A ummi cazin ah kal

A ummi cazin ah kal

Kehlei: Brooklyn Bethel chungkhar nih 1926 ah Christmas hmanung bik an tuah; Orhlei: Jehovah Tehte Hna cu an i thleidang ti kha mi nih an hmuh

 DAL 3

Pennak Phunglam​​—⁠Pathian Dinnak Kawlnak

Pennak Phunglam​​—⁠Pathian Dinnak Kawlnak

 NAA chawh pah in na innpa kha na chawnh. Tuhrawng mah pa nih nan innchungkhar aan ngiatmi hna kha na hngalh. Nan i chawnhbiak hnuah hitin aan ti: “Bia pakhat in hal kaan duh. Zeicah midang he nan i dan tuk?” Mah tikah “zeidah na chim duhmi a si” tiah na hal. Hitin aan leh: “Jehovah Tehte nan si ko lo mei? Nannih cu midang he nan i lo lo. Biaknak dang he nan i cawhkalh lo, puai hna nan tuah lo i nainganzi le raltuknak ah nan i tel lo. Ahohmanh kuak nan zu lo. Nan ziaza zong a ṭha. Zeinihdah midang he mah tlukin aan danter hna?”

A phi cu a sawhsawh te a si kha na hngalh: Mah cu Pathian Pennak uknak tangah kan um caah a si. Siangpahrang a simi Jesuh nih a kan thenh zungzal. A keneh zulh awkah a kan bawmh i cuticun hi vawlei ṭhalo he kan i dang. Messiah Pennak nih Pathian miphun kha thlaraulei, ziazalei le bupilei in zeitindah a thenh hna ti kha hi dal ah kan i ruah lai. Cutin a tuah cu Jehovah thangṭhatnak caah a si.

 

IN THIS SECTION

ṬHEN 10

Siangpahrang nih a Miphun kha Thlaraulei in a Thenh hna

Christmas le vailamtah an i lawhnak cu zeidah a si?

ṬHEN 11

Ziazalei Thenhnak​​—⁠Pathian Thiannak Langhternak

Ezekiel hmuhmi biakinn kong langhnak i hngahnak khaan le luhnak hna cu 1914 thawkin Pathian mi hna caah sullam a ngei khun.

ṬHEN 12

“Daihnak a Kan Petu Pathian” Biak awkah Dirhnak

Baibal nih ningcang lopi in umnak kha ningcang tein umnak he si loin daihnak he tu a tahchunh. Zeicah? A phi cu tuchan Khrihfa hna he zeitindah aa pehtlaih?