Yishima 2:1-22
2 Mwanami, nyi mutayiza maliji jami,ni kufunga kanawa shimbi jami,
2 ha kupanjika kanawa maliji a manani kwazulula mbunge ye ku malinjekela,
3 chikwo nawa, nyi muwita manani kukololoka ha kwita malinjekela,
4 nyi mununga ni kufupa yuma yino ngwe prata,ni kununga ni kuyifupa ngwe upite wa kusweka,
5 mba munyingika yize kuvumbika Yehova chinalumbunukani kuwana chinyingi cha Zambi.
6 Mumu Yehova mwe wakuhana mana.Mu kanwa lienyi mwakutuhuka yinyingi ni malinjekela.
7 Iye kakufungila akwa-ululi mana waze maakwasa,iye kali lukepwe kuli waze akwenda ni kushishika.
8 Iye kakufunga majila a ululi,kakufunga jila ya waze akushishika kuli iye.
9 Chocho yena munyingika yuma yize yalita, ya ululi ni yalulama,munyingika nawa jila yize yalita.
10 Muze mana manjila mu mbunge ye,ni alma ye muyiputuka kuzanga chinyingi,
11 yena munyonga kanawa, mba chino muchikukwasani malinjekela makufunga,
12 makufunga mu jila yipi,ni kuli mutu yoze wakuhanjika yuma ya saki,
13 kuli waze akwecha jila ya ululihanga ende mu jila ya milima,
14 kuli waze akwiva chiseke ha kulinga yuma yipi,ni waze akuwahilila ni yuma yipi, ya mahuza,
15 atu waze akulinga yuma yipi,akuzanga mahuza.
16 Mana makulamwina kuli pwo chikoi,makulamwina ku maliji ayema a pwo chitanji
17 yoze wakuhichika lunga wa ku ukweze wenyi,ni kuvulama usendo uze alingile ni Zambi yenyi,
18 mumu zuwo lia pwo chikoi liakutwala ku kufwa,ni majila jenyi kakutwala waze keshi tachi ku kufwa.
19 Mutu yoze mapomba nenyi kechi kafuna ni mwonochipwe kuhiluka mu jila ya mwono.
20 Kashika, endela mu jila ya atu apema,nunga mu jila ya akwa-ululi,
21 mumu akwa-ululi e wika makatwama hano hashi,waze ashishika e makanungaho.
22 Alioze hakutwala kuli atu api, makaanongesa hano hashi,akwa-kalimbalimba makaachizaho.
