A ummi cazin ah kal

A ummi cazin ah kal

Kehlei: 1931, Korea ah colporteur unaunu phung a chim lio; Orhlei: Tuchan ah, Korea ah kut holh in phung an chim lio

 DAL 2

Pennak kong Chimnak​​—⁠Vawleicung Pumpi ah Thawngṭha Karhternak

Pennak kong Chimnak​​—⁠Vawleicung Pumpi ah Thawngṭha Karhternak

 RIAN naa dinh ni ah phungchim kal awkah tuan tein naa tim. Asinain na bat pah caah naa cungcang. Zinglei ah i dinh cu a nuam tuk ko lai. Asinain thla na cam i kal awkah bia na khiak. Kum upa unaunu he nan kalṭi i inkhawhnak a ngeihmi le zaangfahnak a ngeihmi nih na lung aan suk tuk. Biatak kha innkhat hnu innkhat ah na chim lioah vawleicung pumpi i unau hna zong nih mah kong hi an chim ve, kan hmanmi cauk an hman ve i aa khatmi cawnpiaknak in ṭhatnak kan hmu ti kha na lung ah a hung chuak. Phungchim a dih tikah thazaang tampi he inn ah na ṭin. Inn ah i dinh loin phungchim na rak kal caah naa nuam tuk.

Atu lioah phungchim rian hi Pathian Pennak i a biapi bikmi rian a si. Phungchim rian cu donghnak caan ah khuaruahhar in a ṭhangcho lai tiah Jesuh nih a rak chimchung. (Matt. 24:14) A bia cu zeitindah a tlin? Hi dal ah phungchim rian caah a biapi tukmi minung hna, phungchimning hna le hmanmi hriamnam hna kong kan i ruah lai, mah hna nih vawleicung pumpi i mi tampi kha Pathian Pennak cu a um taktakmi a si ti hngalh awkah a bawmh hna.

IN THIS SECTION

ṬHEN 6

Phung a Chimmi hna​​—⁠Mah Lungtho tein aa Pemi Phungchimtu hna

Donghnak caan ah mah lungtho tein aa pemi phungchimtu ralkapbu ka ngei lai tiah Jesuh nih zeicah a zumh? Pennak pakhatnak i na chiah kha zeitindah na langhter khawh?

ṬHEN 7

Phungchimning​​—⁠Mi sin Thawngṭha Phanhter awkah Lam a Phunphun Hmannak

Donghnak a rat hlanah mi tam khawh chung tam sin thawngṭha phanhter awkah Pathian miphun nih an rak hmanmi lam hna kha hlathlai.

ṬHEN 8

Phungchimnak ah Hmanmi Hriamnam​​—⁠Vawleicung pumpi Phungchimnak caah Cauk Chuahnak

Jesuh nih a kan bawmh ti kha calehnak rian nih zeitindah a langhter? Kan cauk he aa tlaiin zeinihdah Pennak cu na caah a um taktakmi a siter?

ṬHEN 9

Phungchim Rian i a Phichuak​​—⁠“Rawl cu an Hmin dih cang i Ṭuan an Cu diam cang”

Jesuh nih a zultu hna kha a liannganmi thlaraulei rawlṭuannak he aa tlaiin a biapimi thil pahnih a cawnpiak hna. Mah cu tuchan kan caah zeicah a biapit?