Ƒe sia ƒe la, míekpɔa mɔ vevie na gbɔgbɔmenuɖuɖu siwo míeɖuna le míaƒe nutome gã takpekpewo. Be ame bubuwo hã naɖɔ Yehowa ƒe nyuiwɔwɔ kpɔ la, míakpe ame geɖe ale si nu míate ŋui be woade takpekpea kpli mí. (Ps 34:8) Hamemetsitsiwo ƒe ha ɖe sia ɖe ŋutɔe adzro eme akpɔ ɖa be aleke woate ŋu ama amekpegbalẽviawo nyuie hã.

• Ŋkeke ka dzie mayi takpekpea?

• Ɣekaɣie míadze amekpekpedɔa gɔme le mía gbɔ?

• Ɣeyiɣi kawoe míakpe hena gbeadziyiyi?

• Taɖodzinu kawo gbɔe madi be maɖo le amekpekpedɔa me?

• Ame kawoe madi be makpe?

Ne èdo gbe na amea vɔ la, àte ŋu agblɔ be:

“Míetsɔ amekpegbalẽvi sia le amewo kpem le xexea me godoo be woava wɔna vevi aɖe teƒe. Woŋlɔ ŋkekea, gamea kple teƒe si woawɔe le ɖe amekpegbalẽvi sia dzi. Adzɔ dzi na mí ŋutɔ ne èva.”

Togbɔ be míadi be míakpe ame geɖe ale si nu míate ŋui hã la, ele be míanɔ ŋudzɔ be míakpe ɖe ame siwo tsɔ ɖe le eme la ŋu.

Le kwasiɖanuwuwuwo la, àte ŋu ana magazinewo akpe ɖe amekpegbalẽvia ŋu.