Sekariah 13:1-9
13 “Ba hari nya, siti telaga deka ditumbak kena meresi dosa sereta pengamah peturun David enggau rayat Jerusalem.”
2 Jehovah, ketuai soldadu serega, bejaku: “Ba hari nya, Aku deka muai abis nama patung-patung ba menua tu, lalu sida enda dikingatka agi. Aku deka muai bala nabi pelesu sereta kuasa ti enda tuchi ari menua tu.
3 Barang sapa ke deka benabi baru, apai indai kandung iya deka madah ngagai iya: ‘Nuan patut mati laban nuan nyebut utai ti bula dalam nama Jehovah.’ Udah nya, apai indai kandung iya deka ngerejang iya laban iya benabika utai ti pelesu.
4 “Ba hari nya, bala nabi pelesu deka malu laban utai ke dipeda enggau jaku benabi diri empu. Sida enda bekenaka gari ke digaga ari bulu jelu kena nipu orang.
5 Tiap iku sida deka nyebut: ‘Aku ukai nabi. Aku tu orang ke ngintu tanah, laban lebuh aku agi biak, aku dibeli nyadi ulun.’
6 Enti bisi orang nanya iya: ‘Nama kebuah tubuh nuan telih?’* iya deka nyaut: ‘Aku telih ba rumah bala kaban aku.’”*
7 Jehovah, ketuai soldadu serega, bejaku: “O pedang, angkat lalu serang pengibun bedus Aku,Iya nya kaban Aku.
Serang pengibun bedus nya, lalu awakka raban bedus pambar,Lalu Aku deka ngangkatka jari Aku nyerang orang ke dikumbai enda penting.”
8 Ku Jehovah bejaku:“Dua pertiga ari rayat menua tu deka mati dibunuh,Lalu satu pertiga da agi deka mengkang diau ditu.
9 Baka emas enggau pirak ke dituchi ngena api,Aku deka nguji satu pertiga ke agi tinggal nyaLalu ngasuh sida tuchi.
Sida deka ngangauka nama Aku,Lalu Aku deka nyaut sida.
Aku deka madah: ‘Sida meh nembiak Aku,’
Lalu sida deka madah: ‘Jehovah meh Petara kami.’”
