Etẹwẹ Biblu Plọn Mí?
Be odẹ̀ lẹpo wẹ Jiwheyẹwhe nọ sè ya?
BE A NA DỌ DỌ E NỌ SÈ ODẸ̀ . . .
Mẹlẹpo tọn wẹ ya?
Mẹdelẹ tọn wẹ ya?
Mẹdepope tọn wẹ ya?
NUHE BIBLU DỌ
“Jehovah ma dẹn do . . . mẹhe nọ dawhá ylọ ẹ to nugbo mẹ lẹpo.”—Salmu lẹ 145:18.
NUDEVO TẸWẸ MÍ SỌGAN PLỌN SỌN BIBLU MẸ?
Jiwheyẹwhe ma nọ dotoaina odẹ̀ mẹhe ṣiatẹ sọta ẹ lẹ tọn. (Isaia 1:15) Etomọṣo, yé sọgan “dọwhẹgbọ” hẹ ewọ gbọn aliho gbẹninọ tọn yetọn didiọ dali.—Isaia 1:18.
Whẹpo Jiwheyẹwhe nido sè odẹ̀ de, e dona tin to kọndopọ mẹ hẹ nubiọtomẹsi etọn he to Biblu mẹ lẹ.—1 Johanu 5:14.
Be mí dona nọ hodẹ̀ to aliho vonọtaun de mẹ wẹ ya?
MẸDELẸ YISE dọ yé dona nọ jẹklo, dẹ́ ota yetọn, kavi blá alọ dogo to whenue yé to dẹ̀ho. Etẹwẹ mì lẹn?
NUHE BIBLU DỌ
Jiwheyẹwhe ko sè odẹ̀ mẹhe “sinai” kavi “ṣite” kavi “ṣinyọ́n akọ́nnu ai” kavi “jẹklo” lẹ tọn. (1 Otànnugbo lẹ 17:16; 2 Otànnugbo lẹ 30:27; Ẹzla 10:1; Owalọ lẹ 9:40) Ewọ ma nọ biọ dọ mí nọ ninọmẹ tangan de mẹ whẹpo do hodẹ̀ hlan ẹn gba.
NUDEVO TẸWẸ MÍ SỌGAN PLỌN SỌN BIBLU MẸ?
Jiwheyẹwhe nọ dotoaina whiwhẹnọ lẹ. —Salmu lẹ 138:6.
A sọgan hodẹ̀ do ogbè depope mẹ kavi do ahun mẹ.—2 Otànnugbo lẹ 6:32, 33; Nẹhemia 2:1-6.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Be Jiwheyẹwhe Na Gọalọna Mi Eyin N’hodẹ̀ Ya?
Be onú mítọn nọ duahunmẹna Jiwheyẹwhe nugbonugbo ya?
