinngikkaluarpaat, naalannginniarlutilli aalajangerput. Eva orpiup neriffigeqqusaanngitsup “paarnaanik tigusivoq nerillunilu”, Adamilu kingusinnerusukkut “aamma nerivoq”. (Mosesimik 1. 3:6) Adami Evalu piaaralutik naalannginnamik ajortuliorput, aamma ersersippaat Jehovamit naalakkersorneqarusunnatik. Tamannalu pissutigalugu naalliungaalerput. – Mosesimik 1. 3:16-19.
3. Adamip Evallu aalajangigaat uagutsinnut qanoq sunniuteqarpa?
Adami Evalu ajortulioramik naammalluinnartuujunnaarput. Naammalluinnanngitsuunerallu kinguaavisa kingornuppaat. Biibilimi Adami pillugu ima allassimavoq: ‘Inuk ataaseq aqqutigalugu ajorti inunnut annguppoq, ajortillu toqu nassataraa. Toqulu tamanut siaruaappoq.’ – Romamiut 5:12.
Assigiinngitsut pissutigalugit naalliuttarpugut. Ilaannikkut nammineq aalajangiinerlunnerput imaluunniit allat aalajangiinerlunnerat pissutigalugu naalliuttarpugut. Ilaannikkullu nalaatsornikkut pisut pissutigalugit naalliuttarpugut. – Jaaku 4:13, 14 atuarsigit.
ITISILIINEQ
Sooq Guuti ajussusermut naalliuutinullu pisuunngitsoq aamma naalliukkaangatta qanoq misigisartoq misissukkit.
4. Kina naalliuutinut pisuua?
Inuppassuit isumaqarput Guutip nunarsuarmi pissutsit aqukkai. Ilumut taamaappa? VIDEO takusiuk.
Jaaku 1:13 aamma Johannesimit 1. 5:19 atuarsigit apeqqullu una eqqartorlugu:
-
Guuti ajussusermut naalliuutinullu pisuua?
5. Saatanip aqutsinerata kingunipilui
Mosesimik 1. 3:1-6 atuarsigit apeqqutillu uku eqqartorlugit:
-
Saatani qanoq salluliorpa? – Versit 4 aamma 5 takukkit.
-
Saatanip qanoq oqarluni inuit isumaqalersinniarpai Jehovap ajunngitsumik erliguukkaatik?
-
Saatani naapertorlugu inuit pilluassagunik Jehovamit aqunneqartariaqarpat?
Oqaluussisartup oqaasii 8:9 atuarsiuk apeqqullu una eqqartorlugu:
-
Jehovap nunarsuarmik aqutsinnginnera qanoq kinguneqarsimava?
-
Adami Evalu naammalluinnartuullutik paratiisimiipput. Saatanili naalakkamikku Jehova tunuppaat
-
Tunussinerup kingunerisaanik nunarsuarmi ajortuliortoqartalerpoq, naalliuttoqartalerpoq toqusoqartalerlunilu
-
Jehovap ajortuliornerit, naalliuutit toqulu atuukkunnaarsissavai. Inuit naammalluinnartuullutik paratiisimi inuulissapput
6. Naalliukkaangatta Jehovap isumassorusuttarpaatigut
Guutip naalliunnerput maluginiartarpaa? Kunngip Daavip apustilillu Petrusip allataat misissoriartigit. Tussiaat 31:8 aamma Petrusimit 1. 5:7 atuarsigit apeqqullu una eqqartorlugu:
-
Naalliukkaangatta Jehovap maluginiarlutalu isumassorusuttaraatigut nalunagu qanoq misigivit?
7. Guutip naalliuutit tamaasa atuukkunnaarsissavai
Esaja 65:17 aamma Saqqummersitat 21:3, 4 atuarsigit apeqqullu una eqqartorlugu:
-
Nunarsuarmi ajussutsip kingunipilui Jehovap aaqqikkumaarai nalunagu sooq tuppallernarpa?
Nalunngiliuk?
Saatanip sallulioqqaarami Jehova narrunarsarpaa. Tassa isumaqalersitsiniaavoq Jehova aqutsisutut naapertuilluartuunanilu asanninngitsuusoq. Jehovap inuit naalliuutaannik atuukkunnaarsitsinermigut atini illernarsiseqqissavaa. Tassa aqutsillaqqinnerpaanini uppernarsassavaa. Jehovap atiata illernarsisinneqarnissaa sunit tamanit pingaarnerpaavoq. – Matiusi 6:9, 10.
OQARTOQARTARPOQ: “Naalliuutit inuunermut ilaapput, Guutimmi naalliuttussanngorluta pinngortippaatigut.”
-
Qanoq oqassavit?
EQIKKAANEQ
Saatani Diaavulu inuillu siulliit marluk nunarsuarmi ajussutsimut pisuunerpaapput. Naalliukkaangatta Jehovap isumassorusuttarpaatigut, qanittukkullu naalliuttoqarunnaarsitsissaaq.
Uteqqiineq
-
Saatanip Diaavulup Eva qanoq salloqittarpaa?
-
Adamip Evallu Jehovamik tunussinerat uagutsinnut qanoq sunniuteqarpa?
-
Naalliukkaangatta Jehovap maluginiartarlutalu isumassorusuttaraatigut qanoq nalunngilarput?
NAMMINEQ MISISSUGASSATIT
Biibili naapertorlugu ajorti qanoq paasisariaqartoq paasiniaruk.
“Ajortuliorneq qanoq paasisariaqarpa?” (Nittartakkatsinni allaaserisaq)
Naatsiivimmi Edenimi Saatanip Diaavulup apeqqusigaa pillugu paasisaqarnerugit.
“Sooq Guutip naalliunnerit akuerai?” (Napasuliaq Alapernaarsuiffik-mi allaaserisaq)
Apeqqummut akiuminaatsumut akissut tuppallernartoq atuaruk.
Angutip naalliussimasup Biibili qanoq iluaqutigisimagaa isiginnaaruk.
Soqutigisinnaasatit allat
APEQQUTIGINEQARTARTUT
Jehovap Nalunaajaasuisa Biibilimik pikkorissartitsinerat suugami?
Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.
