HEM PUSTOK KOXEM UZAR KORCHEM?
Bible-acho obheas korunk hem pustok amkam modot korta ani Novo Sonvsar Bhaxantor Bible-antli mahiti ani xobdhkox pollounk urba dita.
DOR EKA ODHEAI-ACHIM SUBHEADING-AM
HEM PUSTOK KITEAK GORJECHEM
Poilea subheading-ant, Bible-achem umkench pustok aiz amkam kiteak gorjechem asa tem sanglam. Tea bhair, Bible-acho Boroupi Jehova zaun asa ani tannem tem pustok kiteak boroilam tacher dhean haddtta. Toxench tem pustok Bible-achea sondexak ani Bible-antlea her pustokank koxem zuddlolem asa tem dakhoita. Mhotvachem mhunnttlear, tea pustokantlean Jehova ani tachea gunnam vixim kitem xikonk melltta tem sanglam.
PUSTOK VACHʼCHEA POILIM HEM ZANNAM ZAIAT
Dusrem subheading Bible pustoka vixim anik mahiti dita. Zoxem boroupea vixim mahiti, pustok kednam boroun sompoilʼlem, tantuntlo sondex konnam pasot aslo ani kiteak; toxench tea vellar poristhiti koxi asli, tantunt chodd korun konnam vixim sanglam, mukhel mudʼde kitem, pustok koxe toren boroilʼlem ani tachi manddavoll koxi asa tem dilam.
HEM PUSTOK THODDEACH UTRAMNIM
Tisrea subheading-ant, Bible pustokantli mahiti thoddea utramnim sanglea. Choddxe pavtti pustokantli mahiti jea manddavollin asa, tech manddavollin mahiti thoddea utramnim dilea. Punn thodde pavtti, pustokantlea vixoi-a pormonnem mahiti dilea. Toxench, tea vellar anik kitem ghoddttalem, teo ghoddnneo khoim ani kednam ghoddleo ani tea pustokacho umkoch bhag boroupean koxe toren boroilo tem hea subheading-ant asa.
Hem subheading, Novo Sonvsar Bhaxantor-ant aslolem “Thoddea Utramnim Mahiti” hachea sarkem asa, punn matxe vegllem asa. Karonn “Thoddea Utramnim Mahiti” hantunt odheai-a pormonnem mahiti dilea dekhun umkinch Bible versam sodhunk modot zata.
. . . PUSTOKANTLEAN TUMKAM KITEM XIKONK MELLTTA?
Chovtea subheading-ant, hem Bible pustok kiteak gorjechem asa tem somzonk prosn dileat. He prosn Jehovak lagim soronk, Bible-antleo ghoddnneo anik bore toren somzonk, ani thoim dilʼlea versantlean xiktat tim lisanvam apnnaunk modot kortat. Tumkam anik xikonk modot zaunk, thoddea prosnanchea kuxik hea pustokantle vo Novo Sonvsar Bhaxantor-antle table, nokxe, timeline, chartt vo chitranche reference dileat.
DOR EKA ODHEAI-ANT ANIK KITEM ASA?
MULLAVI MAHITI
Hea boksant Bible pustoka vixim mullavi mahiti dilea. Pustok kednam boroilʼlem to vell vo zago sarko khobor na zalear, question mark (?) ghatla. Ek ghoddnni khoinchea vorsak ghoddloli tem ami khatren sangonk xokonant zalear, tea vorsachea kuxik “sumar” vo “uprant” oslim utram uzar keleant. K.X.A. mhunnttlear “Kristi Xoka Adim,” ani K.X. mhunnttlear “Kristi Xok.”
BIBLE PUSTOKANCHEM CHARTT
Aiz Bible-ant jea manddavollin pustokanchim nanvam dilʼlim asat teach manddavollin tim boroun sompounk nant. Tor, hea pustokachea dor eka odheai-ant, Bible-antlim khoinchim pustokam boroun zalʼlim, khoinchim ghoddie boroun zalʼlim vo khoinchim boroun zaunk nant tem somzonk ho chartt modot korta. Torui, choddxe pavtti boroupean tem pustok kednam boroun sompoilem ti amkam sarki khobor na. Tea pasot Bible-antlim 66 pustokam khoinchea manddavollin boroun sompoilʼlim tem ami khatren sangonk xokonant.
HACHEA BHAIR ANIK KITEM ASA?
ODHEAI-ANTLIM BOKSAM
Dor eka boksak odheai-acho number ani chhaplolea pustokant tem boks khoinchea manddavollin ieta tea pormonnem A, B, C, . . . oxim okxoram dileant. Tor peregrafamnim tea boksa vixim jea manddavollin sanglam vo electronic format-ant tem boks khoim dixtti poddtta tea pormonnem to number ani okxor diunk na.
TIMELINE
Ghoddnneo khoinchea manddavollin ghoddleo tem somzonk timeline amkam modot korta. Timeline-ant zaitim vorsam dakhounk asta tednam ti boksa bhitor bosonk oxem ghatlam. (Udharonn polloiat.) Toxench, don ghoddnneam modem kitlim vorsam sarleant tem sarkem khobor na tednam oxem ghatlam.
TABLE
Bible-antlim pustokam eka-mekak koxim zuddlolim asat tem hea table-ant dakhoilam. Udharonnak, Bible-achea thoddea boroupeamnim eka-mekachea utrancho ulʼlekh kela. Vo Bible-achea eka pustokant sangloli umkich bhasaunni koxi purnn zali tem dusrea pustokant dilam. Toxench, Bible-achea eka pustokant asat tech mukhel mudʼde, lisanvam, ghoddnneo, ani totvam herui pustokant dileant.
NOKXE
Bible-ant sanglole zage khoim asle, Bible-ant sanglolea munxamnim khoim-khoim provas kelo, ani Bible-ant sangloleo thoddeo ghoddnneo khoim ghoddleo tem somzonk nokxe dileat. Nokxeancho unchlo bhag utʼtore vatten dakhoita. Tantunt ek ruler pasun dilea jea vorvim zageam modem ontor mezunk modot zata. Choddxe pavtti umkech zage vo roste khoim asle tem amkam sarkem khobor na. Sokol dilʼle symbol nokxeant kitem asa tem dakhoitat.
FAMIL/VONXAVOLL
Bible-ant sanglolim munxam khoinchea familintlim vo vonxavollintlim tem somzonk hem boks modot korta. Hea vorvim, Bible-antleo ghoddnneo ami anik bore toren somzonk xoktat.
