Be Jiwheyẹwhe Na Gọalọna Mi Eyin N’hodẹ̀ Ya?
Gblọndo Biblu tọn
Mọwẹ, Jiwheyẹwhe nọ gọalọna mẹhe yí ahundopo do biọ nuhe sọgbe hẹ ojlo etọn lẹ. Eyin a ma tlẹ ko hodẹ̀ pọ́n, apajlẹ Biblu tọn mẹhe hodẹ̀ dọ “Jiwheyẹwhe, gọalọna mi” lẹ tọn gán na we tuli. Di apajlẹ:
“OKLUNỌ E Jiwheyewhe ṣie, gọalọna mi; ṣo whlẹn mi kẹdẹdi dagbewanyi towe.”—Salmu lẹ 109:26, Biblu Wiwe lọ—Gun Alada.
“Agbátọnọ podọ wamọnọ de wẹ yẹn; Jehovah ni na mi ayidonugo.”—Salmu lẹ 40:17, Lẹdogbedevomẹ Aihọn Yọyọ Tọn.
Na nugbo tọn, mẹhe kàn hogbe enẹlẹ do yise dolido to Jiwheyẹwhe mẹ. Etomọṣo, Jiwheyẹwhe nọ dotoaina mẹhe nọ hodẹ̀ hlan ẹn po mẹwhinwhàn dagbe po lẹpo, taidi mẹhe “ahun yetọn jẹflumẹ lẹ” kavi “ayimajainọ lẹ.”—Salmu lẹ 34:18.
A ma dona nọ dibu dọ Jiwheyẹwhe dẹ̀n do we taun bọ nuhahun towe lẹ masọ nọ duahunmẹna ẹn. Biblu dọ dọ: “Jehovah yiaga taun, e nọ doayi whiwhẹnọ lẹ go, Ṣigba, olá wẹ e nọ pọ́n saklanọ lẹ hlan sọn.” (Salmu lẹ 138:6) Nado dọ hójọho, Jesu tlẹ dọna devi etọn lẹ to gbèdopo dọmọ: “Oda he to ota na mì lẹpo wẹ ko yin hihia.” (Matiu 10:30) Jiwhewheyẹwhe nọ yọ́n nudọnamẹ delẹ gando gowe he hiẹ lọsu ma tlẹ yọnẹn. Eyin mọ wẹ, be e ma na dotoaina odẹ̀ towe lẹ, eyin a biọ alọgọ etọn gando nuhe to magbọjẹ do na we lẹ go ya?—1 Pita 5:7.
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN
Be Jiwheyẹwhe Nọ Sè Odẹ̀ Mítọn lẹ Ya?
Biblu dohia dọ Jiwheyẹwhe nọ sè odẹ̀ mítọn lẹ eyin mí hodẹ̀ dile ewọ jlo do.
NUPLỌNMẸ TANGAN BIBLU TỌN LẸ
Be Jiwheyẹwhe Nọ Sè Odẹ̀ Lẹpo Wẹ Ya?
Eyin ṣejannabi wẹ nọ sisẹ́ mẹde nado hodẹ̀ lo? Bọ eyin mẹde ylanhùn do asi ẹ go bo wá hodẹ̀ dọ Jiwheyẹwhe ni dona emi lo?
KANBIỌ HE JỌJA LẸ NỌ KANSE
Naegbọn N’Dona Nọ Hodẹ̀?
Be dẹ̀hiho nọ gọalọnamẹ nado vò sọn ayiha mẹ poun wẹ ya, kavi e sọ nọ wà humọ?
NUHE BIBLU PLỌN MÍ
Tẹ́n Tito Biblu Pinplọn Tọn Mítọn Pọ́n
A gán plọnnu vọnu hẹ mẹplọntọ de nukun sọ nukun nado mọ ayinamẹ sinai do Biblu ji lẹ yí.