جاستار ٷشىن
11. ەڭبەكقور بول
نەنى بىلدىرەدى؟
ەڭبەكقور ادام جۇمىستان قاشپايدى. ول ومىرلىك قاجەتىن قامتاماسىز ەتۋ ٷشىن جانە وزگەلەرگە كومەكتەسۋ ٷشىن قاراپايىم جۇمىستى دا ايانباي اتقارۋعا دايار.
نەگە ماڭىزدى؟
ساعان ۇناسا دا، ۇناماسا دا، ٶمىر جاۋاپكەرشىلىكتەرگە تولى. بەرىلىپ جۇمىس ىستەۋدى ونشا ۇناتا بەرمەيتىن مىنا زاماندا ەڭبەكقور بولعانىڭ وزىڭە پايدالى (ۋاعىزداۋشى 3:13).
«جان سالا جۇمىس ىستەسەڭ، بويىڭدى ماقتانىش كەرنەپ، ىشتەي قاناعات سەزىنەدى ەكەنسىڭ. ال ىشتەگى قاناعات سەزىمى كەز كەلگەن ٸستى ٴسۇيىپ ىستەۋىمە كومەكتەسەدى. جۇمىسقا دەگەن كوزقاراسىڭ دۇرىس بولسا، جاقساتقا دا يە بولاسىڭ» (رۋسلان).
كيەلى كىتاپ كەڭەسى: «ٵر بەينەتتىڭ زەينەتى بار» (ناقىل سوزدەر 14:23).
نە ىستەي الاسىڭ؟
جۇمىسقا وڭ كوزقاراس دامىتۋ ٷشىن كەلەسى كەڭەستەرگە جۇگىنىپ كور:
جاقسىلاپ ىستەۋدەن قۋانىش ال. ٷي تىرلىگىن ىستەسەڭ دە، مەكتەپ تاپسىرمالارىن ورىنداساڭ دا، جۇمىستاعى مىندەتتەرىڭدى اتقارساڭ دا، جانىڭدى سالىپ ىستە. ولاردى جاقسى اتقارۋدى ۇيرەنگەن سوڭ، ودان سايىن جاقسارتۋدىڭ جولدارىن ىزدە. بالكىم، الدەقايدا تەزىرەك نەمەسە ونىمدىرەك ىستەۋگە كۇش سالارسىڭ. قايسىبىر ٸستى مەڭگەرگەن سايىن، جۇمىس تا ساعان كوبىرەك قۋانىش سيلايتىن بولادى.
كيەلى كىتاپ كەڭەسى: «ٶز ىسىنە شەبەر جاندى كورگەنسىڭ بە؟ ول قاراپايىم ادامداردىڭ ەمەس، پاتشالاردىڭ الدىندا تۇرادى» (ناقىل سوزدەر 22:29).
بەرەر پايداسىن ويلا. باسىم كوپ جاعدايدا مىندەتتەرىڭدى جاقسى ورىنداعانىڭ وزگەلەرگە دە پايداسىن تيگىزىپ جاتادى. مىسالى، ٷي تىرلىگىن تياناقتى اتقارساڭ، ٷي-ىشىندەگىلەردىڭ جۇگىن جەڭىلدەتەسىڭ.
كيەلى كىتاپ كەڭەسى: «العاننان گورى بەرگەن باقىتتى» (ەلشىلەردىڭ ىستەرى 20:35).
ارتىعىمەن ىستە. ەڭ نەگىزگى جۇمىستى ىستەۋمەن شەكتەلمەي، تالاپ ەتىلگەننەن كوبىرەك ىستەۋگە تىرىس. سوندا ٶز ٶمىرىڭنىڭ قوجايىنى ٶزىڭ بولاسىڭ، ويتكەنى بىرەۋ ماجبۇرلەگەندىكتەن ەمەس، ٶزىڭ قالاعاندىقتان كوبىرەك ىستەدىڭ (ماتاي 5:41).
كيەلى كىتاپ كەڭەسى: «جاقسىلىقتى ماجبۇرلەۋمەن ەمەس، ٶز ەركىڭمەن جاساسىن دەپ، سەنىڭ كەلىسىمىڭسىز ەشتەڭە ىستەگىم كەلمەدى» (ٴفىلىمونعا 14).
تەپە-تەڭدىك ساقتا. ەڭبەكقور ادام ەڭبەكتى سۇيگەنمەن، وعان باسىمەن كىرىپ كەتپەيدى. ول تارازى باسىن تەڭ ۇستاپ، ەڭبەكتەنۋدەن دە، تىنىعىپ الۋدان دا راقات تابادى.
كيەلى كىتاپ كەڭەسى: «تىنىمسىز ەڭبەكتەنىپ، جەلدىڭ سوڭىنان قۋعانشا، ازىراق تىنىعىپ العان ارتىق» (ۋاعىزداۋشى 4:6).