Imarisai

Saqqaata tullia

Jehovap Nalunaajaasui

Kalaallisut

Ajortuliorneq qanoq paasisariaqarpa?

Ajortuliorneq qanoq paasisariaqarpa?

Akissut Biibilimeersoq

Ajor­tulior­neq tas­saavoq iliuuseq, misigis­suseq imaluun­niit eq­qarsaat sunaluun­niit Guutip najoq­qutas­siaanut akerliusoq. Eq­qun­ngitsulior­nik­kut Guutip inatsisaanik unioq­qutitsineq, Guutip isaani naaper­tuil­luan­ngitsumik ilior­neq, aam­ma ajor­tulior­neruvoq. (1 Johan­nesi 3:4; 5:17) Biibilimi aam­ma suna eq­qor­tuusoq nalun­ngik­kaluarlugu eq­qor­tuliun­ngin­neq ajor­tulior­ner­tut eq­qaaneqar­poq. – Jaaku 4:17.

Biibilip al­las­simaq­qaarfiini ajor­tulior­nermut oqaatsit ator­neqar­tut “eq­qoriak­kamik uniuiner­tut” isumaqar­put. As­sersuutigalugu itsaq Israelimi sak­kutuut ilaat il­lusarial­laq­qingaaramik periagar­tik eq­qorluavit­tar­paat “unius­sanatil­lu”. Oqaaseq toq­qaan­navil­lugu nutserlugu imaas­sagaluar­poq: “Ajor­tulius­sanatil­lu.” (Eq­qar­tuus­sisut 20:16) Taamaat­tumik ajor­tulior­neq tas­saavoq Guutip najoq­qutas­siaanik naam­mal­luin­nar­tunik uniuineq, tas­sa unioq­qutitsineq.

Guutip pin­ngor­tim­matigut inuian­nut najoq­qutas­siorsin­naatitaavoq. (Saq­qum­mersitat 4:11) Iliuutsivut pil­lugit taas­sumun­nga akisus­saatitaasus­saavugut. – Romamiut 14:12.

Sutigut tamatigut ajortuliornaveersaartoqarsinnaava?

Naamik. Biibili naaper­torlugu inuit tamarmik “ajor­tulior­put Guutimit naalan­nas­suseq pigiun­naarlugu”. (Romamiut 3:23; 1 Kun­ngit 8:46; Oqaluus­sisar­tup oqaasii 7:20; 1 Johan­nesi 1:8) Sooq taamaap­pa?

Inuit siul­liit, Adami Evalu, Guuti as­silil­lugu naam­mal­luin­nar­tumik pin­ngor­titaagamik aal­laq­qaam­mut ajor­tiliun­ngil­lat. (1 Mosesi 1:27) Guutimul­li naalan­ngik­kamik naam­mal­luin­nar­tuujun­naar­put. (1 Mosesi 3:5, 6, 17-19) Qitor­nar­taaramil­lu ajor­ti naam­mal­luin­nan­ngis­suserlu taak­kunun­nga kingor­nus­sarsiaritip­paat. (Romamiut 5:12) Israelimi kun­ngip Daavip ajor­tilit­tut inun­ngor­nini ima al­laatigaa: ‘Ajor­timiit­tunga anaanama ilumiugilerpaanga.’ – Tussiaat 51:7.

Ajortuliat ilaat allanit ajorneruppat?

Aap. As­sersuutigalugu itsaq Sodomamiut ‘iluaatsorsuar­tut’ aam­ma ‘sualut­tumik ajor­tulior­tutut’ Biibilimi al­laatigineqar­put. (1 Mosesi 13:13; 18:20) Ajor­tuliap qanoq sualutsigineranut aalajangiisuusut pingasut eq­qarsaatigik­kit.

  1. Ingasassusaa. Biibilimi ingasat­tumik ajor­tulior­nerit – soorlu kinguaas­siuutitigut inuunerlun­neq, guutipilus­sior­neq, til­lin­neq, imerajun­neq, sioorasaaril­luni akilersuititsineq, toqutsineq anersaarsior­nerlu – ingalas­simaq­quneqar­put. (1 Korinthimiut 6:9-11; Saq­qum­mersitat 21:8) Ajor­tuliat taak­ku eq­qarsariaq­qaar­nani piaarinanilu ajor­tulianit, soorlu oqaatsitigut iliuutsitigul­lu al­lanik ajual­latsitsiner­nit, al­laanerusutut eq­qaaneqar­put. (Us­satit 12:18; Efesosimiut 4:31, 32) Biibilimili kajumis­saarutigineqar­poq ajor­tulior­neq sunaluun­niit Guutip inatsisaanik ingasat­tumik unioq­qutitsinermik kinguneqarsin­naam­mat soqutaan­ngitsutut isigis­san­ngik­kip­put. – Matthæusi 5:27, 28.

  2. Pissutiginiagaq. Ilaan­nik­kut Guutip qanoq piumasaqar­neranik ilisiman­nin­ngin­neq pis­sutigalugu ajor­tulior­toqar­tar­poq. (Apustilit Suliaat 17:30; 1 Timotheusi 1:13) Taman­na Biibilimi ajor­tulior­ner­tut eq­qaaneqaraluar­toq piaaraluni Guutip inatsisaanik unioq­qutitsiner­nit al­laanerusutut eq­qaaneqar­poq. (4 Mosesi 15:30, 31) Piaaraluni ajor­tulior­nerit ‘uum­mam­mit ajor­tumit’ aal­laaveqar­put. – Jeremia 16:12.

  3. Akulikissusaa. Tamatuma saniatigut Biibilimi ataasiarluni ajor­tulior­neq aam­ma pif­fis­sami sivisulaami ajor­tulior­tar­neq im­mik­koor­tin­neqar­put. (1 Johan­nesi 3:4-8) Eq­qor­tulior­nis­samik ilin­niar­tin­neqaraluarlutik ‘piaaralutik ajor­tulior­tar­tut’ Guutimit pisuusutut eq­qar­tuun­neqas­sap­put. – Hebræerit 10:26, 27.

Ingasat­tumik ajor­tuliorsimasut kuk­kus­sutitik pil­lugit nikal­lungangaalersin­naap­put. As­sersuutigalugu kun­ngi Daavi ima al­lap­poq: “Ajor­tuliama ar­torsip­paan­nga, naner­tuutaaler­poq uan­nut oqimaap­pal­laar­toq.” (Tus­siaat 38:5) Biibilimili ima kajumis­saar­neqar­pugut: “Iluaatsup qimal­liuk aq­qutigisani, iluaatsulior­tul­lu soraarul­ligit pilersaarutini, saal­lunilu Naalak­kamut, im­minik naak­kin­nik­kumaar­tumut, uterluni Guutitsin­nut, taan­na isumak­keerfigin­nit­tuar­tarmat.” – Esaja 55:7.