1. Jiowa Koten tong,

Ka fen pwonei kinamwe.

Kese mochen álisikem,

Ren óm manaman mi fel.

Ám lúkú wóón Noum we,

Mi wenechar me tuppwél

A tufich aupwe chiechi,

Aupwe kinamwe ngonuk.

2. Ren óm we manaman

Paipel a emmwenikem.

Aua kúna túmún lón ei

Fénúfan mi kon kiroch.

Amwo óm manaman

Epwe kan álisikem

Le amwéchú ám kinamwe

Lón fansoun osukosuk.

3. Chókkewe ka tongei,

Lón láng me wóón fénúfan,

Ka emwichafengeniir le

Esilei Mwuum we mi pwúng.

Meinisin kewe maun

Mwuum epwe áwesaaló.

’Kewe mi tipetekison

Repwe nóm lón kinamwe.