Me ren Mark 16:1-8
-
Jises a manawsefál (1-8)
16 Iwe, lupwen a wes ewe Sapat, Meri Maktalin, Meri inen Jemes we, me Salome ra kamé sókkopaten mettóch mi pwoéch pwe repwe feiló epit ngeni inisin we.
2 Iwe, lesossorusichin ewe áeúin ránin wiik atun ewe akkar a kerán tétá, ra ló ren ewe peiás.
3 Ra eráfengen lefiler: “Ié epwe púlú ngenikich ewe faw seni ppen asamen ewe peiás?”
4 Nge lupwen ra nengeni ra kúna ewe faw pwe a fen púlúpúlúló seni, inaamwo iká a fókkun féúmmóng.
5 Lupwen ra tolong lón ewe peiás ra kúna emén alúwél mi mómmóót peliefichin mi úféúf úf mi pwech, me ra kééló.
6 A ereniir: “Ousap niwokkus. Úa silei pwe oua kútta Jises ewe re Nasaret ewe a ninniiló wóón ewe irá. A fen manawetá. Ese nóm ikeei. Nengeni, iei ewe leeni ra akoonaaló i ie.
7 Nge oupwe feiló ereni néún kewe chón káé me Piter, ‘I a akkomwoló mwemi ngeni Kalili. Oupwe kúna i me ikena ie, ussun met a fen erenikemi.’ ”
8 Iwe, atun ra towu, ra súló seni ewe peiás fán ar chechchech me rúké. Me rese apasa och ngeni emén, pún ra niwokkus.*
