Berapa Iti Nama ke Dikembuan Petara?
Saut ari Bup Kudus
Petara semina bisi siti nama aja. Dalam jaku Hebrew, Iya ditulis nyadi יהוה. Lalu, jaku nya disalinka ngagai “Jehovah” dalam jaku Iban. a Nengah nabi Isaiah, Petara madahka: ‘Semina Aku aja ti Jehovah, Petara nuan.’ (Isaiah 42:8) Nama nya ayan kira-kira 7,000 kali ba manuskrip Bup Kudus kelia, lalu penyampau tu mayuh agi ari gelar Petara ke bukai tauka nama orang bukai. b
Kati Jehovah bisi gelar ke bukai?
Taja pan Bup Kudus madahka Petara semina bisi siti nama aja, tang iya bisi mayuh gelar kena ngambarka kualiti tauka pesonaliti iya. Ditu bisi sekeda chunto:
Gelar |
Penerang |
Reti |
|---|---|---|
Aku Tu Meh Aku |
Iya ulih nyadi sebarang utai kena ngamatka tuju Iya. Rambai jaku tu mega mai reti “Aku Deka Nyadi Sebarang Utai Aku Deka.” (nota kaki Bup Kudus Baru) Rambai jaku tu nerangka reti nama Petara, iya nya Jehovah, ke bisi ditulis ba ayat ke nangkanka nya.—Pemansut 3:15. |
|
Allah |
(Nadai) |
Datai ari jaku Arab. Leka jaku “Allah” ukai siti nama tang gelar ke mai reti “Petara.” Salin Bup Kudus dalam jaku Arab enggau bansa jaku bukai ngena “Allah” nyadika gelar ke dituju ngagai “Petara.” |
Alpa enggau Omega |
Pemandang 1:8, nota kaki; 21:6, nota kaki; 22:13 |
Reti iya, “pun enggau pengujung,” tauka “pemadu dulu enggau pengabis dudi.” Rambai jaku tu nunjukka nadai Petara ti Pemadu Bekuasa kelimpah ari Jehovah, nemuka menya tauka jemah ila. (Isaiah 43:10) Alpa enggau omega nya urup ti keterubah enggau ti penudi ari urup Gerika. |
Apai |
Meri pengidup. |
|
Chemburu |
Iya deka orang nyembah Iya Seiku aja. Leka jaku tu ulih mai reti “enggai disamaka enggau sebarang utai” enggau “kita semina ulih nyembah Aku Seiku aja.”—Salin Dunya Baru. |
|
Iya ke idup belama iya |
Daniel 7:9, 13, 22 |
Petara nadai pun; Iya endang udah bisi belama iya, sebedau utai bukai ditempa.—Masmur 90:2. |
Iya ti Kudus |
Jaku Dalam 9:10 |
Iya nadai penimpang sereta kudus agi (ba moral) ari semua utai. |
Juruselamat |
Isaiah 45:21 |
Nyelamatka nembiak Iya ari utai ti ulih nganu tauka ngerusakka sida. |
Kuta |
Masmur 18:2, 46 |
Alai belindung sereta pun pengelikun. |
Peninga sampi |
Masmur 65:2, Salin Dunya Baru |
Iya Empu ninga tiap iti sampi orang ke arapka Iya. |
Penempa |
Isaiah 40:28 |
Iya nempa semua utai. |
Penebus |
Isaiah 41:14 |
Nebus tauka meli baru mensia ari dosa enggau pemati nengah genselan tebus Jesus Kristus.—John 3:16. |
Penempa ti Pemadu Tinggi |
Masmur 149:2 |
Iya nempa semua utai.—Pemandang 4:11. |
Pengajar ti Pemadu Tinggi |
Isaiah 30:20, 21 |
Ngajar sereta ngiring mensia.—Isaiah 48:17, 18. |
Pengibun |
Masmur 23:1 |
Iya ngibun penyembah Iya. |
Petara |
Petara ti bekuasa lalu patut disembah. Leka jaku Hebrew ʼElo·himʹ nya nunjukka mayuh. Leka jaku tu mega ngambarka pemesai mulia, basa tauka kuasa Jehovah. |
|
Petara ari atas semua petara |
Petara ti Pemadu Bekuasa bebida ari “engkeramba” ke disembah sekeda orang.—Isaiah 2:8. |
|
Petara ti Gaga Ati |
1 Timoti 1:11, Salin Dunya Baru |
Pengaga ati nya siti ari pesonaliti Petara.—Masmur 104:31. |
Raja ke belama-lama iya |
Pemerintah Iya nadai pun tauka ujung. |
|
Ti Pemadu Bekuasa |
Iya ngembuan kuasa ti nadai banding. Leka jaku Hebrew ʼEl Shad·daiʹ, bisi ayan tujuh kali dalam teks asal. Leka jaku tu mai reti “Petara ti Pemadu Bekuasa.”. |
|
Ti Pemadu Tinggi |
Pemungkal 15:2; Daniel 7:18, 27 |
Iya ngembuan kuasa ti pemadu tinggi; Hebrew ʼAdho·naiʹ. |
Tuan |
Masmur 135:5, Salin Dunya Baru |
Orang ke bempu tauka tuan; Hebrew ʼA·dhohnʹ enggau ʼAdho·nimʹ. |
Tukang Periuk |
Isaiah 64:8 |
Sama baka seiku tukang periuk ke bekuasa atas tanah liat iya, Petara mega bisi kuasa atas semua orang enggau menua.—Rome 9:20, 21. |
Nama endur dalam Sempekat Lama
Sekeda nama endur dalam Bup Kudus bisi nama Petara, tang nama nya ukai nama bukai ke Petara.
Nama endur |
Penerang |
Reti |
|---|---|---|
Jehovah-jireh |
Pemungkal 22:13, 14, Salin Dunya Baru |
“Jehovah deka nyediaka.” |
Jehovah-nissi |
Pemansut 17:15, Salin Dunya Baru |
“Jehovah nyadika menira aku,” tauka “menira Jehovah.” Jehovah nya Petara ke ulih meri iring sereta tulung ngagai nembiak Iya.—Pemansut 17:13-16. |
Jehovah-shalom |
Pengulu 6:23, 24, Salin Dunya baru |
“Jehovah nya Pemaik.” |
Jehovah-shammah |
Esekiel 48:35, Salin Dunya Baru |
“Jehovah Bisi Ditu.” |
Kebuah kitai patut nemu sereta ngena nama Petara
Petara tentu nemu nama Iya, Jehovah, amat beguna laban Iya udah madahka nama Diri beribu kali dalam Bup Kudus.—Malaki 1:11.
Anak Petara, Jesus, selalu ngemeratka nama Petara. Ambika chunto, iya besampi ngagai Jehovah, “Kudus meh nama Nuan.”—Matthew 6:9; John 17:6.
Orang ke nemu sereta ngena nama Petara kebendar iya benung ngereja utai keterubah kena ngembuan kaul enggau Jehovah. (Masmur 9:10; Malaki 3:16) Kaul ke baka nya ngasuh sida bulih penguntung ari semaya Petara ke madahka: “Aku deka ngelepaska orang ke rinduka Aku lalu nyaga sida laban sida ngelala nama Aku.”—Masmur 91:14.
Bup Kudus madahka: ‘Utai ti dikumbai petara bisi di langit tauka di dunya--laban utai ti dikumbai “petara” enggau dikumbai “tuan” endang amat mayuh.’ (1 Korint 8:5, 6) Tang Bup Kudus enggau terang madahka kitai semina seiku aja Petara ti bendar, lalu nama Iya, Jehovah.—Masmur 83:18, Salin Dunya Baru.
a Sekeda pakar bansa jaku Hebrew suah ngena “Yahweh” senentang nama Petara.
b Nama pandak Petara iya nya “Jah,” nyengkaum leka jaku “Aliluya,” ke mai reti “Puji Jah.”—Pemandang 19:1.
Nuan Engka Rindu Meda Tu
SAUT NGAGAI TANYA PASAL BUP KUDUS
Sapa Jehovah?
Kati Iya semina Petara ke siti raban orang aja baka ke orang Israel?
ESSENTIAL BIBLE TEACHINGS
Kati Petara Bisi Nama?
Petara bisi mayuh gelar, nyengkaum Pemadu Tinggi, Penempa, enggau Tuan. Tang, nama Petara Empu bisi dikena kira-kira 7,000 kali ba Bup Kudus.
SAUT NGAGAI TANYA PASAL BUP KUDUS
Kati Jesus nya Anak Petara?
Jesus enda kala ngaku diri Apai tauka Petara. Nama kebuah?
PASAL KAMI
Pinta Datai
Kerandauka tanya pasal Bup Kudus, tauka belajar mayuh agi pasal Saksi-Saksi Jehovah.