«سوت كۇنى يسا پايعامبار كەلەدى» دەگەندى قالاي تۇسىنەمىز؟
كيەلى كىتاپتىڭ جاۋابى
كيەلى جازبالاردا يسا پايعامباردىڭ بولاشاقتا جەر بەتىندەگى ادامداردى سوتتاۋ ٷشىن كەلەتىنى بىرنەشە رەت ايتىلعان a. مىسالى، ماتاي 25:31—33-تارماقتاردا بىلاي دەلىنگەن:
«ۇلىلىققا بولەنگەن ادام ۇلى [يسا پايعامبار] پەرىشتەلەرىمەن بىرگە كەلگەندە، سالتاناتتى تاعىنا وتىرادى. سول ۋاقىتتا ونىڭ الدىنا بارلىق حالىقتار جينالىپ اكەلىنەدى. ول شوپاننىڭ قويلاردى سەركەلەردەن بولگەنىندەي، ادامداردى ەكى توپقا ٴبولىپ، قويلاردى وڭ جاعىنا، سەركەلەردى سول جاعىنا قويادى».
وسى جەردە سيپاتتالعان سوت كۇنى ادامزات تاريحىندا بۇرىن-سوڭدى بولماعان زور الاپاتتىڭ ٴبىر بولىگى بولماق. زور الاپاتتىڭ شارىقتاۋ شەگى ارماگەددون بولادى (ماتاي 24:21؛ ايان 16:16). جوعارىدا سەركەلەر رەتىندە سيپاتتالعان يسا پايعامباردىڭ جاۋلارى «جازالانادى دا، ماڭگىگە جويىلادى» (سالونيكالىقتارعا 2-حات 1:9؛ ايان 19:11، 15). ال ونىڭ قويلار رەتىندە سيپاتتالعان ادال ٸزباسارلارىنىڭ «ماڭگىلىك ٶمىردى يەمدەنۋگە» ۇمىتتەرى بولادى (ماتاي 25:46).
يسا پايعامبار قاشان كەلەدى؟
يسا پايعامباردىڭ ٶزى: «سول كۇن مەن ساعاتتى ەشكىم... بىلمەيدى»،— دەگەن (ماتاي 24:36، 42؛ 25:13). دەسە دە ول ٶزىنىڭ كەلەتىنىن انىقتاۋعا كومەكتەسەتىن انىق بەلگىنى ايتىپ كەتكەن ەدى، بۇل بەلگى بىرنەشە قۇرامداس بولىكتەن تۇرادى (ماتاي 24:3، 7—14؛ لۇقا 21:10، 11).
يسا پايعامبار قانداي دەنەدە كەلەدى: رۋحاني ما، الدە تاندىك پە؟
يسا پايعامبار رۋحاني دەنەدە قايتا تىرىلگەن بولاتىن، سوندىقتان ول تاندىك ەمەس، رۋحاني تۇلعا رەتىندە كەلەدى (قورىنتتىقتارعا 1-حات 15:45؛ پەتىردىڭ 1-حاتى 3:18). سول سەبەپتى ولەرىنەن ٴبىر كۇن بۇرىن يسا ٶزىنىڭ ەلشىلەرىنە: «ەندى از ۋاقىتتان كەيىن وسى دۇنيە مەنى كورمەيدى»،— دەي العان (جوحان 14:19).
يسا پايعامباردىڭ كەلۋىنە قاتىستى كەڭ تاراعان قاتە تۇسىنىكتەر
قاتە تۇسىنىك: كيەلى كىتاپتا ادامدار يسا پايعامباردىڭ «بۇلتتاردا كەلە جاتقانىن كورەتىنى» ايتىلعان، دەمەك، ول كوزگە كورىنىپ كەلەدى (ماتاي 24:30).
شىن مانىندە: ٴجيى كيەلى كىتاپتا «بۇلت» ٴسوزى كوزدەن تاسا، كورىنبەيتىن نارسەلەرگە قاتىستى قولدانىلادى (مۇسانىڭ 3-جازباسى 16:2؛ مۇسانىڭ 4-جازباسى 11:25؛ مۇسانىڭ 5-جازباسى 33:26). مىسالى، بىردە قۇداي مۇسا پايعامبارعا: «مەن قالىڭ بۇلتپەن كەلەمىن»،— دەگەن بولاتىن (مۇسانىڭ 2-جازباسى 19:9). سول ۋاقىتتا مۇسا پايعامبار قۇدايدىڭ سوندا ەكەنىن تۇسىنگەنمەن، ونى ٶز كوزىمەن كورگەن جوق ەدى. ٴدال سول سياقتى يسا پايعامبار دا «بۇلتتاردا كەلەدى» دەگەن سوزدەر ادامدار ونىڭ كەلگەنىن تۇسىنگەنمەن، ونى ٶز كوزدەرىمەن كورمەيتىنىن بىلدىرەدى.
قاتە تۇسىنىك: ايان 1:7 دەگى يسا پايعامباردىڭ كەلۋىن «ٴبارى ٶز كوزىمەن كورەدى» دەگەن سوزدەردى تۋرا ماعىنادا تۇسىنگەن ٴجون.
شىن مانىندە: كيەلى كىتاپ جازىلعان گرەك تىلىندەگى «كوز» جانە «كورۋ» دەگەن سوزدەر كەيدە تۋرا ماعىناداعى «كورۋ» ەمەس، «ٴتۇسىنۋ» نە «ۇعىنۋ» دەگەن ماعىنادا قولدانىلادى b (ماتاي 13:15؛ لۇقا 19:42؛ ريمدىكتەرگە 15:21؛ ەفەستىكتەرگە 1:18). كيەلى كىتاپتا قايتا تىرىلگەن يسانىڭ «جاقىنداۋ مۇمكىن ەمەس جارىقتا مەكەندەيتىنى» جانە «ونى ادام بالاسى... كورە المايتىنى» ايتىلعان (تىموتەگە 1-حات 6:16). دەمەك، يسا پايعامباردى «ٴبارى ٶز كوزىمەن كورەدى» دەگەن سوزدەر بارلىق ادام ونىڭ قۇداي سوتىن جۇرگىزەتىنىن تۇسىنەتىن بولادى دەگەندى بىلدىرەدى (ماتاي 24:30).
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
ارماگەددون سوعىسى دەگەن نە؟
ارماگەددون ٴسوزى كيەلى كىتاپتا ٴبىر-اق رەت كەزدەسەدى. الايدا جازبالاردىڭ كوبىسى وسى سوعىس تۋرالى ٴسوز قوزعايدى.
كيەلى كىتاپتىڭ ماڭىزدى تالىمدەرى
قۇداي پاتشالىعى 1914-جىلى بيلىك ەتە باستادى
وسىدان 2600 جىلدان اسا ۋاقىت بۇرىن قۇداي تاعالا ٴبىر قۋاتتى پاتشاعا پايعامبارلىق ٴتۇس كورسەتەدى. سول ٴتۇس ٴبىزدىڭ كۇنىمىزدە ورىندالىپ جاتىر.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.