Ācɛ i gē lɛ eeye ŋ, eko duuma nɛ ācɛ néē lɔtuce uwa a, lɛ uwa abɔ gaajɛ. Ācɛ alɛwa i gē kpɔtuce . . .

•   ācɛ imeli nōo gē gbɛla iyi uwa foofunu ikɔkɔ ō lɛ ɛlá wu ācɛ néē yɔ i kwɛyi uwa a ŋ.

•   aɛga nɛ ɔ̄kā gē ŋma a gɛ ŋ, ohigbu ka aɔ̄kā néē gē ka tɛɛcɛ a i gē yɔ kpaakpa amāŋ wɛ ɔkwɛyi ɛgɛ nɛ ɛlā a lɛ a ŋ.

•   ācɛ usayɛnsi nōó gē ya ɔdā olɔhi lɛ ācɛ ŋ ma.

•   aotrɛyi ku ɛ̄gbā ō gba nōo gē ya ɛlā imeli ikɔkɔ ɛlā ku Ɔwɔico ŋ.

 Alɛɛcɛ cika ō leyi kwɛɛcɛ lɛyikwu ɛdɔ ku ācɛ néē gē lɔtuce uwa a. Ubáyíbu pi alɔ ahɔ̄ kahinii:

•   “Aá híī lɔtūce aótrɛ̄yí kú alɛɛcɛ, nēé tá aá abɔ̄ glá ŋ́ mā ŋ́.”​—Aíjē Kú Ɛ̄gbā 146:3.

Ɔcɛ nɛ a lɔfu lɔtuce ɔ gla

  Ubáyíbu da alɔ ku alɔ lɔfu lɔtuce Ujisɔsi gla. Ujisɔsi i wɛ ɔcɛ olɔhi nōo lā ipu ɛcɛ nyā ihayi alɛwa foofunu ŋ. Amáŋ, Ɔwɔcio lɛ ɔ fu kóō “cɔcɛ́ . . . ó géē cɔcɛ́ piyóó.” (Ulúku 1:​32, 33) Ujisɔsi wɛ Ɔcɛ́ ku Ajɔɔcɛ ku Ɔwɔico a, igɔmɛnti ku nu kē yɔ i lé ɔcɛ́ ŋma ɔkpanco babanya.​—Umátiyu 6:10.

•   O ya ɛɛ ku a nwu ɛlā tōōtɔ̄ɔ̄ lɛyikwu ɔdā nōo ya nɛ a cika ō lɔtuce Ujisɔsi a, jé aikpɛyi ɛlā nyā nōo kahinii: “Who Is the King of God’s Kingdom?” mla u “What Will God’s Kingdom Accomplish?”