A ummi cazin ah kal

A ummi cazin ah kal

Kehlei: U.S.A., Alabama ah unaunu pakhat nih Unaupa Rutherford phungchimmi awkhumhmi kha a awnpiak lio, 1930 hnuah; Orhlei: Switzerland

 DAL 1

Pennak Kong Biatak​​—⁠Thlarau Rawl Phawtnak

Pennak Kong Biatak​​—⁠Thlarau Rawl Phawtnak

 BAIBAL na cawnpiakmi nih atu nai i nan relmi Baibal cang a sullam kha a hngalhthiam caah a mit au a hun pianmi kha na hmuh. Duhsah tein hitin aan ti, “Hi kan vawlei bak hi Paradis ah a cang lai i cuka ah zungzal in kan nung kho lai tiah Baibal nih a kan cawnpiak na ti duhnak maw a si?” Nan kalṭimi unaupa nih, nih buin “Baibal nih zeitindah a ti cu?” tiah a hal. Mah tikah na cawnpiakmi pa nih khuaruahhar ngaiin a lu a thin i “mah kong hi an ka cawnpiak bal lo” tiah a ti. Nai ah Pathian min cu Jehovah a si timi kong na cawnpiak lio zongah cu bantuk bia a chim kha na lung ah a chuak ṭhan.

Cu bantuk thil na tong bal maw? Pathian miphun tampi cu an ton bal. Cu bantuk thil nih a sunglawi tukmi laksawng a simi biatak hngalhnak kan ngeihmi kha kan lung ah a chuahter khawh. Mah laksawng kha khoika in dah ka hmuh tiah chikkhat ruat ta hmanh. Mah biahalnak a phi kha hi dal ah kan i ruah lai. Pathian miphun nih duhsah duhsah in thlaraulei hngalhnak an hmuhnak lam nih Pathian Pennak cu a um taktakmi a si ti kha fiang tein a langhter. Mah Pennak i Siangpahrang a simi Jesuh Khrih nih Pathian miphun biatak cawnpiak an si nakhnga kum zakhat chung lungtho tein rian a ṭuan.

IN THIS SECTION

ṬHEN 3

Jehovah nih Aa Tinhnak a Phuan

A hramthawk Pathian tinhnak ah Pennak hi aa tel maw? Jesuh nih Pennak kong kha zeitindah a phuan?

ṬHEN 4

Jehovah nih a Min a Hlorh

Pathian min he aa tlaiin Pennak nih zeidah a liim? Jehovah min thianternak ah zeitindah naa tel khawh?

ṬHEN 5

Siangpahrang nih Pennak kong a Phuan

Pathian Pennak kong, a uktu hna, an ukmi hna le zumhawktlak tein um awkah a herhmi kong kha hlathlai.