كيەلى كىتاپتىڭ اقىل-كەڭەسى ەسكىرىپ قالدى ما؟
بىرەۋلەر سولاي ويلايدى. ٴبىر دارىگەر كيەلى كىتاپتىڭ اقىلىنا جۇگىنۋ 100 جىل بۇرىنعى حيميا وقۋلىعىن قولدانىپ ساباق بەرۋمەن پاراپار دەپ ايتقان. كيەلى كىتاپتى بەدەل تۇتپايتىن باز بىرەۋلەر: «قازىرگى زاماناۋي كومپيۋتەردى قالاي قولدانۋدى ٴبىلۋ ٷشىن بايىرعى كومپيۋتەردىڭ نۇسقاۋلىعىن قارار ما ەدىڭىز؟»— دەيتىن دە شىعار. راس، كەيبىر ادامدار كيەلى كىتاپتى توزىعى جەتكەن ەسكى كىتاپ دەپ سانايدى.
بۇگىنگى جوعارى تەحنولوگيا زامانىندا وسىنداي ەسكى كىتاپقا ٷڭىلۋدىڭ قاجەتى بار ما؟ جاپ-جاڭا نۇسقاۋلار مەن اقىل-كەڭەستەرگە تۇنىپ تۇرعان ۆەب-سايتتار مەن بلوگتار جەتىپ-ارتىلادى ەمەس پە؟! تاجىريبەسى مول پسيحولوگتاردىڭ، دۇرىس ٶمىر ٷردىسىن ۇيرەتەتىن ماماندار مەن جازۋشىلاردىڭ قاتىسۋىمەن وتەتىن تەلەباعدارلامالار دا بارشىلىق. اينالىمعا ميللياردتاعان دوللار ٴتۇسىرىپ وتىرعان كىتاپ دۇكەندەرى دە ادامنىڭ ٶزىن-ٶزى تانۋىنا باعىتتالعان كىتاپتاردى مىڭ-مىڭداپ ساتۋدا.
كەرەك مالىمەتتى لەزدە تابۋعا بولاتىن بۇل داۋىردە شامامەن 2000 جىل بۇرىن جازىلىپ كەتكەن كيەلى كىتاپقا جۇگىنۋدىڭ قاجەتى بار ما؟ بالكىم، ەسكىرگەن مۇنداي كىتاپتان كەڭەس ىزدەۋ زاماننان قالىپ كەتكەن حيميا كىتابىن نەمەسە ەسكى كومپيۋتەر نۇسقاۋلىعىن قولدانۋمەن پاراپار دەپ راس ايتىلعان شىعار؟ بىراق بۇلاي وي ٴتۇزۋ قاتەلىك بولار ەدى. عىلىم مەن تەحنولوگيا تەز دامىعانمەن، ادامنىڭ باستى قاجەتتىلىكتەرى سول كۇيى قالعان جوق پا؟! ادامدار ٵلى دە ٶمىردىڭ ٴمانىن ىزدەيدى، باقىت پەن قاۋىپسىزدىككە قول جەتكىزگىسى كەلەدى، وتباسىنىڭ بەرەكەلى بولۋىن جانە ادال دوستار تابۋدى اڭسايدى.
قانشا كونە بولسا دا، كيەلى كىتاپتا ادامنىڭ وسى جانە باسقا دا قاجەتتىلىكتەرى تۋرالى كوپ ايتىلادى. ونداعى سوزدەردى جازدىرعان — جاراتۋشى قۇدايدىڭ ٶزى. كيەلى كىتاپتىڭ نۇسقاۋلارى ٶمىردىڭ ٵر سالاسىندا ٴتيىمدى جانە ادامدى ٴتۇرلى قيىندىققا دايىن ەتەدى (تىموتەگە 2-حات 3:16، 17). وندا جازىلعان كەڭەستەر ەشقاشان ۋاقىتقا جەڭىلىپ ەسكىرمەيدى. «قۇدايدىڭ ٴسوزى ٴتىرى»،— دەپ كيەلى كىتاپتىڭ ٶزى دە مۇنى راستايدى (ەۆرەيلەرگە 4:12).
كيەلى كىتاپقا قاتىستى بۇل سوزدەردىڭ راس ەكەنىن قايدان بىلەمىز؟ ول شىنىمەن دە ەسكىرگەن بە، الدە، كەرىسىنشە، ەڭ پايدالى، ەڭ ٴتيىمدى «ٴتىرى» كىتاپ پا؟ «كۇزەت مۇناراسى» جۋرنالىنىڭ وسى ارنايى سانى سىزگە بۇل سۇراقتاردىڭ جاۋابىن تابۋعا كومەكتەسەدى.
قىزىقتى بولار مالىمەتتەر
ESSENTIAL BIBLE TEACHINGS
كيەلى كىتاپتىڭ قۇدايدان ەكەنىن قايدان بىلەمىز؟
كيەلى كىتاپتىڭ اۆتورى قۇداي بولسا، ول دۇنيەدەگى ەڭ ەرەكشە كىتاپ بولۋى ٴتيىس.
كيەلى كىتاپ. سۇراقتار مەن جاۋاپتار
كيەلى كىتاپ وتباسىمدى باقىتتى ەتۋگە كومەكتەسە الا ما؟
كيەلى كىتاپتان الىنعان وسى بەس كەڭەس ميلليونداعان ەرلى-زايىپتىعا وتباسىلارىن باقىتتى ەتۋگە كومەكتەسكەن.
كيەلى كىتاپ. سۇراقتار مەن جاۋاپتار
ٷمىت بەرەر نە بار؟
ٷمىتتىڭ سەنىمدى بۇلاعى ٶمىرىڭىزدى كوركەيتىپ، بولاشاققا نىق سەنىممەن قاراتادى.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
