KINIKIN 1

Seni Fansoun Inok Tori Fansoun Ekkewe Soukapwúng

Ei kinikin a apwóróusa pwóróusen ekkóch ekkewe aramas mi wor ar lúkú me ra tipepwora, poputá seni fansoun Inok tori fansoun ewe soufós Samuel.

Kinikin 1 Timeline

Eú chart mi pwáári ttamen manawen ekkewe aramas mi mak pwóróuseer lón Paipel me liosun ekkewe fansoun mi aúchea lón Paipel.

1 INOK

A Apwapwaai Kot

Inok a fókkun sókkóló seni ekkewe ekkóch lón an we fansoun lón ruu napanap. Ifa ussun a tufich ena? Met Inok a tongeni áiti ngenikich ussun tipepwora?

2 NOA

A Apwúngú Chón Fénúfan

Ifa ussun ach ei fansoun a léllé ngeni fansoun Noa we? Ppii ifa ussun ka tongeni áppirú án Noa pwora.

3 SARA

A Filaatá An Esap Ekiekin Liwiniti Leenian We

Ifa ussun Sara a pwáári an lúkú me pwora?

4 EPERIAM

Ewe Áeménún Mwán mi Maun fán Iten Jiowa

Met sia tongeni káé seni án Eperiam tipemecheres le seláni Lot, tettelin néún we? Met meefien Jiowa ren an pwáári an pwora me lúkú?

5 EPERIAM

A Tipemecheres le Féri ewe Mettóch mi Kon Áweires

Ifa ussun sia tongeni áppirú án Eperiam pwora le álleasochisi Kot? Met ei pwóróus a áiti ngenikich ussun án Jiowa tong?

6 REPEKA

A Tipemecheres le Sú Seni Leenian me An Famili

Repeka emén fefin mi watte an pwora me lúkú. Met sia tongeni káé seni an leenien áppirú?

7 JEKOP

A Tolong lón Osukosuk ren An Epwe Túmúnú An Famili

Pwata pwóróusen Jekop a pwáári pwe mi wor aúchean ach éttúres ngeni án Jiowa feiéch?

8 JOSEF

A Ttii Seni Sóssótun Kewe

Ppii ifa ussun án Josef leenien áppirú a tongeni álisuk le ttii sonuk sóssót me likiitú fán ekkewe weires.

9 SIFRA, PUA, AMRAM, JOKOPET, MIRIAM

“Ren Lúkú, Ra Opaaló Moses”

Ekkewe chón anéúnéú, semen me inen Moses kewe, me fefinan we ra pwáári watteen ar lúkú me pwora. Ifa ussun sipwe pwal féri ena?

10 MOSES

A Féri eú Kefil mi Múrinné

Ifa ewe kefil Moses a féri me pwata? Met ka tongeni káé seni an leenien áppirú?

11 MOSES

‘Kopwe Feiló ren Farao’

Ifa ussun pwóróusen Moses a tongeni alúkúlúkúkich pwe Jiowa epwe álisikich pwal mwo nge atun sia meefi pwe sia lipwákingaw le apwénúetá eú angang a ewisa ngenikich?

12 KALEP

A Akkamwéchú An Túppwél Ngeni An we Kot

Ppii ifa ussun án Kalep leenien áppirú a álisikich ach sisap chék fitaaló met chómmóng aramas ra féri.

13 JOSUA

A Álleasochisi Kapasen Emmwen mi Kkóló

Ifa ewe kapasen emmwen mi kkóló Josua a angei me ren Jiowa? Lón menni fansoun sia tongeni áppirú Josua?

14 REAP

A Filaatá Jiowa Lap Seni Pwisin Chón Leenien We

Met sia tongeni káé seni met Reap a féri? Ifa ussun a kúna feiéch ren an lúkú me pwora?

15 NAOMI ME RUT

Ra Álillisfengen lón Fansoun mi Áweires

Ifa ussun Naomi me Rut ra pwáári ar pwora? Ikkefa ekkewe lesen sia tongeni káé seni pwóróuseer?

16 PARAK ME TEPORA

‘Úpwe Fókkun Etuk’

Parak a péchéú le ereni Tepora an fiti le ló maun. Itá ina esissillen pwe a apwangapwang are péchékkúl an lúkú?

17 JAEL

‘Mi Fókkun Feiéch me Lein Ekkewe Fefin’

Sia tongeni káé seni án Jael pwora le okkufu emén mi ú ngeni Jiowa. Pwata a kon lamot ngenikich lón ei fansoun ach sipwe eáni pwora ussun chék Jael?

18 KITION

A Pwora me Túmúnúéch

Lón menni atun eli a lamot ach sipwe pwora me túmúnúéch?

19 JEFTA ME NÉÚN WE FÉPWÚL

Ra Apwénúetá eú Pwon mi Áweires

Ifa ussun án Jefta me néún we fépwúl leenien áppirú a tongeni álisikich lón ei fansoun?

20 SAMISON

A Tingorei Kot An Péchékkúl Atun A Apwangapwang

Met sia tongeni káé seni met Samison a féri mwirin an mwáálliló?

21 SAMUEL

Emén Át A Pwora le Fós fán Iten Jiowa

Eli ineet atun a lamot ngeni ekkewe kúkkún me sáráfé ar repwe pwora le féri minne mi pwúng?

KINIKIN 2

Seni Fansoun Ekkewe King Tori Fansoun Fférsefálin Jerusalem

Ei kinikin a apwóróusa pwóróusen ekkóch aramas lóóm mi wor ar lúkú me ra tipepwora, a poputá ren pwóróusen Jonatan, néún King Saul we, mwirin King Tafit, me a muchúló ren án néún Kot kewe aramas towu seni Papilon me fférsefálin Jerusalem.

Kinikin 2 Timeline

Eú chart mi pwáári ttamen manawen ekkewe aramas mi mak pwóróuseer lón Paipel me liosun ekkewe fansoun mi aúchea lón Paipel atun fansoun ekkewe king tori fférsefálin Jerusalem.

22 JONATAN

A Lamot Ngeni Pwora pwe Epwe Túppwél

Jonatan a kúna sóssótun ié epwe túppwél ngeni. Ifa ussun a silei iká ié we epwe túppwél ngeni? Ifa ussun sia tongeni áppirú?

23 TAFIT

A Fiu Ngeni Emén Mwán mi Mwánemmong

A silleló pwe Tafit i emén chón maun mi pwora. Ifa ussun pwóróusen an pwora a apéchékkúla ekkewe ekkóch? Ifa ussun ekkewe ekkóch ra tongeni káé seni óm leenien áppirú ussun pwora?

24 APIKAEL

A Efisi Kinamwe lón eú Watteen Osukosuk

Met ekkewe mi pwúpwúlú ra tongeni káé seni pwóróusen Apikael?

25 TAFIT

A Pwora le Féri Met mi Pwúng

A tufich án Tafit epwe liiwini ngeni chón koputan liwinin an féffér. Nge met a eppeti? Ifa ussun sipwe áppirú?

26 NATAN

A Apwúngú ewe King

Met sia káé seni pwóróusen Natan ren ifa ussun sipwe álisi emén chienach mi féri eú tipis mi chou?

27 MEFIPOSET

Ese Song Atun A Kúna Pwúngúngaw

Ifa ewe lesen mi tongeni oururu letipach sia tongeni káé seni Mefiposet?

28 ASA

A Angang Ngeni Jiowa lón “Ränin Manauan Meinisin”

Met sia tongeni káé seni ewe mwán mi unus lelukan ngeni Jiowa?

29 ELIAS

Jiowa I Ái Kot

Met a álisi Elias an epwe okkufu an niwokkus?

30 EWE FEFIN MI MÁ SENI PWÚLÚWAN LÓN SARAFAT

A Lúkúlúk Wóón Jiowa lón ewe Fansoun mi Fókkun Áweires

Ifa ussun pwóróusan a apéchékkúlakich ach sipwe lúkúlúk wóón Jiowa?

31 EWE KÚKKÚNÚN NENGNGININ ISRAEL

A Pwora le Fós Ussun An we Kot

Pwóróusen ewe kúkkún nengngin a tongeni álisuk óm kopwe pwora le afalafal pwal mwo atun ka meefi niwokkus.

32 ELISA

‘Jiowa Kopwe Aneneloi Mesan’

Ifa ussun ach silei pwe ekkewe chónláng rese fókkun towaw senikich a apworaikich?

33 JEHOIATA

A Túmúnú ewe King Jiowa A Filaatá

Met ewe Jehoiata a féri mi pwáári an pwora? Ifa ussun ka tongeni áppirú an pwora?

34 ESEKAIA

‘A Kamwöchünük Won Jiowa’

Esekaia a pwáári an watteen pwora me lúkú. Ifa ussun sia tongeni áppirú lón ach ei fansoun?

35 MANASA

A Wor An Pwora le Áier

Pwata sia tongeni erá pwe Manasa i eú leenien áppirú mi múrinné ren ewe mettóch pwora?

36 JOSAIA

A Álisi Ekkewe Aramas Ar Repwe Fel Ngeni Jiowa Sefál

Inaamwo iká Josaia a kúna weires atun a kúkkún, nge a pwáári an pwora ren an peni fel mi enlet. Ifa ussun sia tongeni áppirú i?

37 TANIEL

A Tipeppós le Álleasochisi án Kot Allúk

Ifa ussun ekkewe kúkkún me sáráfé ra tongeni áppirú án Taniel pwora me túppwél? Ifa ussun kich meinisin sia tongeni kúna feiéch seni an leenien áppirú?

38 EKKEWE ÚLÚMÉN RE IPRU

Ra “Akaúlóói Ngetengeten Ekkei”

Ekkewe úlúmén re Ipru ra pwora inaamwo iká itá repwele ninniiló. Met ar leenien áppirú a áiti ngenikich ussun tipetekison, mosonoson, me túppwél?

39 ESTER

“Ika Üpwe Mäla, Üpwe Chök Mäla”

Ester a mirit me álleasochis. A pwal mwo nge kúna chen me ren pwúlúwan we ese fiti lón an lúkú. Met sia tongeni káé seni an leenien áppirú?

40 NEHEMIA

A Férsefáli ewe Ttit

Met pwóróusen Nehemia a áiti ngenikich ussun ach sipwe alapaaló ach angang ngeni Jiowa? Ifa ussun ekkewe mwán mi ásimaw ra tongeni áppirú an leenien áppirú?